«Ekonomıkalyq damýdyń aspektilerin jan-jaqty zertteý kez kelgen máseleni der kezinde sheshý úshin qajet. Atap aıtqanda, ımportty almastyrý úshin otandyq kásiporyndarynyń qýattylyǵyn arttyrý, otandyq ónimdi eksportqa shyǵarý, týrızmdi damytý, saýda habyn qurý, IT-salasyn damytý arqyly ekonomıkany sıfrlandyrý jáne «aqyldy qala» jobasyn júzege asyrý syndy baǵyttarda birqatar túıini tarqamaǵan suraqtar bar. Al bul saýalnama ońtústik astananyń ekonomıkasyn qoldaý jáne ary qaraı damytý úshin, qalanyń barlyq bıznes múmkinshilikterin anyqtaý maqsatynda qajet», – deıdi Narıman Ábilshaıyqov.
Jappaı kásipkerlikti damytý úshin naryqtaǵy suranys pen bıznes ıeleriniń qajettilikterin bilý óte mańyzdy.
Osy maqsatta qalalyq kásipkerler palatasy men qala ákimdigi birlese otyryp arnaıy skrınıng júrgizýdi qolǵa aldy. Bul saýalnama boıynsha derekter turǵyn úılerdi aralaý, telefon arqyly suhbattasý jáne jekeleı áńgimelesý nátıjesinde bir ortaǵa toǵystyrylady. Statıstıkalyq málimetterge súıensek, qazirgi kezde megapolıste skrınıngke qatysatyn 176 myń kásipker men 69,5 myń úı ıesi bar. Sonymen qatar, palata basshysy skrınıng nátıjeleri memlekettik baǵdarlamalardy ázirleý men qabyldaý kezinde negizgi kómekshi quralǵa aınalýy tıis ekenin atap ótti.
