Aımaqtar • 30 Qyrkúıek, 2019

«Saryarqa» gaz qubyrynyń qurylysy bekitilgen kestege sáıkes júrgizilýde

21 retkórsetildi

«QazMunaıGaz» ulttyq kompanııasynyń jurtshylyqpen baılanys departamenti kompanııa jaýapkershiligi aıasyndaǵy «Saryarqa» gaz qubyrynyń qurylysshylary jobany bekitilgen kestege sáıkes júzege asyryp jatqandyǵyn habarlady.

Búginde avtomatty dánekerleý-pisirý jumystary tolyǵymen aıaqtalyp, qubyrdyń 1061,3 shaqyrymy tartyldy. Gaz qubyrynyń 515 shaqyrymy gıdravlıkalyq synaqtan sátti ótti. Qalǵan ýchaskelerdi synaýǵa daıyndyq júrgizilýde. Synaq jumystary aıaqtalǵannan keıin qubyrdyń barlyq ýchaskeleri bir birimen orama japsarlarmen jalǵanatyn bolady.

Sondaı-aq gaz ólsheý stansııasy men Jezqazǵan, Qaraǵandy, Temirtaý jáne Nur-Sultan qalalaryndaǵy bes gaz taratý stansııalarynyń qurylysy kestege sáıkes júrgizilip keledi.

«Saryarqa» gaz qubyrynyń qurylysy boıynsha jumystar kesheni 2019 jyldyń sońyna deıin tolyǵymen aıaqtalady. Sodan keıin ákimdikter eldi mekenderdi, sonyń ishinde Elordany gazdandyrý jumystaryna kirisýdi josparlap otyr.

Paıdalanýǵa berilgennen keıin «Saryarqa» gaz qubyry «Intergaz Ortalyq Azııa» AQ (budan ári - IOA) jalǵa beriledi. Ol gaz tasymaldaýdy júzege asyratyn bolady.

Qazirgi ýaqytta gaz tarıfiniń mólsheri men qurylymy anyqtalǵan joq. Gaz tasymalynyń tarıfin qalyptastyrý kezinde IOA-nyń qubyrdy paıdalaný shyǵyndary men jalǵa berý tólemderi eskerilýi tıis. Al tarıfti bekitý Qazaqstan Respýblıkasynyń Ulttyq ekonomıka mınıstrligi Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetiniń quzyretine jatady. Osy oraıda, «Gaz jáne gazben jabdyqtaý týraly» Zańǵa sáıkes ishki naryqta «QazTransGaz» AQ-nyń taýarlyq gazdy kóterme saýdada satý baǵasynyń joǵarǵy shegin Qazaqstan Respýblıkasy Energetıka mınıstrligimen bekitiledi.

Aıta keteıik, «Saryarqa» eldiń energetıkalyq qaýipsizdigi deńgeıin arttyrýǵa, ortalyq jáne soltústik aımaqtardy kógildir otynmen úzdiksiz qamtı otyryp, ekologııalyq ahýaldy jaqsartýǵa tıis. Bolashaqta jeke-menshik jáne shaǵyn kommýnaldyq qazandyqtardy, jer úıler men turǵyn úılerdi, jylý-elektr ortalyqtaryn birtindep gazǵa aýystyrý josparlanýda.

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar