Aımaqtar • 30 Qyrkúıek, 2019

Arqanyń aıazy aıaýdy bilmeıdi

9 retkórsetildi

Oblysta jylý berý maýsymyna daıyndyqtyń sońǵy sharalary júzege asyrylýda. Bıyl qysqa qamdanýǵa jergilikti bıýdjetten 3,5 mlrd teńge qarajat bólindi. 

Qalǵan qarjy aýdandyq bıýdjet esebinen bólindi jáne ınves­tı­sııalyq baǵdarlamalarǵa sáıkes kásip­oryndardyń óz qarajaty jum­sal­dy. Bilim berý salasynda – 701, densaýlyq saqtaý salasynda – 558, áleýmettik nysandarda – 569 nysan jóndeýden ótkizilip, daıyndaldy. О́zge salalarda da burnaǵy jyldary qordalanyp qalǵan biraz másele sheshildi. Uzyndyǵy 75,1 shaqyrymnan astam jylý jelisi kúrdeli jóndeýden ótkizildi. Qazir oblys aýdandarynda alǵashqy toqsanǵa jetkilikti otyn qory bar.

Kókshetaý – elimizdegi jylý elektr ortalyǵy joq, kúni qazan­dyq­qa qaraǵan jalǵyz qala. Oblys ortalyǵyn jylýmen qamtamasyz etip otyrǵan «Kókshetaý jylý» kásip­ornynyń jylý berý maýsymyna daıyn­dyǵy burynǵy jyldarmen salystyrǵanda bıyl birshama jaqsy deýge bolady. Búgingi tańda «RK-1» kásipornynyń qazandyqtary jylý berýge tolyq daıyn. Al №9, №10 qazandyqtar áli jóndelip jatyr. Mamandardyń aıtýyna qaraǵanda, qazan aıynyń alǵashqy kúnderi jóndeý jumysy tolyq aıaqtalýǵa tıis. Maýsymnyń basynda №4 qazandyqta gaz ben mazýt jaǵylady. Kún sýyta №8, 10 qazandyqtar iske qosylmaq. Alǵashqy kúnderge qajetti mazýt bar. Keıingisi arnaıy keste boıynsha Pavlodardaǵy munaı óńdeý zaýytynan tasymaldanbaq. Buǵan deıin «Kókshetaý jylý» kásiporny otyndy Atyraý munaı óńdeý zaýy­tynan tasyǵan. Tym alys­ta bolǵan soń bul tıimsiz, onyń ústine aıaz kúshine mingen kezde mazýt jol­shybaı qatyp qalýy da ábden múmkin.

Jańa maýsymǵa 330 myń tonna kómir qajet. Oblys ortalyǵynyń irgesindegi Stansıonnyı kenti men Krasnoıar aýylyndaǵy bý qazan­dyq­ta­ryna da kómir jetkizilýde. Osyǵan deıin Ekibastuzdan bar bolǵany bir aptaǵa jetetin 7,5 myń tonna kómir tasymaldandy. Qyrkúıektiń 25-ine deıin 36 myń tonna kómir qory jınalýǵa tıis.

– Debıtorlyq qaryz kóbeıip ketti. Búginde onyń jalpy kólemi 141 mln teńgeni qurap otyr. Bul qaryz­dyń 90 mıllıony burnaǵy jyl­dary qordalanyp qalǵan bereshek, – deıdi qala ákiminiń orynbasary Saǵyndyq Shabarov.

Kásiporynnyń elektr qýaty úshin qaryzy 900 mln teńgege jetken. Onyń 200 mln-ynan qutylypty.

Áli de jylý qubyrlaryn tolyq tar­­typ úlgermegen aýlalar bar. Ma­­mandardyń aıtýyna qaraǵanda, bul jumys ózge kópqabatty tur­ǵyn úılerdi jylýmen qamtýǵa kedergi bolmaıdy. Jylý berý maý­symyna deıin tolyq aıaqtap úl­germek. Qapysyz qamdanatyn tus az emes. Qazandyqtyń elektr súz­gishteri endi aýystyrylýda. Krasnoıar aýylyndaǵy modýldik bý qa­zandyǵyna qosymsha úshinshi qazan­dyq ornatý qajettigi belgili bolyp otyr. Eldi mekendegi jeke­men­shik úıler men áleýmettik-tur­mys­tyq nysandardy jylýmen tolyq qamtamasyz etý úshin 1,2 mlrd teńge qarjy qajet. Osy bir ótkir másele eki jyldan beri úzbeı kóterilip keledi. Aýyl tur­ǵyn­da­ry­nyń da ókpe-nazyn týdyrýda. Qazir aýyldaǵy bý qazan­dy­ǵy tolyq qýatymen jumys istese de, barlyq turǵyn úıdi qamtı almaı otyr.

Oblys ortalyǵyndaǵy turǵyn úılerdiń shamamen úshten biri –  jekemenshik úıler. Bul úılerde turatyndar ótken jyldary kómir tapshylyǵyn qatty sezingen. Bıyl kópshilik suranysyna ıe Shubarkól kómiri oblys ortalyǵynyń segiz jerinde satylyp jatyr.

 Aqmola oblysy

 

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar