Qazaqstan • 30 Qyrkúıek, 2019

Zhas Project aıasy keńeıip keledi

14 retkórsetildi

Elimizde 2017 jyly Zhas Project jastar korpýsyn damytý jobasy bastalǵany belgili. Alǵashqy jyldyń ózinde Pavlodar, Qaraǵandy, Ońtústik Qazaqstan jáne Almaty oblystaryndaǵy 2 000-nan astam túrli áleýmettik jobalardy júzege asyrýǵa múmkindik alǵan edi.

2018 jyly olardyń qatary 3 508 adamǵa jetti. Bıylǵy Jastar jylynda eli­miz­diń Batys Qazaqstan, Atyraý, Mańǵystaý, Aqmola oblystary men Nur-Sultan jáne Almaty qalalarynyń jastary 1063 áleýmettik joba grantyn utyp aldy.

Jalpy, Zhas Project jobasy jastardyń ómirden óz ornyn tabýǵa yqpal etedi desek artyq aıtpaımyz. Sebebi onyń negizgi qatysýshylary NEET sanatyndaǵy jastar. Olar áleýmettik jobany iske asyrý barysynda ómirlik mańyzy bar daǵdylar men jobalardy basqarýdyń baǵdarlamasy bo­ıynsha úsh kezeńdik oqytýdan ótedi. Aldymen alty aı boıy áleýmettik jobalaryn iske asyrady. Jastarǵa aı sa­ıyn tólenetin shákirtaqy da qaras­tyrylǵan. JOO túlek­terine 60 000 teńge berilse, qalǵandaryna – 40 000 teńge shákirtaqy tıesili. Sonymen qosa, barlyq qatysýshylar óz jobalaryn iske asyrý kezinde men­torlardyń, ıaǵnı jón kór­setip, baǵyt silteıtin adam­dardyń qoldaýyn alady.

Búginde bas qalamyzda óz jumysyn bastap ketken áleý­mettik jobalar qar­qyn­dy jumys istep otyr. Úı­de otyrǵan kelinshekter, eń­bek­ke jaramdy jumyssyz jas­tar­dyń tyń ıdeıalaryn iske asyrýǵa múmkindik berip otyrǵan Zhas Project joba­synyń bul da bir úlken jetis­tigi. Máselen, Záýre Dos­ta­hına, Uljan Serik jáne Raý­shan Bóstek esimdi kelin­shek elordada taktıldi jáne sen­sorlyq oıynshyqtar tigetin tigin ortalyǵyn ashty. Bilim jáne ǵylym mınıstrligi men Dúnıejúzilik bank usynǵan jobanyń grantyn jeńip alǵan jastar qoǵamǵa paıdaly shar­ýany bastap ketti.

Záýre Dostahına 1990 jyly Semeı qalasynda týyp-ósken. Mektepte fızıkany sú­ıip oqyǵan Záýreniń negizgi ma­mandyǵy temirjolshy. Joǵary oqý ornyn Almatyda támamdaǵan. Zhas Project jobasy jaıynda áleýmettik jeli­lerden bilgen. Sóıtip ja­nyna ózi sııaqty pysyq ári iz­denimpaz qyz-kelinshekterdi jınap, top quryp, baıqaýǵa áleýmettik jobalaryn usy­nypty.

– Bizdiń joba balalardyń usaq motorıkasyn jáne jal­py damýyna paıdaly. Ásirese Daýn sındromyna shal­­dyqqan, aýtızmmen aýyra­tyn balalar úshin óte qa­jet. Erek­she balalarda usaq mo­to­rı­ka­nyń daǵdylary baıaý damıdy. Bizdiń oıynshyqpen oınaǵanda olardyń sabaqqa degen qyzyǵýshylyǵy artady, kóbirek qımyldaıdy. Oınaý arqyly qolynyń motorıkasy, aınaladaǵy zattardy sensorlyq qabyldaýy damıdy. Oıynshyqtardyń dızaınynyn ózimiz jasadyq. Daıyn ónimdi osyndaı balalarǵa tegin taratamyz,– deıdi Záýre. Ol aldaǵy ýaqytta demeýshi tabylsa, muqtaj jandarǵa kómekti kóbirek bersek dep armandaıdy.

Zhas Project áleýmettik jobasy aıasynda Nursultan qalasynda ashylǵan taǵy da bir erekshe joba – Booktime dep atalady. Bul áleýmettik jobanyń jetekshisi Madına Jumanqyzy bala kútimine baılanysty úıde otyrǵan jas kelinshek. Onyń aıtýynsha, bala kezinen kitapqa degen súıispenshiligi erekshe bolǵan. Ákesi ony kitapqa degen mahabbatyn oıatýǵa sebepshi bolypty. Áripti erte tanyp, ertegilerdi sýdyrata oqyǵan eken. Sodan Zhas Project áleýmettik jobasy jaıynda óziniń jer­les­terinen estigende, as­tana­lyq qurbylarymen aqyl­dasa kele, tegin kitap oqy­tý ortalyǵyn ashýǵa bel bý­ǵan. Top quramynda ózi sııaq­­ty úıde otyrǵan Ásem jáne Dına qurbylary da bul oıdy qoldap, qazirgi tań­da balalarǵa kitap oqytý or­ta­lyǵy tegin qyzmet etip keled­i. Bul ortalyq búginde elor­dadaǵy Jaǵalaý aýdanynda ornalasqan.

Sońǵy jańalyqtar

Prezıdent Tımýr Qulybaevty qabyldady

Prezıdent • Búgin, 11:42

Ana tili – arym deıtin jastar kóp

Qazaqstan • Búgin, 09:21

«Aqylǵa sáýle qonbasa...»

Qoǵam • Búgin, 08:03

Qatygezdik qaıdan shyǵady?!

Qoǵam • Búgin, 07:46

Qyzyltastaǵy jartas sýretteri

Qoǵam • Búgin, 07:44

Omby qardy tazalaýda olqylyq bar

Qoǵam • Búgin, 07:41

Hırýrg, ǵalym, qalamger

Rýhanııat • Búgin, 07:38

Aqtyq saparǵa shyǵaryp saldy

Qoǵam • Búgin, 07:34

Volonterlik qozǵalys qoldaý tabýda

Aımaqtar • Búgin, 07:29

Talapty jeter muratqa

Suhbat • Búgin, 07:27

Avtorlyq quqyq aıaqasty boldy ma?

Qoǵam • Búgin, 07:24

Lıvııa túıini sheshile me?

Álem • Búgin, 07:17

Telqońyr

Rýhanııat • Búgin, 07:12

Balalar oınaıtyn alańqaı joq

Aımaqtar • Búgin, 07:11

«QazAgro» syrtqy qaryzyn tolyq ótedi

Ekonomıka • Búgin, 07:07

Aqbas sıyrdan artyǵy joq

Ekonomıka • Búgin, 07:03

Jol muraty – el qýaty

Ekonomıka • Búgin, 07:00

Demografııa dabyly

Qoǵam • Búgin, 06:56

Hakim kitaby – halyqqa

Aımaqtar • Búgin, 06:55

Abaıdy alǵash tanyǵandar

Rýhanııat • Búgin, 06:52

Qarqaralynyń aǵa sultany

Rýhanııat • Búgin, 06:48

Abaı toıy bastaldy

Qoǵam • Búgin, 06:21

Uqsas jańalyqtar