Parlament • 27 Qyrkúıek, 2019

Darıǵa Nazarbaeva: Formalızmnen arylatyn ýaqyt keldi

63 retkórsetildi

Parlament Senatynda «Zań shyǵarý prosesin odan ári jetildirý» taqyryby boıynsha parlamenttik tyńdaý boldy. Bul týraly palatanyń baspasóz qyzmeti habarlady.

Shara barysynda Parlamentke keletin zań jobalaryn ázirleýdiń, resimdeýdiń, kelisýdiń, quqyqtyq monıtorıng júrgizýdiń jáne sapasynyń ózekti máseleleri, sondaı-aq zań shyǵarý prosesin odan ári jetildirý máseleleri talqylandy.

Senattyń Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Vladımır Volkov parlamenttik tyńdaýdy asha kelip, «Qabyldanatyn zańdardyń sapasy azamattardyń ál-aýqatynyń artýy men ózderin qorǵaýda ekenin sezinýiniń negizi bolyp tabylady jáne bul zańdy josparlaýdan bastap kúshine engenge deıin barlyq zań shyǵarý prosesiniń tıimdiligine tikeleı baılanysty», - dep atap ótti.

  Dýlat Qusdáýletov zań jobalarynyń sapasy týraly aıta kelip, munda zańdardy ázirleýge degen formaldy tásil basty másele ekenin atap ótti. «Tipti el basshylyǵynyń tapsyrmalaryn oryndaý kezinde de memlekettik organdar bizge zań talaptaryna qurylymdyq jaǵynan da, mazmun jaǵynan da sáıkes kelmeıtin jáne qoıylǵan mindetterdi tolyq kólemde iske asyra almaıtyn zań jobalaryn usynady. Eń jamany, memlekettik organdar Konstıtýsııanyń negizgi erejeleri men qaǵıdalaryn da árqashan eskere bermeıdi», - dep atap ótti D. Qusdáýletov.

Sonymen qatar zań ǵylymdarynyń doktory Ramazan Nurtaev, halyqaralyq sarapshy Iorg Pýdelka baıandama jasap, zań shyǵarý úderisterin jetildirýge qajetti negizgi sharalarǵa toqtaldy.

Darıǵa Nazarbaeva parlamenttik tyńdaýlardy qorytyndylaı kelip, búgingi tańda zań shyǵarý prosesine kózqarasty túbegeıli jáne tujyrymdamalyq turǵyda qaıta qaraý qajettigi týyndap otyrǵanyn atap ótti.

«Zań men quqyq – bizdiń kúndelikti ómirimizdi rettep otyratyn ereje. Formalızmnen arylatyn ýaqyt keldi. Demek, qazirgi kezde Úkimettiń óz bastamasymen ázirlengen zańdarǵa nemese Parlament depýtattarynyń bastamasy boıynsha daıyndalǵan zańdarǵa monıtorıng júrgizetin pármendi quraly joq, dedi Senat Tóraǵasy.

Darıǵa Nazarbaevanyń pikirinshe, quqyqtyq monıtorıngke kózqarasty túbegeıli ózgertý qajet. «Onsyz, baqylaýsyz, týyndaǵan máselelerdi talqylaýsyz eshteńe bolmaıdy», dep atap ótti Senat Tóraǵasy.

Parlamenttiń joǵarǵy palatasy basshysynyń pikirinshe, kelesi parlamenttik tyńdaýlardy quqyq qoldaný tájirıbelerine arnaý kerek, sot organdarynyń, prokýratýra ókilderi men advokattardy qatysýǵa shaqyrý qajet. «Bul sot prosesterinde tikeleı jumys isteıtin jáne adamdardyń, bıznes pen kompanııalardyń taǵdyryn sheshetin úsh ınstansııa. Sondyqtan mazmundy áńgime óristeýi kerek», - dedi D.Nazarbaeva.

Quqyqtyq saraptama týraly aıtqan Senat basshysy onyń sapasyna nazar aýdara kelip, «sapasy jaqsarǵanyn qalaımyz» degen bolatyn. Tóraǵa quqyqtyq saraptama sapasynyń sharttaryn qaıta qaraý jáne sarapshylardy irikteýdiń naqty tetigin ázirleý qajettigi týyndady dep sanaıdy. 

Tóraǵa sondaı-aq zań qyzmetteri men taldaýshylar jumysynyń álsizdigin atap ótti. «Biz Parlament janynan ınstıtýt qurý týraly usynysymyzdy qoldaǵany úshin Qasym-Jomart Kemelulyna alǵys aıtamyz, ol bizge osy jumysty sapaly ári derbes júrgizýge múmkindik berer edi. Ol Parlament mártebesin nyǵaıtýda jáne kúsheıtýde zor qadam bolady», dedi D.Nazarbaeva.

Parlamenttik tyńdaýdyń qorytyndysy boıynsha Senat budan bylaıǵy jumystar jóninde Úkimet atyna usynystar ázirledi. Qazaqstan Respýblıkasy Parlamenti Senaty janyndaǵy Zań shyǵarý prosesin jetildirý jónindegi keńes otyrysynda usynymdardyń oryndalý qorytyndylaryn qaraý týraly sheshim qabyldandy.

Banner
Sońǵy jańalyqtar

Moıynqumǵa ushaq qatynaıdy

Aımaqtar • Búgin, 09:29

«Para berme» chellendji bastaý aldy

Aımaqtar • Búgin, 09:27

Kásipodaq úzdikteri marapattaldy

Aımaqtar • Búgin, 09:26

Bı-aǵa salǵan án eken...

Rýhanııat • Búgin, 09:17

Qaıta oralǵan «Don Karlos»

Rýhanııat • Búgin, 09:15

Jeti óner qonǵan jampozym

Rýhanııat • Búgin, 09:12

Taǵdyry tańdalǵan patshaıym

Rýhanııat • Búgin, 09:09

Naǵyz qazaq

Rýhanııat • Búgin, 09:05

«Brakoner» biraz basbuzardy quryqtady

Aımaqtar • Búgin, 09:00

Reseıden de úırenýge bolady

Saıasat • Búgin, 08:52

Zań jobasyn talqylady

Qoǵam • Búgin, 08:46

IýNESKO-nyń syılyǵyn jeńip aldy

Qazaqstan • Búgin, 08:45

«Eńbek» eleýsiz qaldy

Qoǵam • Búgin, 08:43

Robot-tehnıka úıirmeleri qajet pe?

Qazaqstan • Búgin, 08:26

Qurylysshylar nege ereýilge shyqty?

Qazaqstan • Búgin, 08:24

«Januıa» ortalyǵy jumysyn bastady

Qoǵam • Búgin, 08:22

Kedergisiz ómir syılaıdy

Qoǵam • Búgin, 08:22

Reformalar oza shabýdy kótermeıdi

Qoǵam • Búgin, 08:19

Azamattyq jaýapkershilik qajet

Qoǵam • Búgin, 08:16

Ashyq qoǵam aıshyqtary

Búgin, 08:14

Tazalyqtan aldyna jan salmaıtyn jurt

Qoǵam • Búgin, 08:08

Jaldamaly jumysshylar jalaqysy artty

Ekonomıka • Búgin, 08:05

Sheteldik taýarlar qymbattady

Ekonomıka • Búgin, 08:03

Ekonomıkalyq ósimniń kóleńke tusy

Ekonomıka • Búgin, 08:00

Baspana baǵasy nege kóterildi?

Qoǵam • Búgin, 07:58

Yntymaqtastyqtyń jańa kezeńi

Qazaqstan • Búgin, 07:52

Eń qysqa áńgime. Qanat Ábilqaıyr

Eń qysqa áńgime • Keshe

Eń qysqa áńgime. Arman Álmenbet

Eń qysqa áńgime • Keshe

Kúlki kerýeni № 2

Rýhanııat • Keshe

Uqsas jańalyqtar