Sport • 26 Qyrkúıek, 2019

Qazaqstannyń Qarýly Kúshterinde áskerı úshsaıystyń chempıondary anyqtaldy

102 retkórsetildi

Almaty qalasyndaǵy Qurlyq áskerleri Áskerı ınstıtýtynyń bazasynda áskerı úshsaıystan Qarýly Kúshterdiń chempıonaty ótti. Dúbirli dodaǵa Qazaqstannyń barlyq aımaǵynan 17 áskerı qyzmetshi quramasy qatysty. Bul týraly «Batys» óńirlik qolbasshylyǵy baspasóz qyzmetinen kapıtan R.Igısınov habarlady.

 

Jarystyń birinshi kúninde jekelegen jáne komandalyq eseptiń birinshiliginde qyzý tartys bastaldy. Áskerı sportshylar granatany qashyqtyqqa laqtyrýdan saıysqa túsip, atý jattyǵýlaryn oryndady. Jalpyáskerı jattyǵýlar kesheninde 400 metr qashyqtyqqa júgirýden kedergiler jolaǵyn ótkerdi.

Saıystyń qorytyndysy boıynsha altyn medal – «Batys» óńirlik qolbasshylyǵyna, kúmis júlde – «Shyǵys» óńirlik qolbasshylyǵynyń áskerı qyzmetshilerine tabys etilse, al Qurlyq Áskerleri Áskerı ınstıtýty úshtiktiń qatarynan kórindi.

Jekelegen esepte Qarýly Kúshter chempıony ataǵy 3662 upaı kórsetkishpen efreıtor Nurjan Skendirge berildi. Ol saıysta 600 gramm salmaqty granatany 74 metr qashyqtyqqa laqtyrdy. Bul chempıonattyń barysyndaǵy rekordtyq kórsetkish boldy. Sondaı-aq jarysqa qatysýshy basqa toǵyz áskerı qyzmetshimen birge «áskerı sporttyq úshsaıystyń sheberi» boıynsha normatıv oryndady.

Bul jarystardy ótkizýdiń negizgi maqsaty - áskerı qyzmettiń ereksheligin eskere otyryp, jeńiske degen umtylys pen joǵary nátıjege qol jetkizý syndy mańyzdy qasıetterdi damytý, áskerı qyzmetshilerdiń dene daıarlyǵyn jetildirý.

 

 

Mańǵystaý oblysy

                          

 

 

 

 

 

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar