Kúres • 26 Qyrkúıek, 2019

Dzıýdo: Álem chempıonatynyń alǵashqy kúni bir altyn jáne bir qola medaldi oljaladyq

52 retkórsetildi

Dzıýdodan Almatydaǵy Balýan Sholaq atyndaǵy mádenıet jáne sport saraıynda jasóspirimder arasynda ótip jatqan álem birinshiliginiń alǵashqy kúni Qazaqstan quramasynyń qorjynyna qos medal tústi. Atap aıtsaq, 55 kılo salmaqta kúsh synasqan Nurqanat Serikbaev bos júldeni oljalasa, 40 kılo salmaq dárejesinde beldesken Álıma Jumaǵalıeva qolamen kúpteldi.

Dúbirli dodada jer jahannyń 71 memleketinen kelgen 483 balǵyn balýan baq synaýda. Jarys qojaıyndary retinde Qazaqstan quramasy ár salmaq dárejesi boıynsha qos sportshydan qosýǵa múmkindik aldy. Bul – bul buryn-sońdy bolmaǵan úrdis. Halyqaralyq dzıýdo federasııasy bıylǵy jyldan bastap, osyndaı qadamǵa barýdy qup kórgen eken. Osylaısha, Almatydaǵy jarysta respýblıkamyzdyń 31 dzıýdoshysy tatamıde baq synaýda.

Jarystyń alǵashqy kúni otandastarymyz úshin tabysty boldy. Uldar arasynda 50 kılo salmaqta óner kórsetken Nurqanat Serikbaev belarýssııalyq Vıktor Zelıanko, mońǵolııalyq Mendsaıhan Nımsýrenge san soqtyryp, jartylaı fınalda ýkraınalyq Mıkıta Goloborodkony jolynan yǵystyrdy. Qandasymyz fınalda ıtalııalyq Romen Valadıer Pıkardpen kezdesti. Ekeýi birazǵa deıin bir-birin ala almady. Desek te báseke bel ortadan asqan tusta qazaq dzıýdoshysy qarsylasyn tatamıde tyrp etkizbeı ustap, aıqyn jeńiske qol jetkizdi. Nurqanat Serikbaev – ­álem chempıony!

Qyzdardyń eń jeńil salmaǵynda Álıma Jumaǵalıeva Balýan Sholaq atyndaǵy sport saraıyna jınalǵan jakúıerlerdi qýantty. Bastapqy qos básekede úndistandyq Prııa Prııa men armenııalyq Sýsanna Stepanıanǵa san soqtyrǵan ol jartylaı fınalda ıtalııalyq Antonına Despenzaǵa ese jiberdi. Al úshinshi oryn úshin tartysta Álıma men brazılııalyq Rebekka Venseslaý uzaq tiresti. Alaıda kezdesýdiń aıaqtalýyna nebary segiz sekýnd qalǵanda qarshyǵadaı qazaq qyzy qarsylasyn ıpponǵa túsirdi. Álıma Jumaǵalıeva – álem birinshiliginiń qola júldegeri!

Jarystyń alǵashqy kúni boz kilemge shyqqan Ermahan Amandyq (50 kılo) jubanysh básekesinde utylsa, Qaıyrjan Júnisbek (55 kılo), Aslan Les (55 kılo), Qundyz Jylqybaı (44 kılo) jáne Dıana Burkeeva (44 kılo) alǵashqy aınalymdardan asa alǵan joq.

Búgin taǵy tórt salmaq dárejesiniń júldeleri sarapqa salynyp, Arýjan Erejepova men Balnur Ábdeshova (48 kılo), Aıym Jumaǵalıeva men Aıana Satqynálıeva, Ádil Márlen (60 kılo) jáne Tilegen Tynarbaı men Taıman Nurǵalıev (66 kılo) syndy qandastarymyz óz ónerlerin ortaǵa salýda.

Aldaǵy kúnderi myna dzıýdoshylarymyz jarys kórigin qyzdyrady: Qyzdar ­– Aıaýlym Qýanysheva (57 kılo), Shapaǵat Dáýlet (57 kılo), Shynar О́zbekova (63 kılo), Dıana Telbaeva (63 kılo), Daıana Talǵat (70 kg), Symbat Dúısenbaı (70 kılo) jáne Madına Paraǵulǵova (+70 kılo).

Uldar – Atabek Turlybaev (73 kılo), Serikbol Estaı (73 kılo), Muhamedálı Mavlıdov (81 kılo), Aıdar Arapov (81 kılo), Nurasyl Bolat (90 kılo), Qaıratbek Sábıt (90 kılo), Jurqamyrza Shúkirbekov (+90 kılo) jáne Baqtııar Súrtebaev (+90 kılo).

Odan keıin aralas komandalyq saıystar ótedi. Al Qazaq elinde jalaýy jelbirgen aıtýly álem birinshiligi 29 qyrkúıekte óz máresine jetedi. 

 

ALMATY

 

 

Banner
Sońǵy jańalyqtar

Elıtaly kezeńge joldama aldy

Sport • Búgin, 09:58

Eki qola medal enshiledi

Boks • Búgin, 09:57

«Barystyń» qarqyny qatty

Hokkeı • Búgin, 09:52

Kıprdi de jeńe almadyq...

Fýtbol • Búgin, 09:51

Galbadrah bolmasa qaıter edik?!

Sport • Búgin, 09:49

«Qara altyndy» qapysyz aǵyzǵan

Qazaqstan • Búgin, 09:44

Qyz áýlıe

Rýhanııat • Búgin, 09:34

Qaıtalanbas qymyz dámi

Qazaqstan • Búgin, 09:33

Rýhanı jańǵyrǵan aýyl

Rýhanııat • Búgin, 09:28

Ekijaqty kelisimge qol qoıyldy

Qazaqstan • Búgin, 09:26

Tálim men tájirıbe ushtasqan uıa

Qazaqstan • Búgin, 09:10

Jambyldyqtardyń jarqyn jobasy

Aımaqtar • Búgin, 08:36

Joshy ulysynyń joǵalǵan shaharlary

Rýhanııat • Búgin, 08:31

Úılestirý keńesiniń kezekti basqosýy

Qazaqstan • Búgin, 08:27

Túgel túrkini túgendegen

Álem • Búgin, 08:20

Katonqaraǵaıdy qalaı saqtap qalamyz?

Qazaqstan • Búgin, 08:12

«Dostastyq vızasyn» engizýdi usyndy

Prezıdent • Búgin, 08:03

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Uqsas jańalyqtar