Qazaqstan • 26 Qyrkúıek, 2019

Ortalyq Azııa BUU II Halyqaralyq modeliniń ashylýy ótedi

47 ret kórsetildi

Erteń Nazarbaev ortalyǵynyń ǵımaratynda Jastar jylyna arnalǵan Ortalyq Azııa BUU II Halyqaralyq Modeliniń ashylýy ótedi. Bul týraly QR Tuńǵysh Prezıdenti - Elbasy kitaphanasynyń baspasóz qyzmeti habarlady. 

Is-sharany uıymdastyrýshylar: Ortalyq Azııa BUU Halyqaralyq Modeliniń Úılestirý ortalyǵy, Qazaqstan Respýblıkasynyń Tuńǵysh Prezıdenti – Elbasy kitaphanasy men Qory.

Ortalyq Azııa BUU Modeli – bul BUU sheńberindegi jahandyq ıdeıalardy talqylaý tártibinde ótkiziletin halyqaralyq únqatysý alańy, onda joǵary oqý ornynyń stýdentteri men mektep oqýshylary BUU organdarynyń jumysyn kórsetedi. Árbir otyrystyń maqsaty - belgilengen máseleni talqylaý, sondaı-aq árbir komıtettiń aıasynda qarar daıyndap, qabyldaý.

Joba 2017 jyly Elbasy kitaphanasynyń negizinde «Uly dala eli» qoǵamdyq birlestigimen birlese Qazaqstan Respýblıkasynyń BUU-na múshe bolýynyń 25 jyldyǵy, sondaı-aq, Qazaqstannyń BUU Qaýipsizdik Keńesiniń 2017-2018 jyldary turaqty emes músheligine saılaný qurmetine oraı bastamashylyq etilgen bolatyn.

2018 jyly jobany Qazaqstan Respýblıkasynyń Tuńǵysh Prezıdenti – Elbasy Qory qoldady. Ortalyq Azııa BUU I Halyqaralyq Modeline 10 alys jáne taıaý shet elderden 160-tan astam delegat qatysty.

Bıylǵy jyly Ortalyq Azııa BUU II Halyqaralyq Modeli tómendegideı komıtetterde ótedi:

- Bas Assambleıa;

- Qarýsyzdaný men halyqaralyq qaýipsizdik jónindegi komıtet;

-  Qaýipsizdik Keńesi;

- Adam quqyqtary jónindegi komıtet;

- Ekonomıkalyq jáne áleýmettik keńes;

- Áıelderdiń jaǵdaıy jónindegi komıssııa;

- IýNISEF;

- Dúnıejúzilik densaýlyq saqtaý uıymy.

Árbir komıtette kókeıkesti jahandyq jáne óńirlik máseleler boıynsha pikirsaıys pen pikirtalas ótedi.

Konferensııa qatysýshylary eki kún ishinde BUU múshe memleketterdiń ókiletti delegattarynyń rólin oryndap, senim bildirýshi eldiń múddesin qorǵaıtyn bolady.

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar