Rýhanııat • 26 Qyrkúıek, 2019

Qorqyt Ata kitaby qoljazbasyn tapqan Ýálı Qoja mańǵystaýlyq stýdenttermen kezdesti  

70 retkórsetildi

Iranda túrki halyqtaryna ortaq uly tulǵa Qorqyt Ata kitabynyń qoljazbasy tabyldy degen jańalyq ǵylymı qaýymdy eleń etkizip, qazaq elinde de súıinshileı taralyp jatyr. IýNESKO-nyń materıaldyq emes muralary tizimine engen Qorqyt Ata kitaptarynyń eki nusqasy baryn, onyń kóne qoljazbalary Drezden jáne Vatıkan qalalarynda saqtaýly ekenin ǵylymı ádebıetterden oqyp keldik. Al kólemi jaǵynan ol ekeýinen barynsha tolyǵyraq nusqasyn Iran Islam Respýblıkasynyń astanasy Tegerannan kezdeısoq tapqan qazaq qandasymyz Ýálı Muhammed Qoja onyń kóshirmesin atajurty Mańǵystaýǵa ákelip, Yessenov University oqytýshylary men stýdentterine arnaıy tanystyrdy.

Mańǵystaýda XIX ǵasyrda ómir súrgen aqyn, batyr, dinı aǵartýshy Hatam ıshan (Hatam shaıyr) áýlıeniń tikeleı urpaǵy Ýálı Muhammed Qoja buǵan deıin de Qoja Ahmet Iаsaýı hıkmetteri jazylǵan qoljazbalardy taýyp, Qazaqstan Respýblıkasynyń Iran Islam Respýblıkasyndaǵy elshiligine ótkizgenin, negizinen eski qoljazbalar jınaýmen aınalysatynyn áńgimeledi.

Onyń mundaı jańalyqtaryna der ýaqytynda nazar aýdaryp, qazaq ǵalymdarymen baılanys ornatýyna múmkindik týǵyzǵan TÚRKSOI halyqaralyq uıymy Qyzylorda, Mańǵystaý oblystaryna aldyryp, konferensııalarǵa qatystyryp keledi.

Mańǵystaýdaǵy jalǵyz memlekettik joǵary oqý orny - Sh.Esenov atyndaǵy KMTIÝ stýdentteri atamekenine oljaly kelgen mártebeli meımannyń áserli áńgimelerin yqylaspen qyzyǵa tyńdady.

Kezdesý sońynda Iran men Qazaqstan arasyndaǵy ǵylymı, mádenı qarym-qatynasty arttyrýǵa atsalysyp, álemdik deńgeıdegi adamzattyń ortaq rýhanı qundylyǵyna aınalǵan Qorqyt Ata kitabynyń ózi tapqan nusqasyn keń qoldanysqa engizýge qyzmet etip júrgen Ýálı Muhammed Qojaǵa ýnıversıtet rektory Berik Ahmetovtiń alǵys haty tabystalyp, qurmet kórsetildi.

 

 

Mańǵystaý oblysy

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar