Tehnologııa • 27 Qyrkúıek, 2019

Smart City qyzmeti qosylady

18 retkórsetildi

Aqtaý qalasynda «CIO and Digital Professionals Workplace 2019» konferensııasy ótti. Jıyn barysynda «Qazaqtelekom» AQ Mańǵystaý men Túrkistan oblystary ákimdikteri bastaǵan birqatar kompanııamen memorandýmdarǵa qol qoıdy. Yntymaqtastyq aıasynda taraptar Aqtaý, Túrkistan jáne Arys qalasynda Smart City qanatqaqty qyzmetin iske qosýǵa arnalǵan jobalardy engizý múmkindigin qarastyrady.

Smart city (Aqyldy qala) – bul azamattar úshin qolaıly jaǵdaı jasaý maqsatynda ınnovasııalyq she­shimderdi engizý esebinen qala­lyq re­sýrstar men qyzmetterdi bas­qarý­dyń tıimdiligin arttyrý jáne ın­fra­qurylymdy jetil­dirý jónindegi bas­tama. Igi bastama aldaǵy jyldary elimiz­diń birqatar qalalarynda júzege asyrylmaq.

Buǵan deıin Premer-Mınıstr As­qar Mamınge Arys qalasyn sıfrly tansformasııalaý múmkindigi tanys­ty­rylǵan bolatyn. Endi atalǵan úsh qa­lanyń qoǵamdyq jáne jol beıne­baqylaýy, ortalyqtardaǵy ashyq
wi-fi, talshyqty-optıkalyq baılanys já­ne «LPWAN» jelisi kóbeıtiledi. So­ny­men qatar ekologııalyq monıtorıng júrgizý men jedel járdemniń dıspetcherlik qyzmetin avtomattandyrý josparlanǵan. Budan bólek, me­morandýmǵa sáıkes sıfrly damý jáne «Big data» engizý múmkindigin qarastyrý máseleleri boıynsha taraptar arasynda ózara is-qımyl júr­gizý kózdelgen. Bul rette «Big data» optımaldy sheshim qabyldaýǵa septigin tıgizedi.

Konferensııa barysynda ın­fra­­qurylymdy operator tarapy­nan ká­sip­oryndarda sıfrly transfor­ma­sııalaýdyń jańa baǵyttaryn damytý tý­raly usynystar aıtyldy. Kompanııa spıkerleri daıyn tehnologııalyq baza men telekom-operator usynatyn múmkindikter týraly málimettermen bólisti. Qazaqstandaǵy birqatar ındýs­trııalyq jobalar jınalǵandar arasyn­da talqylandy.

Al júzege asyrylǵan sıfrly trans­­­formasııalaý jobalarynyń my­sa­­ly retinde Smart Aqkol tájirıbe­leri eskeriletin bolady.

«Smart Aqkol jobasynyń negizgi maqsaty qaladaǵy túrli qyzmettiń jumys nátıjesin baqylaý úshin aqpa­rattyq aǵyndardy óńdeý bazasynda «aqyldy qala» modelin qurý. «Smart Aqkol» tujyrymdamasyna ın­fra­qurylym, biriktirilgen júıe­ler jáne sıgnaldar berý men derekterdi baqylaý jáne ony taldaý ele­mentteriniń jelisi kiredi. Barlyq de­rekter jaǵdaıat ortalyǵyna – dıspet­cher zaly bar, monıtorıng jasaýǵa arnalǵan beıne-qabyrǵamen, beınekonferensııa baılanysy júıesimen, koll-ortalyǵymen jabdyqtalǵan obektige túsedi», dedi «Qazaqtelekom» AQ kor­poratıvtik bıznes dıvızıonynyń depar­tament dırektory Samat Imbaev.

Onyń aıtýynsha, Indýstrııa 4.0 jobalaryn júzege asyrý aıasynda kompanııa kásiporyndarda symsyz tehnologııa túrinde daıyn ınfraqurylymdy usynyp otyr. Bul – LORA bazalyq stan­­sasy, «aqyldy kaskalar», tútin bel­gisin berý quraldary, radıasııalyq sıgnaldardy monıtorıngileý jáne ólsheý. Sonymen birge telekom-opera­­tordyń seriktestermen birge júk kólik­teriniń jumysyn baqylaýǵa ar­nalǵan mobıldi ATS qurý jobalaryn júzege asyrý múmkindigi bar. Kompanııa sa­rap­shylarynyń piki­rin­she, «aqyldy kó­liktiń» róli óte ma­ńyzdy, sebebi kóp­­tegen kásiporyn men mem­­lekettik me­­ke­mede onsyz ju­mys júrgizý múmkin emes.

Aqkól Qazaqstandaǵy kommýnaldyq qyzmetterdiń barlyq tutynýshylary tolyǵymen sıfrlandyrylǵan birin­shi qala. Smart Aqkol jobasynyń tujy­rymdamasy qaýipsizdikten eko­logııaǵa deıin 11 baǵyttan turatyn «aqyl­dy» qala­lardy damytýdyń bir­yńǵaı standartyna kiredi. Eger Aqtaý, Túrkistan jáne Arys qalalarynda Smart City qyz­meti tolyq engizilse, eli­mizdegi «aqyldy qalalar» sany kóbeıe túspek. Bul óz kezeginde turǵyndardyń jaı­ly turmys keshýine paıdasyn tıgizýge tıis.

 

Sońǵy jańalyqtar

«Eńbekshi qazaq» basqarmasy

100 • Búgin, 07:09

Azamattyq ustanymym qalyptasty

100 • Búgin, 07:05

Taralym hám qaralym

100 • Búgin, 06:55

«Egemen» esten shyqpaıdy

100 • Búgin, 06:47

Qandastarǵa qamqorlyq jasaǵan

100 • Búgin, 06:42

Tarhan tekti redaktor

100 • Búgin, 06:40

Júz jyl

100 • Búgin, 06:27

Jaqsy dástúr jalǵasa beredi

100 • Búgin, 06:22

Ushqyr oılar ushqyndary

100 • Búgin, 06:11

Úlken joldyń úzikteri

100 • Búgin, 05:58

Investısııa – damý dańǵyly

Aımaqtar • Búgin, 05:49

Yntymaqtastyq máseleleri qaraldy

Qoǵam • Búgin, 05:43

Ǵasyrlyq shejire ǵıbraty

100 • Búgin, 05:39

Tapa tal tústegi qaraqshylyq

Aımaqtar • Keshe

Dombyradan tegin dáris berip júr

Rýhanııat • Keshe

Arymas abyroı

Rýhanııat • Keshe

Kóneden kelgen kónek

Rýhanııat • Keshe

Uqsas jańalyqtar