Qazaqstan • 26 Qyrkúıek, 2019

Únsiz otyrmaı, halyqtyń aldyna shyǵý kerek - Baýyrjan Baıbek

77 ret kórsetildi

Jańartylǵan Partııalyq baqylaý komıtetiniń alǵashqy otyrysynda Baýyrjan Baıbek partııa Tóraǵasy Nursultan Nazarbaevtyń Nur Otan partııasynyń jumysyn qaıta jandandyrý aıasynda bergen birqatar tapsyrmasy týraly aıtty. Bir aı ishinde máslıhattardaǵy partııa fraksııalary óńirlik damý baǵdarlamalarynyń oryndalý barysyn tekserip, bul týraly jurtshylyqty habardar etýleri tıis. Bul týraly partııanyń baspasóz qyzmeti habarlady. 

«Partııanyń barlyq bastamalary men Memleket basshysy Qasym-Jomart Toqaevtyń saılaý aldyndaǵy ýádeleriniń oryndalýyn qatań baqylaýǵa alý qajet. Elbasy Nursultan Nazarbaev partııanyń saılaýaldy baǵdarlamasyn Úkimettiń júzege asyrý barysyna da taldaý júrgizýdi tapsyrdy. Nur Otan fraksııasy buǵan deıin osy baǵytta birqatar jumys atqaryp ta úlgerdi. Jekelegen baǵyttar boıynsha  kezek kúttirmeı sheshýdi qajet etetin olqylyqtar anyqtaldy. Partııalyq baqylaý komıteti osy máseleler boıynsha jaýapty mınıstrlikterdi tyńdap, jiberilgen kemshilikterdiń sebebin anyqtap, jaýapty qyzmetkerlerdiń partııalyq jaýapkershiligin kúsheıtýi kerek», – dedi Baýyrjan Baıbek.

Partııa Tóraǵasynyń birinshi orynbasary Nur Otan-nyń múshelerine partııalyq tártip pen jaýapkershilikti esten shyǵarmaý kerektigin basa aıtty.

«Únsiz otyrmaı, halyqtyń aldyna shyǵý kerek. Olardyń kótergen máselelerine qulaq asyp, ashyq talqylaý qajet. Partııanyń qoǵamdyq qabyldaý bólmesine kelip túsken shaǵymdardyń 47 paıyzy jergilikti jerde, aımaqtyq jáne aýmaqtyq fılıaldardyń tóraǵalary sheshetin máseleler. Partııalyq baqylaý komıteti Qoǵamdyq qabyldaý bólmesimen tyǵyz jumys istep, mundaı máselelerdiń tikeleı jergilikti jerde tez sheshilýin qamtamasyz etýi kerek. Problemalardy anyqtap, olardy keshendi túrde sheshý qajet. Kúrmeýi qıyn aryz-shaǵymdarǵa erekshe kóńil bólip, tekserýdiń barlyq satysynda qatań partııalyq baqylaýǵa alý kerek», – dedi Baýyrjan Baıbek.

Onyń aıtýynsha, Partııalyq baqylaý komıteti problemany jáne jaýapty sheneýnikti anyqtap, onyń partııalyq jaýapkershiligin qoǵamdyq qaıta qaraý arqyly serpin berýi kerek. Qaralyp jatqan máseleler boıynsha komıtettiń barlyq sheshimderi naqty nátıjelerge baǵyttalýy tıis.

О́z kezeginde, Partııalyq baqylaý komıtetiniń jańa tóraǵasy Pavel Kazansev jańartylǵan quramnyń depýtattyq korpýs, belgili qoǵam qaıratkerleri, sala mamandary men sarapshylardan, sondaı-aq, BAQ ókilderinen turatynyn aıtty. Bıyl azamattardyń ótinishterin qaraý tájirıbesi, bıýdjet qarajatyn jumsaýdyń tıimdiligi jáne aımaqtyq partııalyq baqylaý júıesiniń jumysy týraly úsh otyrys ótkizý josparlanǵan.

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar