Qoǵam • 27 Qyrkúıek, 2019

Termınderdi irikteýdiń krıterııleri talqylandy

77 ret kórsetildi

Mádenıet jáne sport mınıstrligi Til saıasaty komıtetiniń tapsyrmasymen Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy «Termınderdi irikteýdiń krıterııleri men prınsıpteri» atty respýblıkalyq ádistemelik semınar ótkizdi. Bul týraly ortalyqtyń baspasóz qyzmeti habarlady.

Termınderdi irikteý men resmı bekitýge qoıylatyn negizgi talaptardy aıqyndaý semınardaǵy baıandamalardyń basty taqyryby boldy. QR UǴA korrespondent múshesi, fılologııa ǵylymdarynyń doktory Sh.Qurmanbaıuly óz baıandamasynda termınderdi irikteýdiń krıterıılerin jáne prınsıpterin belgileý máselesin kóterip, naqty usynystaryn jetkizdi.

Semınardy Mádenıet jáne sport vıse-mınıstri N.Dáýeshov ashty.

Sharada termınderdiń jazylý úlgisi men termınologııanyń tildik normatıvtik sharttary máseleleri kóterildi. Sondaı-aq termıntaný ǵylymynyń búgingi ahýaly men termınjasamnyń basty qaǵıdalary boıynsha kópshilikke aqparat berýge arnalǵan elektrondyq alańdy tanystyrdy.

Issharaǵa Prezıdent Ákimshiliginiń jaýapty qyzmetkerleri, jetekshi ǵalymdar, Qazaqstan Respýblıkasy Úkimetiniń janyndaǵy Respýblıkalyq termınologııa komıssııasynyń músheleri, Qazaq tili álipbıin latyn grafıkasyna kóshirý jónindegi Ulttyq komıssııa janyndaǵy Termınologııalyq jumys tobynyń músheleri, ortalyq jáne jergilikti atqarýshy organdardyń jaýapty qyzmetkerleri, til salasy boıynsha óńirlik basqarma basshylary men qyzmetkerleri qatysty.

Respýblıkalyq ádistemelik semınardyń qorytyndysy boıynsha termınderdi irikteý krıterıılerin belgileýge, prınsıpterin aıqyndaýǵa baǵyttalǵan qarar qabyldandy.

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar