Aımaqtar • 25 Qyrkúıek, 2019

Mańǵystaýda izdeýde júrgen 6 qylmysker ustaldy

326 ret kórsetildi

Bul Mańǵystaý oblysy kóleminde ótken respýblıkalyq «Zańsyz kelýshi-Arna-Mıgrant» jedel-profılaktıkalyq is-sharasy aıasynda oryn aldy.

Mańǵystaý oblystyq Polısııa departamenti baspasóz qyzmetiniń habarlaýynsha, is-shara «2025 jylǵa deıin kezeńde zańsyz kóshi-qonǵa qarsy is-qımyldyń ujymdyq júıesin damytý jónindegi Ujymdyq qaýipsizdik týraly Shart uıymyna múshe memleketterdiń áreketteri josparynyń» 2.1-tarmaǵyna sáıkes ótkizilgen.  Is-sharanyń tórt kúninde birneshe ákimshilik quqyq buzýshylyqtar anyqtalyp, olar Qazaqstan Respýblıkasy ákimshilik quqyq buzýshylyq Kodeksiniń kelesi baptarymen ákimshilik jaýapkershilikke tartyldy.

Mysaly, qoǵamdyq oryndarda tıiskeni úshin (QRÁQBtK-niń 449-babynyń 3-bóligi) – 1 sheteldik,
sot úkimin, sot sheshimin nemese ózge de sot aktisin jáne atqarýshylyq qujatty oryndamaǵany úshin (QRÁQBtK-niń 669 bap) – 3 sheteldik;

sheteldiktiń nemese azamattyǵy joq adamnyń Qazaqstan Respýblıkasynyń halyqtyń kóshi-qony salasyndaǵy zańnamasyn buzǵany úshin (QRÁQBtK-niń 517-baby) – 762 sheteldik,

sheteldikterdi jáne azamattyǵy joq adamdardy qabyldaıtyn jeke nemese zańdy tulǵalardyń Qazaqstan Respýblıkasynyń halyqtyń kóshi-qony salasyndaǵy zańnamasyn buzǵany úshin (QRÁQBtK-niń 518-baby) – 65 QR azamaty tartyldy.

Sondaı-aq, sheteldik jumys kúshin jáne eńbekshi kóship kelýshilerdi Qazaqstan Respýblıkasynyń zańnamasyn buza otyryp tartqany úshin (QRÁQBtK-niń 519-baby) – 36 tulǵa jaýapqa tartylyp,
qabyldaý-taratý orynyna – 66 azamat qamaldy.

Sot organdarynyń sheshimine sáıkes elden tys jerge – 91 sheteldik shyǵarylsa, 766 sheteldiktiń ýaqytsha bolý merzimderi qysqartyldy.

Sondaı-aq Ishki ister organdarynda 766 adam esepke alyndy jáne sotqa deıin tergep tekserýdiń birińǵaı tizilimine sáıkes (QR QK-niń 430-baby boıynsha «Sot úkimin, sot sheshimin nemese ózge de sot aktisin ne atqarýshylyq qujatty oryndamaý» -1, QR QK-niń 392-babynyń t.1 boıynsha «QR-nyń Memlekettik shekarasyn qasaqana zańsyz ótý» - 1 ) 2 shetel azamatyna qylmystyq is qozǵaldy.
Sondaı-aq, shara aıasynda izdeýde júrgen 6 qylmysker quryqtaldy.

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar