Tehnologııa • 27 Qyrkúıek, 2019

Múmkindigi shekteýli jastardyń IT jobalary

29 retkórsetildi

Damý ereksheligi bar jastardy áleýmettik ońaltýǵa baǵyttalǵan «IteachMe» jobasynyń qatysýshylary ınnovasııalyq ıdeıalary úshin granttar utyp aldy. Jeńiske jetken jobalar arasynda múmkindigi shekteýli jandarǵa ózin kez kelgen mamandyq ıesi retinde kórýge múmkindik beretin vırtýaldy alań nemese dári-dármekpen emdeý tıimsiz bolǵan kezde qoldanylatyn arnaıy trenajer bar.

Jarty jyl boıy barlyq óńirlerden jınalǵan jas ónertapqyshtar jetekshi­lerimen birge múmkindigi shekteýli jan­dar­dyń jáne ózge de áleýmettik osal toptardyń ómirin jaqsartýǵa baǵyt­tal­ǵan ınnovasııalyq jobalaryn je­til­dirdi. Olar bilim berý lagerinde baǵ­dar­lamalaýdy úırenip qana qoımaı, su­ranysqa ıe bolatyn ónim shyǵarý úshin qosymsha jobalyq menedjmenttiń, veb-dızaın, robottehnıka jáne marketıng salasynyń qyr-syryn úırengen. Onymen qosa, ózderi usynǵan jobanyń qanshalyqty ózekti bolatynyn anyqtaý úshin ınklıýzıvti jáne áleýmettik joba­larǵa degen qoǵam suranysyn zert­tedi. 

«IteachMe» – damý ereksheligi bar jas­tardy oqytý jáne jumysqa ornalastyrý arqyly áleýmettik ońaltýǵa baǵyttalǵan ınklıýzıvti bilim berý jobasy. Jobany Jastar jylyna oraı  «Erekshe Tandaý-Shelek» kor­po­ratıvtik qory men «Samruk-Kazyna Trust» áleýmettik jobalardy damytý qory birlesip uıymdastyrǵan. Son­daı-aq bastamaǵa «Shevron» kompanııasy, Or­talyq Azııa Eýrazııa qory men Eńbek jáne halyqty áleýmettik qorǵaý mınıstrligi qol­daý bildirgen. 

Joba jetekshisi Zahıra Begalıevanyń aıtýynsha, tehnologııa men bilim qoǵam­daǵy barlyq kedergiler men shekaralardy joıady. «IteachMe» erekshe qajettilikteri bar jastar úshin ómir­ge joldama berdi. Jo­ba barysynda qy­zyqty ári qıyn sátter kóp boldy. Biz qoǵamda qalyptasqan taptaýryn qaǵı­dalardy buzdyq. Tehnologııa men bilimniń kúshi kedergiler men shekaralardy joıatynyn kórsetti. «Jańa tehnologııalar álemdi sheksiz etedi» degen túsinik taǵy da rastaldy. Bastysy, qa­tysýshylar aldaǵy ýaqytqa úlken jos­parlar men maqsattar qoıdy jáne olar­dyń jobalary halyqtyń áleýmettik osal toptaryna kóp kómek kórsetedi», dedi Z.Bega­lıeva.

Jobanyń sońǵy kezeńi Nur-Sultan qala­synda «Astana Hub» halyqaralyq IT startaptar tehnoparkinde ótti. Fınaldyq kezeńde qatysýshylar jeti daıyn jobany usyndy. Olardyń tórteýi jobalaryn ári qaraı damytý úshin 400 myń teńgeden utyp aldy. Jeńimpazdar qatarynda ma­mandyq tańdaýda kómekke keletin vırtýaldy platforma men múgedek jandarǵa arnaıy trenajer boldy.

 

Vırtýaldy dáriger, baǵdarlamashy, dızaıner bol

Almatylyq bir top jas ónertapqysh usynǵan «CUP» (Classmates Up the Progress) jobasy – sońǵy synǵa je­tip, aqshalaı syılyq jeńip alǵan ınnovasııa­lyq ónimderdiń biri. Joba múmkindigi shek­teýli jandarǵa kásibı baǵdar berýge jáne jumysqa ornalasýǵa kómektesýge arnal­ǵan. Qoldanýshy arnaıy onlaın-plat­formada kúni boıy ózin kez kelgen mamandyq ıesi retinde synap kóre alady. Ázirge jobanyń prototıpinde baǵdar­lamashy, marketolog, dızaıner sekildi mamandyqtar usynylǵan. Joba avtorlarynyń biri «Turan» kolledjiniń Aqparattyq júıeler mamandyǵynyń 4-kýrs stýdenti Alekseı Karımovtyń aı­týynsha, jobaǵa barlyq mamandyq ıelerin qosý josparda bar eken.    

«Qazirgi ýaqytta kelissózder júrgizip ja­tyr­myz. Jaqynda kelisimshart jasasamyz. «IteachMe»-den jeńip alǵan somany jobany ári qaraı damytýǵa jum­saı­myz. Kerekti jabdyqtardy satyp alyp, jobanyń ádistemelik negizin ázir­leımiz. Qazir kolledjdegi dıp­lom­dyq jumysymyzdyń sheńberinde saıt jasap jatyrmyz. Aldaǵy ýaqytta daıyn jobany memlekettik organdarǵa usynýdy josparlap otyrmyz», dedi joba qatysýshylarynyń biri.

Jas daryndarǵa oıǵa alǵanyn is­ke asyrýda «Turan» ýnıversıteti jáne kol­ledji, sondaı-aq Qazaqstan Respýblı­kasynyń Ulttyq kitaphanasy qoldaý bil­diredi. On bir qatysýshydan jınalǵan top jaz boıy «Turan» kolledji bergen aýdı­torııada jumys istep, marketıngtik zert­teý júrgizýge múmkindik alypty.

Joba avtorlary «CUP» múmkindigi shek­teýli jandarǵa ómirden óz ornyn taýyp, qalaǵan mamandyq ıesi atanýyna kómek­tesedi dep senedi. 

 

Erekshe qajettilikteri bar jandarǵa jan-jaqty qoldaý

Al Taldyqorǵan qalasyndaǵy mú­­ge­­dek jan­darǵa arnalǵan «Elstar» rea­­bı­­lıtasııa­lyq-psıhologııalyq orta­­ly­­ǵy­nyń jetekshisi Vadım Drýzın IT-tehnologııanyń kómegimen aǵzany qal­pyna keltiretin arnaıy qurylǵyny usyndy.

«BOS trenajerleri kóp jaǵdaıda dári-dármekpen emdeý tıimsiz bolǵan kezde qoldanylady. Kompıýterge jalǵanǵan qu­rylǵy em alýshynyń jumysqa degen qabiletin, zeıinin arttyryp, kúızeliske tózimdi bolýyna, tepe-teńdik saqtaýyn jáne úırený múmkindikterin jaqsartady. Tal­dyqorǵan qalasynda barlyǵy 1300 birinshi toptaǵy múgedek jandar ómir súredi. Bul joba ózim sııaqty tirek-qımyl júıesine zaqym kelgen adamdardyń ómi­rin jeńildeter edi», deıdi Vadım Drýzın.

Ol ózge de eriktilermen birge qalada turaqty túrde múgedek jandardy ómir­ge beıimdeýge arnalǵan trenıngter uıym­dastyryp keledi. Jobany júzege asyrý úshin «IteachMe»-den utqan bastapqy qara­jatyna kraýdfandıng arqyly 3 mln teń­ge jınaýdy kózdeıdi. Qarajat jınaý qyrkúıek aıynan bastalyp ketken. Eger qajetti somany jınaı alsa, ózi turyp jatqan páterdi ońaltý ortalyǵyna aınaldyryp, birneshe janǵa tegin kómekteser edim deıdi.

«Múmkindigi shekteýli jan úshin bul em­di uzaq ýaqyt aralyǵynda qabyldaýǵa kóp qarajat kerek ekenin bilemin. Joba Tal­dyqorǵan qalasynda iske assa, Al­ma­tydaǵy balamasynan áldeqaıda qol­jetimdi bolady», deıdi joba avtory.

Jastar jyly aıasynda múmkindigi shekteýli jastardyń IT, ınnovasııa sala­syn­daǵy jobalaryn qoldaý maqsa­tynda uıymdastyrylǵan shara qoǵamdaǵy bar­lyq damý ereksheligi bar jandarǵa kór­setilgen úlken senim ekeni sózsiz. Sebebi múgedekter kúndelikti tap bolatyn prob­le­malarmen qatysýshylardyń ózderi jaqsy tanys jáne ár jobany jan-jaqty zert­tep, tıimdi sheshý joldaryn usynýǵa tyrysqan.

Memleket basshysy da Qazaqstan halqyna Joldaýynda múmkindigi shek­teýli balalar máselesine úlken kóńil ból­di. «Qamqorlyǵynda múmkindigi shekteýli balalary bar otbasylarǵa erekshe kóńil bólinýi tıis. Balalarǵa qoljetimdi bolýy úshin shaǵyn jáne ortasha ońaltý ortalyqtarynyń jelisin keńeıtý qajet. Biz erekshe qajettilikteri bar adamdar úshin birdeı múmkindik jasaýǵa min­dettimiz. Úkimetke endi osy maqsatqa úsh jyl ishinde kem degende 58 mıllıard teńge bólýdi tapsyramyn», dep atap ótti Qasym-Jomart Toqaev. Bul –  erekshe jastarǵa degen qamqorlyq odan ári arta túsetinin kórsetedi. 

Damý ereksheligi bar jastardy áleýmettik ońaltýǵa baǵyttalǵan «IteachMe» jobasy elimizdegi jas daryn­darǵa óz kúshterin ınnovasııa salasynda synap kórýge úlken múmkindik berdi. Memleket tarapynan qoldaýǵa ıe bolǵan jastar aldaǵy ýaqytta ınnovasııalyq jobalarymen Qazaqstannyń sıfrly el bolýyna eleýli úles qospaq.

 

Banner
Sońǵy jańalyqtar

Izgilik elshisi

Aımaqtar • Búgin, 17:38

Soltústik oblystarda boran bolýy múmkin

Qazaqstan • Búgin, 16:18

Kún energııasy Oralǵa jetti

Aımaqtar • Búgin, 15:46

«Aqyny aq Ertistiń – Qımadıden...»

Rýhanııat • Búgin, 12:46

Fýtbol: Makedonııamen teń oınadyq

Fýtbol • Búgin, 12:24

Kúlki kerýeni № 3

Rýhanııat • Búgin, 11:38

Eń qysqa áńgime. Jandos Júsipbek

Eń qysqa áńgime • Búgin, 11:32

Eń qysqa áńgime. О́mirjan Ábdihalyquly

Eń qysqa áńgime • Búgin, 11:29

Eń qysqa áńgime. Baýyrjan Babajanuly

Eń qysqa áńgime • Búgin, 11:24

Dala úni Almatyda bastalady

Rýhanııat • Búgin, 10:19

Tekti sózdiń tóresi Almatydan bastalady

Aımaqtar • Búgin, 10:11

Taǵylymdy tulǵa

Rýhanııat • Búgin, 09:36

Ǵylym qanatyndaǵy ǵumyr

Rýhanııat • Búgin, 09:34

Moıynqumǵa ushaq qatynaıdy

Aımaqtar • Búgin, 09:29

«Para berme» chellendji bastaý aldy

Aımaqtar • Búgin, 09:27

Kásipodaq úzdikteri marapattaldy

Aımaqtar • Búgin, 09:26

Bı-aǵa salǵan án eken...

Rýhanııat • Búgin, 09:17

Qaıta oralǵan «Don Karlos»

Rýhanııat • Búgin, 09:15

Jeti óner qonǵan jampozym

Rýhanııat • Búgin, 09:12

Taǵdyry tańdalǵan patshaıym

Rýhanııat • Búgin, 09:09

Naǵyz qazaq

Rýhanııat • Búgin, 09:05

«Brakoner» biraz basbuzardy quryqtady

Aımaqtar • Búgin, 09:00

Reseıden de úırenýge bolady

Saıasat • Búgin, 08:52

Zań jobasyn talqylady

Qoǵam • Búgin, 08:46

IýNESKO-nyń syılyǵyn jeńip aldy

Qazaqstan • Búgin, 08:45

Uqsas jańalyqtar