Qoǵam • 27 Qyrkúıek, 2019

Eńbekpen órilgen ómir

130 retkórsetildi

Kúlásh Aıtjanqyzy bala kezinen eńbek etip, qajyrly ári tabandy bolyp ósken urpaqtyń kórnekti ókili. О́tken ǵasyr­dyń ekinshi jartysynda Almaty oblysy, Panfılov aýdanynyń dańqty dıqandary, aýylsharýashylyq eńbekkerleri tek oblys, respýblıkaǵa ǵana emes, sol kezdegi búkil Odaq kóleminde dándik júgeri ónimin ósirýdiń úlgisin kórsetip, el yrysynyń artýyna aıryqsha úles qosyp, el bedelin kótergen.

Kúláshtiń ákesi Aıtjan  Ekinshi dúnıejúzilik soǵysta  qaza tapqan. Anasy Záýkesh jarynan qalǵan Ábdiresh, Ábitaı, Kúlásh esimdi úsh balasyn sol jyldary ujymdyq sharýashylyqtyń  ystyǵyna kúıip, sýyǵyna tońyp júrip, aıanbaı eńbek etip ósirdi, jetildirip, el qataryna qosty.

Balalyq shaǵy soǵys jyldarynyń joqshyly­ǵynda ótip, uly eńbek maıdanynyń bel ortasynda, óziniń teń  qurbylarynyń eń aldynda orta mektepti jańa bitirgen, burymy jelkildegen jas qyz Kúlásh ta esh irkilmesten bilek sybanyp, «dala arýy» atanǵan júgeri daqylyn ósirýge kirisip, óziniń baqytyn adal eńbekpen taýyp edi. Sol kezdegi kolhoz sharýasynyń  qaı-qaısysynan da taısalǵan joq. Jastyq jiger, qaıratyn salyp, izgilikke, ıgilikke umtyldy. Úlkenderdi qurmetteı júrip, olardan tájirıbe úırenýden, aqyl sóz tyńdaýdan jalyqpady. О́z qatarynyń uıytqysy boldy. Eldiń eńbekke adal adamdy syılaıtyn, qadirleıtin ıgi dástúriniń nury Kúlásh Aıtjanqyzynyń mańdaıyna jarqyrap tústi.  Onyń qajyrly eńbegi  baǵalanyp, kóp uzamaı júgeri  ósirýshiler tobynyń jetekshiligine senim kórsetildi. Ujym músheleri bolǵan jasy da, úlkeni de biraýyzdan Kúlásh jetekshiliginiń bedelin qoldap, ózara tipti bir otbasyndaı bir-birine degen baýyrmaldyq qatynas qalyptasyp, eńbek etti.

Sondaı yntymaqtyń nátıjesi kezinde Kúlásh Aıtjanova basqaratyn ujym júgeri  ónimin ósirýde búkil aýdannyń aldyna shyqty. Olar uzaq jyldar, atap aıtqanda 15-20 jyldyń kóleminde dándik «Krasnodar», «VIR-56», ıýgoslavııalyq «ZPSK» júgeri tuqymdarynan alatyn ónimdi ár gektaryna 80 sentnerden 100 sentnerge deıin jetkizip, joǵary sortty  júgeri dánin halyq sharýashylyǵynyń, ásirese  mal azyǵynyń sapasyn kóterýde  ozyq kórsetkishterge qol jetkize aldy.  Aýyl sharýashylyǵy salasynda búkil Odaqqa ozyq tájirıbe kórsetti, el áleýetin kóte­rip,  eńbek dańqyn asyrdy. Kóp uzamaı júgeri ósirýshi komsomol-jastar ujymyn basqarǵan Kúlásh Aıtjanova ózi de ustaz-tálimger dárejesine kóterildi. Ol ónegeli eńbeginiń arqasynda, aýdan, oblys jurtshylyǵynyń qurmetine bólendi. Aýdandyq partııa komıtetiniń múshesi, oblystyq keńestiń depýtaty bolyp, búkilodaqtyq halyq sharýashylyq kórmeleriniń altyn, kúmis medaldarymen, Alǵys hattarymen marapattaldy. О́z zamanynda eń abyroıly respýblıkalyq, Odaqtyq jıyn, forýmdarǵa delegat bolyp qatysyp,  salıqaly sóz sóıledi.

Júgeri óndirýdegi joǵary nátıjeleri úshin Kúlásh Aıtjanovaǵa 1971 jyly otyz eki  jasynda sol kezdegi  Odaqtyń eń joǵarǵy mártebeli marapaty – Sosıalıstik Eńbek Eri  qurmetti ataǵy berilip, Lenın  ordenimen  marapattaldy.

Táýelsiz memleketimiz  Týyn kóterip, jańa ómir  bastalǵan shaqtan beri Kúlásh Aıtjanqyzy ózi qýat alǵan eńbek qasıetin qurmettep, nası­hattaýdan jalyqqan emes. Ár kez jastarmen kez­des­kende óziniń qurmet tutqan ustazdaryn, eń­bektes dostarynyń esimderin zor iltıpatpen eske alyp otyrady. Aqylgóı aǵalaryn, sonyń qa­ta­rynda aýdan basshylary bolǵan Sosıalıstik Eńbek Eri Sháımuhan Sápıev, Ǵalym Turǵanbaev, sharýashylyq basshylary bolǵan Nıkolaı Golovas­kıı, Ybyraıymjan Qojahmetov  ózi úlgi tutqan ardager ana,  júgeri ósirýdiń sheberi Ádá­lat Zaı­naý­dınova sııaqty ardager ustazdaryn erek­she qur­metteıdi. Tipti zeınetke shyqqannyń ózinde eldiń, aýyl, aýdan jurtshylyǵynyń turmys jaǵ­daıyna  alańdap, el qamyn oılaýdan jańylǵan emes. Birneshe jyl jergilikti  kásipodaq uıymyn da basqaryp, el turmysyna qolqabys kórsetti. Ár­qashan adamdardyń muń-muqtajyna qulaq asyp, kómek qolyn usynyp júredi.

Búginderi sol qurmetti apaıymyz mártebeli 80 jastyń seńgirine kóterilip otyr. Kúlásh apamyzdyń denine myqty saýlyq, otbasyna, urpaǵyna baıandy baqyt tileı otyryp, eńbekpen órilgen ómiriniń  jemisin uzaǵynan kórgeı deımiz.

 

Sýrette: soldan ońǵa qaraı Sosıalıstik Eńbek Eri Ádálat Zaınaýdınova, Halyq Qaharmany Baqytjan Ertaev, Sosıalıstik Eńbek Eri Kúlásh Aıtjanqyzy.

 

Qýanysh  SULTANOV,

Parlament Májilisiniń depýtaty

 

Banner
Sońǵy jańalyqtar

Izgilik elshisi

Aımaqtar • Búgin, 17:38

Soltústik oblystarda boran bolýy múmkin

Qazaqstan • Búgin, 16:18

Kún energııasy Oralǵa jetti

Aımaqtar • Búgin, 15:46

«Aqyny aq Ertistiń – Qımadıden...»

Rýhanııat • Búgin, 12:46

Fýtbol: Makedonııamen teń oınadyq

Fýtbol • Búgin, 12:24

Kúlki kerýeni № 3

Rýhanııat • Búgin, 11:38

Eń qysqa áńgime. Jandos Júsipbek

Eń qysqa áńgime • Búgin, 11:32

Eń qysqa áńgime. О́mirjan Ábdihalyquly

Eń qysqa áńgime • Búgin, 11:29

Eń qysqa áńgime. Baýyrjan Babajanuly

Eń qysqa áńgime • Búgin, 11:24

Dala úni Almatyda bastalady

Rýhanııat • Búgin, 10:19

Tekti sózdiń tóresi Almatydan bastalady

Aımaqtar • Búgin, 10:11

Taǵylymdy tulǵa

Rýhanııat • Búgin, 09:36

Ǵylym qanatyndaǵy ǵumyr

Rýhanııat • Búgin, 09:34

Moıynqumǵa ushaq qatynaıdy

Aımaqtar • Búgin, 09:29

«Para berme» chellendji bastaý aldy

Aımaqtar • Búgin, 09:27

Kásipodaq úzdikteri marapattaldy

Aımaqtar • Búgin, 09:26

Bı-aǵa salǵan án eken...

Rýhanııat • Búgin, 09:17

Qaıta oralǵan «Don Karlos»

Rýhanııat • Búgin, 09:15

Jeti óner qonǵan jampozym

Rýhanııat • Búgin, 09:12

Taǵdyry tańdalǵan patshaıym

Rýhanııat • Búgin, 09:09

Naǵyz qazaq

Rýhanııat • Búgin, 09:05

«Brakoner» biraz basbuzardy quryqtady

Aımaqtar • Búgin, 09:00

Reseıden de úırenýge bolady

Saıasat • Búgin, 08:52

Zań jobasyn talqylady

Qoǵam • Búgin, 08:46

IýNESKO-nyń syılyǵyn jeńip aldy

Qazaqstan • Búgin, 08:45

Uqsas jańalyqtar