Tanymdyq baǵdarlama taǵylymy

«Mýzeı túni» sherýi – Halyq­aralyq mýzeı kúni kópshi­liktiń, ásirese jastardyń mýzeıge degen qyzyǵýshylyǵyn arttyrý maqsatynda kóptegen mádenı mekemelerdiń qatysýymen jyl saıyn ótkiziletin aksııa retinde bastaý alsa, aldaǵy ýaqytta irgeli mýzeılerdiń bári de jıirek qolǵa alýdy josparlap otyr. «Mýzeı túni» bastalǵaly beri Almatynyń mádenı ómirindegi mańyzdy sharalardyń birine aınaldy.

Elimizdiń rýhanı orta­ly­ǵyndaǵy iri mýzeılerdiń birinen sanalatyn Almaty mýzeıi keshki saǵat 19.00-den keıin ádettegideı qalalyqtarǵa esigin aıqara ashty. Almaty jáne Jetisý aımaǵynyń tarıhyna baılanysty 35 000 jádiger saqtalyp otyrǵan mýzeı kelgenderdi arnaıy taqyryptyq baǵdarlamamen jáne mádenı-kóńil kóterý sharalarymen qar­sy aldy. Mýzeıdegi 11 ekspo­zı­sııalyq zal boıynsha ekskýrsııalar uıymdastyrylyp, jastarǵa sonaý tas dáýirinen bastap búgingi kezeńge deıingi jádigerlerdiń tarıhy tanystyryldy. Aıta ketý kerek, Almaty mýzeıi ornalasqan ǵımarattyń ózi tarıh jáne sáýlet eskertkishi retinde memleket qorǵaýyna alynǵan aıyryqsha mártebege ıe nysan. Endeshe, basty tarıhı jádiger ǵımarattyń ózinen bastalady. Kelgender de sáni men sáýleti kelisken kóne ǵımarattyń syryn bilgenshe asyǵady.

Munda ornalasqan «Almaty mýzeıler birlestiginiń» qura­myna shahardaǵy birneshe irge­li mýzeı toptastyrylǵan. Birles­tik dırektorynyń orynbasary Jánibek Nálibaevtyń aıtýyn­sha, bul aksııa ásirese ýa­qyty esepteýli, jumysbasty adam­­dar úshin jáne qarttar men jastar úshin óte qolaıly. Kúndizgi qarbalastan keıin kez kelgen almatylyq nemese qala qonaqtary tegin kirip, asyqpaı júrip mýzeı aralap, ózi ómir súrip otyrǵan shahar jaıynda mol málimetke qanyǵa alady. Túngi mezgilde mýzeı tamashalaýdyń da ózindik áseri bólek.

Bul joly «Mýzeı túni» qolóner taqyrybyna basymdyq berýimen sharanyń rýhanı sal­maǵyn arttyra tústi. T.Júrgenov atyndaǵy ulttyq óner akade­mııasynyń 4-kýrs stýdenti Danııar Babashev mý­zeıdi tamashalap kelgenderge qysh qumyranyń jasalý tehnıkasyn kórsetti. Áp-sátte ártúrli pishinge ózge­rip shyǵatyn qumyralardy jastardyń ózi de jasap kórgisi kelip, qy­zy­ǵýshylyq bildirip jatty. Sondaı-aq O.Tańsyqbaev atyn­daǵy Almaty sándik-qoldanbaly óner kolledji ókil­deriniń qatysýymen de sheberlik saǵaty ótti. Ýaqytsha kórme zalynda ótken Gúlnara Shormaqovanyń «Ásem álem. Balaýyz beıneler» atty avtorlyq kórmesine jurt erekshe yqylas tanytty.

Sondaı-aq shara barysyn­da mýzeı jádigerlerimen ın­ter­aktıvti kvest oıyndar uıym­dastyrylyp, mýzeı tama­shalaǵan kópshilik san túrli saýal­darǵa jaýap berip, ózara ta­rıhı bilimi men tanymyn jarys­tyrdy. О́ner jolyn qýǵan talantty jastardyń konserti aksııa mazmunyna ár berip, kel­genderdiń qataryn arttyra tústi.

ALMATY