Saıasat • 25 Qyrkúıek, 2019

Senat Tóraǵasynyń orynbasary Aýǵanstan Parlamenti joǵarǵy palatasynyń vıse-spıkerimen kezdesti

103 retkórsetildi

Qazaqstan Respýblıkasy Parlamenti Senaty Tóraǵasynyń orynbasary Asqar Shákirov Eýrazııa elderi Parlamentteri spıkerleriniń 4-shi keńesine qatysý úshin Nur-Sultanǵa kelgen Aýǵanstan Islam Respýblıkasy Parlamenti joǵarǵy palatasynyń vıse-spıkeri Mohammad Faısal Samımen kezdesti. Bul týraly Parlament Senatynyń baspasóz qyzmeti habarlady.

«Qazaqstan Aýǵanstandy qalpyna keltirý jónindegi óziniń halyqaralyq mindettemelerinen aınymaıdy jáne eldegi jaǵdaıdy tez arada turaqtandyrýǵa múddeli», - dep atap ótti A.Shákirov.

Senator 2019 jylǵy 24 qyrkúıekte BUU Bas Assambleıasynyń Nıý-Iorktegi jalpy pikirsaıystarynda Memleket basshysy Q.Toqaev Aýǵanstan Islam Respýblıkasyndaǵy beıbitshilikti qalpyna keltirýge Qazaqstannyń múddeli ekenin aıtqanyn eske saldy. Prezıdenttiń aıtýynsha, aýǵan halqyn óz memleketiniń qalpyna keltirýine Qazaqstan aldaǵy ýaqytta da qoldaý kórsetetin bolady.

Aýǵanstan Parlamenti joǵarǵy palatasynyń vıse-spıkeri áńgime barysynda Eýrazııalyq parlamenttik alańnyń mańyzyn atap óte kelip, Qazaqstan-Aýǵan parlamentaralyq qatynastaryn nyǵaıtýǵa daıyndyǵyn naqtylady.

Mohammad Faısal Samı bizdiń elimizdiń aýǵan halqyna kórsetken kómegi úshin alǵysyn bildirip, Qazaqstan Respýblıkasynyń Tuńǵysh Prezıdenti Nursultan Nazarbaevtyń bastamasy boıynsha júzege asqan bilim berý jobalarynyń mańyzyn erekshe atap ótti.

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar