Saıasat • 26 Qyrkúıek, 2019

Qazaqstan elshisi Pákistan Prezıdentine senim gramotalaryn tapsyrdy

16 ret kórsetildi

Qazaqstan Respýblıkasynyń Pákistandaǵy elshisi Aqan Rahmetýllın Pákistan Prezıdenti Arıf Alvımen senim gramotalaryn tapsyrdy dep habarlaıdy Syrtqy ister mınıstrliginiń baspasóz qyzmeti. 

Kezdesý barysynda Pákistan Prezıdenti elder arasynda qalyptasqan dostyq qarym-qatynasty, sondaı-aq óńirlik jáne jahandyq kún tártibindegi kóptegen másele boıynsha eki memlekettiń ustanymdarynyń uqsastyǵyn atap ótti. Sonymen qatar ol Qazaqstannyń Tuńǵysh Prezıdenti – Elbasy Nursultan Nazarbaevtyń ekijaqty qarym-qatynastardyń qalyptasýyna jáne Qazaqstan-Pákistan áriptestiginiń damýyna qosqan qomaqty úlesin erekshe atap ótti.

О́z kezeginde A.Rahmetýllın jyly lebizin bildirip, Qazaqstanda bolyp jatqan ekonomıkalyq jáne saıası ózgerister týraly habardar etti.

Taraptar, sondaı-aq, saıası dıalogty, saýda-ekonomıkalyq yntymaqtastyqty jáne eki el arasyndaǵy mádenı-gýmanıtarlyq ózara is-qımyldy damytýdy qosa alǵanda, birqatar ózekti máseleni talqylady.

Kezdesý sońynda A.Alvı Elbasy N.Nazarbaevqa jáne Qazaqstan Prezıdenti Q.Toqaevqa júrek tilegin jetkizdi, sondaı-aq, elshige Qazaqstan-Pákistan yntymaqtastyǵyn nyǵaıtý úshin tabysty jáne jemisti jumys tiledi. 

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar