Prezıdent • 25 Qyrkúıek, 2019

Qasym-Jomart Toqaev BUU Bas Assambleıasy 74-sessııasynyń Jalpy debatynda sóz sóıledi

85 retkórsetildi

BUU Bas Assambleıasy 74-sessııasynyń Jalpy debatynda Memleket basshysy Qasym-Jomart Toqaevtyń sóz sóıleýi Nıý-Iork saparynyń basty oqıǵasy boldy. Bul týraly Aqordanyń baspasóz qyzmeti habarlady.

Qazaqstan Prezıdenti halyqaralyq bedeldi minberde BUU búkil adamzattyń múddesin qorǵaıtyn ámbebap ári biregeı uıym ekenin málimdedi.

– Búginde Ulttar uıymy ǵalamdyq damý jáne órkenıetter sabaqtastyǵyn qamtamasyz etýde asa mańyzdy ról atqaryp keledi. Bas hatshy Antonıý Gýterrıshtiń ár adam men memleket taǵdyryn ortaq qundylyq dep taýyp, nazardan tys qaldyrmaý ıdeıasyn Qazaqstan tolyq qoldaıdy,– dedi Qasym-Jomart Toqaev.

Memleket basshysy 2030 jylǵa deıingi Turaqty damý maqsattaryn júzege asyrýda eleýli kedergi keltirip otyrǵan álemdegi geosaıası jáne geoekonomıkalyq ózgeristerge qatysty óziniń alańdaýshylyǵyn bildirdi.

Osyǵan baılanysty Prezıdent ǵalamnyń jańa shynaıy kelbeti jaǵdaıyndaǵy syn-qaterlerdiń negizgi faktorlaryn atap kórsetti.

– Birinshiden, eski qaqtyǵystardyń qaıta qaýlap, álemniń ár túkpirindegi jaǵdaıdyń ýshyǵýy burynǵy bólinisterdiń jigin ashyp, jahandyq derjavalardy tolyqtaı áskerı qaqtyǵys jaǵdaıyna jetkizip, jańa máseleler týyndatyp otyr, – dedi Qasym-Jomart Toqaev.

Memleket basshysy ekinshi faktor retinde ǵalamdyq jáne aımaqtyq oıynshylar arasyndaǵy qarym-qatynasta bir-birine degen senimniń joqtyǵyn atady. Onyń aıtýynsha, bul búgingi qaýipsizdik qurylymy men qarýlanýdy baqylaý júıesiniń irgesin sógip, jappaı qarýlanýǵa ákep soǵýy múmkin.

– Bul syn-qaterlerdi uzaq merzimdi sanksııalar, saýda soǵysy, ǵaryshtaǵy baqtalastyqtyń artýy, kıbertehnologııalar men jasandy ıntellekt tereńdetip jiberdi. Osy aıtylǵandardyń barlyǵy ýshyqqan fýndamentaldy daǵdarystyń qaýipti aspektileriniń kórinisi,– dedi Prezıdent.

Memleket basshysy úshinshi faktor retinde Soltústik pen Ońtústik arasyndaǵy áleýmettik, ekonomıkalyq jáne tehnologııalyq teńsizdikti, kózqarastar qaqtyǵysynyń artýy, sonymen qatar ǵalamdyq qaryz daǵdarysyn atap kórsetti.

Qasym-Jomart Toqaev proteksıonızm men ultshyldyq saıasatynyń kúsheıýi halyqaralyq áriptestik pen yntymaqtastyqqa kedergi keltirip otyr dep sanaıdy.

Ǵalamdyq turaqsyzdyq faktoryn týdyratyn tórtinshi másele – qorshaǵan ortanyń tozýy. Prezıdent Ortalyq Azııadaǵy klımattyń ózgerýi dalanyń shólge aınalýyna, muzdyqtardyń erýine jáne aýyz sý men aǵyn sýdyń qaınar kóziniń tartylýyna ákelip soǵatynyn málimdedi.

– Osyndaı kúrdeli jaǵdaıda Qazaqstan ınklıýzıvti jáne turaqty damý, jan-jaqty dıalog pen beıbitshilikti saqtaý saıasatyn udaıy júzege asyryp keledi, – dedi Memleket basshysy.

Prezıdent ıadrolyq qarýdan azat beıbitshilikke qol jetkizý Qazaqstan úshin negizgi basymdyq bolyp tabylatynyn atap ótti. Baıandamada elimizdiń antııadrolyq bastamalaryna, Qazaqstannyń Tuńǵysh Prezıdenti – Elbasy Nursultan Nazarbaevtyń qarýdy taratpaý jáne qarýsyzdaný prosesine qosqan eleýli úlesine zor kóńil bólindi.

Qasym-Jomart Toqaev Iranǵa qatysty jan-jaqty qamtylǵan birlesken is-qımyldar jospary men Koreı túbegin ıadrolyq qarýsyzdandyrýdy júzege asyrýdaǵy problemalar taraptardyń ózara múddelerin eskere otyryp, tek saıası ádis-tásilmen ǵana sheshilýi kerek dep esepteıdi.

Memleket basshysy óz baıandamasynda Azııadaǵy ózara yqpaldastyq jáne senim sharalary jónindegi keńesti qaýipsizdik pen damý boıynsha tolyqqandy aımaqtyq uıym retinde qaıta qurýdy usyndy. Onyń aıtýynsha, Qazaqstan bul usynysty 2020 jyly atalǵan uıymǵa tóraǵalyq etý kezinde júzege asyrýdy qolǵa almaq.

Prezıdent Aýǵanstan men Taıaý Shyǵystaǵy jaǵdaıǵa qatysty bizdiń eldiń ustanymyn aıtyp, «Jýsan» gýmanıtarlyq operasııasynyń tájirıbesimen bólisýge ázir ekenin bildirdi.   

Qasym-Jomart Toqaev BUU óz mıssııasyn oryndaý barysynda kezigetin keıbir kedergilerge nazar aýdardy. Osy oraıda, Memleket basshysy Bas hatshy Antonıý Gýterrıshtiń BUU-ny reformalaý jónindegi naqty ári batyl qadamdaryn uıymǵa múshe-memleketterdiń barlyǵy keńinen qoldaýǵa laıyqty ekenin atap ótti.

Turaqty damý maqsattary týraly aıta kele, Prezıdent bıylǵy mamyr aıynda Qazaqstanda ashylǵan Halyqaralyq uıymdar ǵımaratynyń bazasynda Ortalyq Azııa memleketteri men Aýǵanstan úshin Turaqty damý ortalyǵyn qurý jóninde usynys bildirdi.

Qasym-Jomart Toqaevtyń baıandamasynyń tolyq mátinimen myna silteme arqyly tanysa alasyz.

Banner
Sońǵy jańalyqtar

Taǵylymdy tulǵa

Rýhanııat • Búgin, 09:36

Ǵylym qanatyndaǵy ǵumyr

Rýhanııat • Búgin, 09:34

Moıynqumǵa ushaq qatynaıdy

Aımaqtar • Búgin, 09:29

«Para berme» chellendji bastaý aldy

Aımaqtar • Búgin, 09:27

Kásipodaq úzdikteri marapattaldy

Aımaqtar • Búgin, 09:26

Bı-aǵa salǵan án eken...

Rýhanııat • Búgin, 09:17

Qaıta oralǵan «Don Karlos»

Rýhanııat • Búgin, 09:15

Jeti óner qonǵan jampozym

Rýhanııat • Búgin, 09:12

Taǵdyry tańdalǵan patshaıym

Rýhanııat • Búgin, 09:09

Naǵyz qazaq

Rýhanııat • Búgin, 09:05

«Brakoner» biraz basbuzardy quryqtady

Aımaqtar • Búgin, 09:00

Reseıden de úırenýge bolady

Saıasat • Búgin, 08:52

Zań jobasyn talqylady

Qoǵam • Búgin, 08:46

IýNESKO-nyń syılyǵyn jeńip aldy

Qazaqstan • Búgin, 08:45

«Eńbek» eleýsiz qaldy

Qoǵam • Búgin, 08:43

Robot-tehnıka úıirmeleri qajet pe?

Qazaqstan • Búgin, 08:26

Qurylysshylar nege ereýilge shyqty?

Qazaqstan • Búgin, 08:24

«Januıa» ortalyǵy jumysyn bastady

Qoǵam • Búgin, 08:22

Kedergisiz ómir syılaıdy

Qoǵam • Búgin, 08:22

Reformalar oza shabýdy kótermeıdi

Qoǵam • Búgin, 08:19

Azamattyq jaýapkershilik qajet

Qoǵam • Búgin, 08:16

Ashyq qoǵam aıshyqtary

Búgin, 08:14

Tazalyqtan aldyna jan salmaıtyn jurt

Qoǵam • Búgin, 08:08

Jaldamaly jumysshylar jalaqysy artty

Ekonomıka • Búgin, 08:05

Sheteldik taýarlar qymbattady

Ekonomıka • Búgin, 08:03

Ekonomıkalyq ósimniń kóleńke tusy

Ekonomıka • Búgin, 08:00

Baspana baǵasy nege kóterildi?

Qoǵam • Búgin, 07:58

Yntymaqtastyqtyń jańa kezeńi

Qazaqstan • Búgin, 07:52

Eń qysqa áńgime. Qanat Ábilqaıyr

Eń qysqa áńgime • Keshe

Eń qysqa áńgime. Arman Álmenbet

Eń qysqa áńgime • Keshe

Uqsas jańalyqtar