Rýhanııat • 27 Qyrkúıek, 2019

Qostanaıda aıtysta Aıbek Qalıev temir tulpar mindi

257 ret kórsetildi

Qostanaıda Beıimbet Maılınniń týǵanyna 125 jyl tollýyna arnalǵan «Beıimbet bıigi» dep atalatyn respýlıkalyq aıtys máresine jetti.

Eki kúnge sozylǵan aıtystyń fınalyna tórt jup aqyn shyqqan bolatyn. Qazylar alqasynyń sheshimimen árqaısysy 400 myń teńgeden Omar Shıpın jáne Nurhan Naýshabaev atyndaǵy arnaıy syılyqty Aınabek Beısenǵalıev pen Toba О́tepbaev aldy. Úshinshi oryn 500 myń teńgeden Saltanat О́telbava men Shuǵaıyp Sezimhanǵa buıyrdy. Árqaısysy 600 myńnan ekinshi oryndy Ásem Erejeqyzy men Serik Qusanbaevqa berdi. Bir mıllıon teńge turatyn birinshi oryndy qyzylordalyq  Meıirbek Sultanhan jeńip aldy. Al bas júldege tigilgen temir tulpardy aıtysta shashasyna shań juqpaǵan arqalyqtyq Aıbek Qalıev aldy.

Eki kúngi alamanda aqyndar Beıimbettiń ómiri men shyǵarmashylyǵyn, ádiletsiz saıasattyń qurbanyna aınalǵan taǵdyryn ǵana emes, búgingi kúnniń ótkir máselelerin de jyr arqaýy etti.

«Bas júldege Aıbek Qalıevti biraýyzdan usyndyq. Onyń aqyndyq júıriktigine kórermenniń ózi kýá. Oblysta osynyń aldyndaǵy ótken respýblıkalyq aıtystarda bas júldeni Aıbektiń eńbegin kóre tura syrttan, ózge oblystardan kelgen aqyndarǵa bergen edik.  О́ıtkeni Keıkige arnalǵan, Shaqshaq Jánibekke arnalǵan aıtystarda osy tulǵalardyń aty atalsyn, nasıhattalsyn» degen oı boldy. Aıbek  adamgershilikpen, ishki keremet mádenıetimen sonyń barlyǵyn da túsindi» dedi halyq aqyny, qazylar alqasynyń tóraıymy Ásııa Berkenova.

 

Qostanaı

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar