Qazaqstan • 30 Qyrkúıek, 2019

100 shaqyrymdyq marsh

8 ret kórsetildi

Áskerı ınstıtýtty bitirýshi kýrsanttar jaıaý áskerdiń jaýyngerlik mashınalarymen jáne tanktermen 100 shaqyrymǵa marsh jasady.

Bolashaq ofıserler is júzinde alǵan teorııalyq bilimderin pysyqtap, áskerı tehnıkany basqarý sheberlikterin pash etti jáne sý bógetterin urys mashınasymen eńserýdiń barlyq múmkindikterin zerdeledi.

Qurama ekıpajdar qatarynda olar jaıaý áskerdiń jaýyngerlik mashınalary men T-72 tankterinde 100 shaqyrymdyq marsh jasady. Ol úshin áskerı ınstıtýttyń oqý-jattyǵý ortalyǵynda arnaıy kórsetilimdi sabaq uıymdastyryldy.

ásker

Jaýyngerlik tehnıkadaǵy marsh – bul joldar men kedergili joldar arqyly vzvodtyń nemese rotanyń legi quramyndaǵy jaı ǵana júris emes. Eń aldymen, marshty josparlaý jáne uıymdastyrý boıynsha barlyq dárejedegi komandırlerdiń jumysy. Kýrsanttar jaýyngerlik mashınalardy júrgizý, kúrdeli jaǵdaıda manevrleý, ártúrli kedergilerdi eńserýde tabandylyq pen batyldyqty pash etti.

– Marshty uıymdastyrý men ótkizýdi zerdeleý kezeń-kezeńmen ótedi. Birinshi kýrsta kýrsanttar bólimshe komandıriniń jumysy kóleminde, ekin­shi jáne úshinshi kezeńde vzvod jáne rota koman­dıri kóle­minde qajetti máselelerdi zerdeleı­di. Bola­shaq ofıserlermen 100 shaqyrymdyq marsh­ty júrip ótýdi oqytýdyń sońǵy tórtinshi kýrsy batalon komandıri dárejesinde ótkiziledi, – deıdi Qurlyq áskerleri Áskerı ınstıtýty oqý bóliminiń bastyǵy podpolkovnık Jánibek Sarǵazın.

tank

Tájirıbelik sabaqtar oqyp-úırenýshilerdiń taktıkalyq, atys jáne ádistemelik mashyǵyn arttyrýǵa yqpal etetinin, urysty uıymdastyrý men júrgizýdegi qabiletterin jetildiretinin atap ótken jón. Kýrsanttar áskerlerge qyzmet etýge joǵary deńgeıdegi kásibı daıyndyqpen, ofıserler úshin qajetti bilim jáne biliktilikpen attanady.

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar