Rýhanııat • 27 Qyrkúıek, 2019

Batagóıler báıgesi

94 ret kórsetildi

Shymkent qalasy Ishki saıasat jáne din isteri basqarmasynyń «Rýhanı jańǵyrý» keńsesi men ardagerler keńesiniń uıymdastyrýymen «Batamenen el kógerer» atty batagóıler baıqaýy ótti. Ulttyq qundylyq ulyqtalǵan saıysta kópshilik kónekóz qarııalardan batanyń túr-túrin tyńdady.

As qaıyrý batasynan bas­tap sálem bata, qalja bata, soǵym bata, at qoıý batasy, bet­ashar batalary samaı sha­shy býryl tartqan aqsa­qal­darymyzdyń aýzymen aıtyl­ǵanda óte áserli estildi.

Qalalyq ardagerler keńe­siniń tóraǵasy Isamýddın Rys­­baı mundaı ulttyq salt-dás­túrdi ardaqtap, bata berýdi dáripteıtin sharanyń jastarǵa be­rer ónegesi men tálimdik má­ni óte joǵary ekendigine toq­taldy.

Jalpy sany tórt aýdan­nan segiz batagóı qarııa qa­­tysqan doda tartysty ót­ti. Ja­rys nátıjesi boıynsha 1-oryn (300 myń teńge) Qol­dasbek Tólegenovke, 2-oryn (250 myń teńge) Isenbek Bıtaevqa, 3-oryn (300 myń teńge) Juryntaı Ábildaevqa buıyrdy. Qalǵan bes úmitkerge yntalandyrý syılyǵy men alǵys hat tabystaldy.

Qazynaly atalarymyz bul joly baryn saldy, arasyn­da jastyq dáýrenin eske túsi­rip án de aıtty, bı de bı­ledi. Úmitkerlerdi qoldap kel­gen otbasy músheleri de boldy. Solardyń arasynda Táńir­bergen atanyń qos birdeı kelininiń sahnada sálem salyp atalaryna gúl usynǵany kóz súısinerlik edi.

Mundaı sharalar ári qart­tardyń qoǵamdyq is-sha­ra­larǵa belsene qatysýyna sebep bolsa, endi bir jaǵynan jas urpaqty izgilikke, birlik­ke shaqyrýda mańyzy zor bol­­­maq deıdi shara uıymdas­ty­rýshylary.

 

ShYMKENT

 

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar