Aımaqtar • 30 Qyrkúıek, 2019

Adal eńbek abyroıǵa keneltedi

61 ret kórsetildi

Prezıdent Qasym-Jomart Toqaev «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýynda tıimdi shaǵyn jáne orta bıznes – qala men aýyldy damytýdyń berik negizi ekenin, shaǵyn ásirese mıkrobıznes elimizdiń áleýmettik-ekonomıkalyq jáne saıası ómirinde mańyzdy ról atqaratynyn aıtty.

Atap aıtqanda, eń aldymen, aýyl turǵyndaryna turaqty jumys beredi, jumyssyzdyqty azaıtady. Sonymen qatar salyq bazasyn quryp, jergilikti bıýdjetti nyǵaıtady. Sondaı-aq jappaı kásipkerlikti damytý sanaǵa sińgen paternalıstik pıǵyl men masyldyqtan arylýǵa múmkindik beredi, degen bolatyn. Búgingi tańda memleket shaǵyn jáne orta bızneske tıisti qoldaý kórsetip keledi. Ásirese aýyl­dy jerlerde memleket tarapynan qaıtarymsyz nesıe alyp, tirligin tiktep otyrǵan azamattar kóp. Mundaı azamattar ózin ózi jumyspen qamtyp qana qoımaı, ekonomıkalyq ósimge de úles qosatyn bolady.

 Teńizbaı Qorǵanov Jýaly aýdany, Nurlykent aýylynyń turǵyny. 51 jastaǵy azamat 11 balanyń ákesi eken. О́ziniń adal eńbegimen otbasyn asyrap júrgen ol keıinnen úsh aı boıy aýdan ortalyǵyndaǵy jumysshy mamandyǵyn daıyndaıtyn kolledj­de oqyp, dánekerleýshi mamandyǵyn alypty. Endigi jerde otbasyna tabys kózi retinde jeke tapsyrystar alyp, jumys isteýdi qolǵa alyp otyr. Aýdandyq halyqty jumyspen qamtý ortalyǵyna qaıtarymsyz nesıe alý úshin qujattaryn ótkizip, nátıjesinde 505 myń teńge alǵan. «Qazirgi kezde memlekettiń qoldaýynyń nátıjesinde aýyl turǵyndary jeke kásipkerlikpen aınalysýǵa múmkindik alyp otyr. Men de endi memleketten alǵan qaıta­rym­syz nesıege dánekerleýshi qural-jabdyqtar satyp alyp, ıgergen maman­dy­ǵym boıynsha jumys istesem deımin. Balalarymdy da adal eńbekpen nan taýyp, qoǵamnyń damýyna úles qosýǵa baýlyp kelemin», deıdi ol.

Teńizbaı Qorǵanov jastaıynan eńbek maıdanynda shynyǵyp ósken azamat eken. Ol aýyldan dánekerleıtin seh ashyp, násibin kásibinen tapqysy keletinin de jasyrmady. Jýyrda ǵana Arys qalasyn qalpyna keltirý jumystaryna baryp, sondaǵy qurylys jumystaryna aralasyp, nápaqa taýyp kelipti. «Bala-shaǵany jetkizý de ońaı emes. Ol úshin árbir adam jumys istep, tabys tabýy kerek. Balalarymdy da eńbekke baýlyp kelemin», deıdi ol.

 Teńizbaı Qorǵanov sııaqty talaı azamat búginde óz kásibin ashyp, jumysyn júrgizip keledi. Jýaly aýdan­dyq halyqty jumyspen qamtý ortalyǵynyń mamany Erik Suramy­sov­tyń aıtýynsha, aýdan boıynsha 52 adamǵa 200 aılyq eseptik kórsetkish mólsherinde jáne nysanaly topqa jatpaıtyn 7 azamatqa 100 aılyq eseptik kórsetkish mólsherinde qaıta­rym­syz nesıe berilipti. Onyń ishinde az qamtylǵan jáne kóp balaly otbasylar da bar eken. Búgingi tańda memlekettiń kómegin alǵan azamattar kondıterlik ortalyq, shashtaraz, dóńgelek jelimdeý ortalyǵy sııaqty kásip túrlerin ashyp, jumystaryn júrgizýde. Sóıtip árdaıym adal eńbek abyroıǵa keneltetinin umytpaǵan azamattar turaqty kásippen aınalysýda.

 Jambyl oblysy

Sońǵy jańalyqtar

Aqtaýda geologtar alleıasy ashyldy

Aımaqtar • Búgin, 19:25

Oralda Juban Moldaǵalıevke eskertkish ashyldy

Rýhanııat • Búgin, 18:43

Shekten shyqqan ahýal joq

Aımaqtar • Búgin, 15:02

Demalys kúnderi aýa raıy qandaı bolady

Aýa raıy • Búgin, 13:15

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar