Qazaqstan • 30 Qyrkúıek, 2019

BAQ-qa salyq jeńildigi jasalady

15 retkórsetildi

Qazmedıa ortalyǵynda Aqparat jáne qoǵamdyq damý salasyndaǵy Qoǵamdyq keńestiń otyrysy ótip, Parlamenttiń qaraýyna usynylatyn birqatar másele qaraldy.

Alqaly jıynǵa Aqparat jáne qo­ǵamdyq damý mınıstri Dáýren Abaev, Qoǵamdyq keńes tóraǵasy Tóleýtaı Sú­leımenov jáne keńeske múshe úkimettik emes uıymdardyń ókilderi men sarapshylar qatysty.

Keńes jumysynyń kún tártibinde aldymen «Qazaqstan Respýblıkasynyń keıbir zańnamalyq aktilerine aqparat máseleleri boıynsha ózgerister men to­lyqtyrýlar engizý týraly» zań jo­­basy qaraldy. Bul qujattyń jaı-japsarymen BAQ salasyndaǵy mem­lekettik saıasat departamentiniń dırektory Bahnııaz Qarashına tanys­tyrdy. Onyń aıtýynsha, atalǵan zań jobasy aıasynda 5 negizgi normany engizý kózdelip otyr. Olar – otandyq aqparattyq basylymdar úshin salyqtyq jeńildikter, memlekettik aqparattyq saıasattyń biryńǵaı júıesin qurý, otandyq BAQ-ta syra men sharaptyń saý­da belgisine nemese ataýyna jarnama jasaýǵa tyıymdy alý tastaý, mem­lekettik qatysy bar teleradıoarnalar úshin habar taratý tilin anyqtaýda ókiletti organnyń quzyretin bekitý jáne aqparatqa qoljetimdilik týraly zańnamany jetildirý.

Gazet pen jýrnaldar úshin 2021 jyldan bastap 10 jyl merzimge nóldik mólsherlememen qosylǵan qun salyǵyn engizý kózdeledi. Salyqtyq jeńildik 2911 BAQ sýbektisin qamtıdy. Onyń 1837-si – gazet, 1074-i – jýrnal. Mundaı jeńildik basylymnyń mindetti túrde onlaın-nusqasy bolǵan kezde ǵana usynylady.

Sonymen qatar zań jobasynda Qazaqstan aýmaǵynda shyǵarylǵan syra men sharaptyń taýarlyq belgisi men ataýyna jarnama jasaýǵa tyıymdy alyp tastaý usynylady. Bahnııaz Qarashına mundaı jarnamalar ınternet jelisi men sheteldik kabeldik telearnalarda kórinis taba beretinin, al qazaqstandyq BAQ bul kiris kózinen aırylyp otyr­ǵanyn aıtyp, ózgeristiń sebebin tú­sin­dirdi. Bul sýsyndardyń jarnamasy gazetterdiń birinshi jáne sońǵy bet­terine, jýrnaldardyń muqabasyna jarııalanbaýy tıis. Telearnalar úshin mundaı jarnama saǵat 22-00-den 06-00-ge deıin ǵana ruqsat etilmek. Alkogol ónimderi jarnamalanǵanda shamadan tys ishýdiń zııany týraly mindetti túrde eskertiledi. Buǵan qosa syra men sharap jarnamasynan keıin ile-shala salamatty ómir saltyn nasıhattaıtan rolıkter kórsetiledi.

Osy tusta Aqparat jáne qoǵamdyq damý mınıstri Dáýren Abaev zań joba­synyń ishimdik jarnamasyna qatysty bóligin Ishki ister mınıstrligimen birge zerttegenderin, qylmystyń ósýine mun­daı jarnamalardyń kórsetilýi áser etpeıtinin, sondaı-aq budan tús­ken qarjynyń esebinen áleýmettik jarna­malardyń sany artatynyn aıtty.

