Sport • 28 Qyrkúıek, 2019

Sarbazdar saıysqa tústi

241 ret kórsetildi

Almatydaǵy Qorǵanys mınıstrligine qarasty Armııashylardyń ortalyq sport klýbynda qoıan-qoltyq jekpe-jekten áskerıler arasynda TMD chempıonaty óz máresine jetti.

Elimizde tuńǵysh ret uıymdastyrylyp otyrǵan aıtýly jarysta Armenııa, Belarýs, О́zbekstan, Qyrǵyzstan, Reseı, Tájikstan jáne Qazaqstannyń 80-nen asa sportshysy kúsh synasty. Birneshe salmaq dárejesi boıynsha ótken asa shıelenisti básekeler barysynda jerlesterimiz asqan sheberlik tanytyp, 3 altyn, 1 kúmis jáne 3 qola medaldi oljalady. Osy nátıjeniń arqasynda bizdiń sarbazdar jalpy komandalyq esepte birinshi oryndy jeńip aldy. Ekinshi jáne úshinshi satylarǵa Reseı men О́zbekstan quramalary jaıǵasty.

Jeńimpazdar men júldegerlerdi marapattaý kezinde QR Qorǵanys mınıstriniń birinshi orynbasary – Qarýly kúshteri Bas shtabynyń bastyǵy, general-maıor Murat Bektanov sport salasynyń máni men mańyzdylyǵyna toqtala kele, osyndaı saıystardy jıi uıymdastyrý qajettigi jaıyn da tilge tıek etti.  

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar