Úkimet • 26 Qyrkúıek, 2019

Asqar Mamın Baıqońyr qalasynyń áleýmettik-ekonomıkalyq damýymen tanysty

70 retkórsetildi

Premer-Mınıstr Asqar Mamın Baıqońyr qalasynyń damýymen tanysyp, «Roskosmos» basshysy Dmıtrıı Rogozınmen «Nazarbaev starty» jobasyn talqylady dep habarlaıdy primeminister.kz.

Asqar Mamın jumys sapary barysynda Qyzylorda oblysynyń Baıqońyr qalasynyń áleýmettik-ekonomıkalyq damýymen, sondaı-aq ǵarysh salasyndaǵy birlesken qazaqstandyq-reseılik jobalardyń iske asyrylý jaǵdaıymen jáne perspektıvalarymen tanysty.

Memleket basshysy Q.Toqaevtyń Baıqońyr qalasyn damytý jónindegi tapsyrmalarynyń oryndalýyn baqylaý aıasynda Asqar Mamın «Nurly jer» baǵdarlamasy boıynsha salynǵan bes 50 páterli úıdiń alańyna bardy. Premer-Mınıstrge qalany gazdandyrý jáne sýmen qamtý, qonaq úı keshenderin salý jáne rekonstrýksııalaý, Baıqońyr qalasynda «Baıqońyr» AEA qurý boıynsha atqarylyp jatqan jumystar týraly baıandaldy.

«Soıýz MS-15» pılottalatyn korablin ushyrýdy birlesip baqylaǵan soń Úkimet basshysy ǵarysh qyzmeti jónindegi «Roskosmos» memlekettik korporasııasynyń bas dırektory D. Rogozınmen «Nazarbaev starty» ǵarysh zymyrany keshenin qurýdyń qazaqstandyq-reseılik jobasyn iske asyrýdyń ózekti máselelerin talqylady.

2019 jyly 7 qyrkúıekte Máskeý qalasynda QR Tuńǵysh Prezıdenti – Elbasy N. Nazarbaev pen RF Prezıdenti V. Pýtınniń kezdesýi barysynda reseılik tarap «Báıterek» jobasyn «Nazarbaev starty» dep qaıta ataýdy, sondaı-aq, ony tıimdi iske asyrý úshin «Soıýz-5» jáne «Soıýz-6» zymyran tasyǵyshtaryn ushyrý úshin biregeı startty, sondaı-aq pılottaý baǵdarlamasyn alyp tastaýdy qarastyratyn jańa jaǵdaılardy qarastyrýdy usynǵan edi.

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar