Qazaqstan • 25 Qyrkúıek, 2019

Tuzdy tutyný tómendeıdi

169 retkórsetildi

«Qoǵamdyq densaýlyq saqtaý ulttyq ortalyǵy» men S. Seıfýllın atyndaǵy Qazaq agrotehnıkalyq ýnıversıteti arasynda ózara yntymaqtastyq týraly memorandýmǵa qol qoıyldy. Yntymaqtastyqtyń negizgi baǵyty - salaýatty tamaqtaný mádenıetin qalyptastyrý, jastardyń densaýlyǵyn nyǵaıtý maqsatynda tuzdy kezeń-kezeńmen 1 gramǵa tómendetý boıynsha nan, nan-toqash ónimderiniń mázirin ózgertý.

Osyǵan baılanysty Qoǵamdyq densaýlyq saqtaý ulttyq ortalyǵymen durys tamaqtaný saıasatyn qamtamasyz etý boıynsha sharalar kesheni ázirlengen. Qujattardyń birine nan jáne nan-toqash ónimderindegi tuzdy kezeń-kezeńmen tómendetý jónindegi is-sharalar jospary jatady. Ortalyq bul bastamany basqa da nan-toqash ónimderin óndirýshiler de qoldaıdy dep josparlap otyr.

«Tuzdy joǵary tutyný semizdik, II tıpti qant dıabeti jáne onkologııalyq aýrýlardyń keıbir túrleri, arterııalyq gıpertenzııa, ınsýlt, ınfarkti qosa alǵanda júrek-qan tamyrlary aýrýlary sııaqty sozylmaly ınfeksııalyq emes aýrýlardyń damýyna ákep soǵady. Dúnıejúzilik densaýlyq saqtaý uıymy júrgizgen sońǵy zertteýlerdiń nátıjeleri boıynsha Qazaqstanda tuzdy tutyný álemdegi eń joǵary deńgeıde jáne DDU usynǵan táýliktik dozadan 3 eseden artyq, ıaǵnı táýligine 17 gramm,  norma bolsa 5 gramm quraıdy», deıdi QazATÝ «Tamaq jáne qaıta óńdeý óndiristeriniń tehnologııasy» kafedrasynyń aǵa oqytýshysy, tehnıka ǵylymdarynyń doktory Nurbıbi Sovetqyzy.

Ekonomıkalyq úlgileýdiń derekteri boıynsha, tuzdy tutynýdy tómendetý jónindegi is-sharalar kesheni Qazaqstandaǵy ınfeksııalyq emes aýrýlardyń aldyn alýdyń neǵurlym tıimdi sharasy. Tuzdy tutynýdy qysqartýǵa baǵyttalǵan is-sharalarǵa salynǵan qarjy, bes jyldyq kezeńde salynǵan qarajattan 11 ese artyq ekonomıkalyq nátıje beredi.

«Tuzdy tutynýdy qysqartý ınfeksıalyq emes aýrýǵa baılanysty qaýipti jáne qan qysymyn tómendetýi múmkin. DDU usynymdaryna sáıkes, taǵam ónimderindegi tuzdyń sanyn azaıtýdy jappaı tutyný ónimi retinde nannan bastaý neǵurlym tıimdi. Jalpy bizdiń  eksperımentaldyq-óndiristik sehta ýnıversıtet platformasy aıasynda azyq-túlik óndirisi baǵdarlamalyq tobyna qaraı mamandyqtar daıyndalady. Soǵan oraı stýdentterdiń teorııalyq sabaqtarmen qatar tájirıbelik sabaqtardy da ótedi. Osy eksperımentaldyq-óndiristik sehta nan jáne nan-toqash ónimderi óndiriledi. Stýdentterge 2-kýrstan bastap, 4-kýrsqa deıin tájirıbelik sabaqtar júrgiziledi. Olar nan tehnologııasyn, nannyń túrlerin, oǵan qosylatyn shıkizattar jáne óndiriske qoıylatyn talaptardyń barlyǵyn osy jerden úırenip shyǵady. Bakalavrda oqıtyn stýdentter, magıstranttar nemese doktaranttar bolsyn ózderiniń nan ónimderine baılanysty dıplomdyq bolsyn, dıssertasııalyq jumystaryn bolsyn kózben kórip, kóńilge toqyp jazady», deıdi Eksperımentaldyq-óndiristik sehynyń tehnology, oqý sheberi Gaýhar Dúısenǵalıqyzy.

Qazirgi tańda S.Seıfýllın atyndaǵy Qazaq agrotehnıkalyq ýnıversıtetiniń nan jáne nan-toqash ónimderin óndirý jónindegi eksperımentaldyq-óndiristik sehynda Eýrazııalyq ekonomıkalyq odaqtyń normatıvti-quqyqtyq qujattarynyń talaptaryna saı keletin nan-toqash ónimderiniń 15-ten astam túri óndirilýde. Infeksıalyq emes aýrýlardyń aldyn alýǵa baǵyttalǵan memorandým aıasynda JOO stýdentteri men oqytýshylary úshin tuzy az mólsherdegi nandy óndirý bastalǵan. Eki jaqty yntymaqtastyq sheńberinde halyqaralyq sarapshylardy tarta otyryp, ártúrli tamaq ónim túrlerinde tuzdy tómendetý máseleleri boıynsha konsýltasııalar, semınarlar, sondaı-aq durys tamaqtaný mádenıetin qalyptastyrý boıynsha birlesken túrli aksııalar uıymdastyrý josparlanýda.

«Atalǵan ýnıversıtet nan-toqash ónimderindegi tuz mólsherin azaıtý onyń dámdik qasıetine, óndirý tehnologııasy men saqtaý merzimine eshqandaı teris áser bermeıtinin praktıkalyq zertteýler júrgizý negizinde dáleldegen alańǵa aınaldy. Jumystyń oń tájirıbesi ony joǵary aýqymdy nan óndirýshilerinde kórsetýge múmkindik beredi. Budan bólek, qazirgi ýaqytta QDSUO «Nur Otan» partııasynyń Nur-Sultan qalasyndaǵy fılıalymen birge nandaǵy tuz mólsherin azaıtý boıynsha iri nan-toqash óndirýshilerimen jumysty bastady. Iri óndirýshilerden bólek, atalmysh aksııaǵa kishigirim naýbaıhanalar da qosylýǵa nıet bildirýde» deıdi QR DSM Qoǵamdyq densaýlyq saqtaý ulttyq ortalyǵy dırektorynyń orynbasary Rýslan Qusaıynuly.

Banner
Sońǵy jańalyqtar

Izgilik elshisi

Aımaqtar • Búgin, 17:38

Soltústik oblystarda boran bolýy múmkin

Qazaqstan • Búgin, 16:18

Kún energııasy Oralǵa jetti

Aımaqtar • Búgin, 15:46

«Aqyny aq Ertistiń – Qımadıden...»

Rýhanııat • Búgin, 12:46

Fýtbol: Makedonııamen teń oınadyq

Fýtbol • Búgin, 12:24

Kúlki kerýeni № 3

Rýhanııat • Búgin, 11:38

Eń qysqa áńgime. Jandos Júsipbek

Eń qysqa áńgime • Búgin, 11:32

Eń qysqa áńgime. О́mirjan Ábdihalyquly

Eń qysqa áńgime • Búgin, 11:29

Eń qysqa áńgime. Baýyrjan Babajanuly

Eń qysqa áńgime • Búgin, 11:24

Dala úni Almatyda bastalady

Rýhanııat • Búgin, 10:19

Tekti sózdiń tóresi Almatydan bastalady

Aımaqtar • Búgin, 10:11

Taǵylymdy tulǵa

Rýhanııat • Búgin, 09:36

Ǵylym qanatyndaǵy ǵumyr

Rýhanııat • Búgin, 09:34

Moıynqumǵa ushaq qatynaıdy

Aımaqtar • Búgin, 09:29

«Para berme» chellendji bastaý aldy

Aımaqtar • Búgin, 09:27

Kásipodaq úzdikteri marapattaldy

Aımaqtar • Búgin, 09:26

Bı-aǵa salǵan án eken...

Rýhanııat • Búgin, 09:17

Qaıta oralǵan «Don Karlos»

Rýhanııat • Búgin, 09:15

Jeti óner qonǵan jampozym

Rýhanııat • Búgin, 09:12

Taǵdyry tańdalǵan patshaıym

Rýhanııat • Búgin, 09:09

Naǵyz qazaq

Rýhanııat • Búgin, 09:05

«Brakoner» biraz basbuzardy quryqtady

Aımaqtar • Búgin, 09:00

Reseıden de úırenýge bolady

Saıasat • Búgin, 08:52

Zań jobasyn talqylady

Qoǵam • Búgin, 08:46

IýNESKO-nyń syılyǵyn jeńip aldy

Qazaqstan • Búgin, 08:45

Uqsas jańalyqtar