Keleli keńeste kópshiliktiń nazaryna Volonter jylyn ótkizý týraly jospar usynyldy. Bul týraly Azamattyq qoǵam isteri komıtetiniń tóraǵasy Álııa Ǵalymova jan-jaqty baıandap berdi. Onyń aıtýynsha, jos­parda Qazaqstanda volonterlikti damytýdy 7 baǵyt boıynsha júzege asyrý kózdelgen. Birinshisi – volonterlik qyzmet úshin qolaıly ortany damytý. Osy baǵyt sheńberinde volonterlik qyzmet máseleleri boıynsha zań jobasy ázirlenbek. Kolledjder men joǵary oqý oryndaryna túsý kezinde volonterlik qyzmetti esepke alý boıynsha normalar usynylady, sondaı-aq eriktilerdiń jumys tájirıbesin eńbek ótiline engizý boıynsha normalar qarastyrylady. Buǵan qosa statıstıkalyq esepke engizý úshin eldiń áleýmettik-ekonomıkalyq damýyna volonterlik qyzmettiń qosqan úlesin baǵalaý jónindegi ádisteme da­ıyndalady.

Atalǵan josparda volonterlik qyz­mettiń ınfraqurylymyn damytý jáne oǵan qatysýshylardyń áleýetin arttyrý, volonterlik qyzmetke azamattardy kóptep tartý, korporatıvtik volonterlik jobalardy iske asyrý, volonterlik salada halyqaralyq yntymaqtastyqty damytý sııaqty baǵyttar qarastyrylǵan.

Otyrysta repatrıanttarǵa «bir tereze» qaǵıdaty boıynsha memlekettik qyzmet kórsetý kezinde bıznes-pro­ses­terdi ońtaılandyrý týraly Etnos­tyq qatynastardy damytý departa­menti dırektorynyń orynbasary Erkin Úısimbaev aıtyp berdi. Bul sala­daǵy jumystar shetelden oralǵan qandas­tardyń qujattaryn rásimdeýdi jedeldetýge septigin tıgizbek.

Qandastar máselesi qozǵalǵanda Qo­ǵamdyq keńes múshesi Keńshilik Tysh­han qoǵamda tildik, rýlyq, násildik kemsitýshilikterge qosa tarıhı ota­nyna qonys aýdarǵandardy oralman dep shettetetin jaǵdaılardyń jıi kez­desetinin aıtty. Sondaı-aq ol ju­mysqa ornalasqan saıyn talap etiletin sot­talmaǵany týraly qaǵazdy qandas­tar óz­deri týǵan shet memleketten aldy­rýǵa týra keletinin, bul qujat jınaý prose­sin aıtarlyqtaı qıyndatatyn jet­kizdi.

Sonymen qatar jıynda otbasylyq sottardyń janyndaǵy otbasyn qol­daý «Baqytty otbasy» resýrstyq or­ta­­ly­ǵynyń qyzmeti de keńinen tal­qy­­landy.

Banner
Sońǵy jańalyqtar

Elıtaly kezeńge joldama aldy

Sport • Búgin, 09:58

Eki qola medal enshiledi

Boks • Búgin, 09:57

«Barystyń» qarqyny qatty

Hokkeı • Búgin, 09:52

Kıprdi de jeńe almadyq...

Fýtbol • Búgin, 09:51

Galbadrah bolmasa qaıter edik?!

Sport • Búgin, 09:49

«Qara altyndy» qapysyz aǵyzǵan

Qazaqstan • Búgin, 09:44

Qyz áýlıe

Rýhanııat • Búgin, 09:34

Qaıtalanbas qymyz dámi

Qazaqstan • Búgin, 09:33

Rýhanı jańǵyrǵan aýyl

Rýhanııat • Búgin, 09:28

Ekijaqty kelisimge qol qoıyldy

Qazaqstan • Búgin, 09:26

Tálim men tájirıbe ushtasqan uıa

Qazaqstan • Búgin, 09:10

Jambyldyqtardyń jarqyn jobasy

Aımaqtar • Búgin, 08:36

Joshy ulysynyń joǵalǵan shaharlary

Rýhanııat • Búgin, 08:31

Úılestirý keńesiniń kezekti basqosýy

Qazaqstan • Búgin, 08:27

Túgel túrkini túgendegen

Álem • Búgin, 08:20

Katonqaraǵaıdy qalaı saqtap qalamyz?

Qazaqstan • Búgin, 08:12

«Dostastyq vızasyn» engizýdi usyndy

Prezıdent • Búgin, 08:03

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Uqsas jańalyqtar