Qazaqstan • 30 Qyrkúıek, 2019

Bilim almasý baǵdarlamasynyń qarqyny qandaı?

14 retkórsetildi

Bilim almasý baǵdarlamasy (KSP – knowledge sharing program) sheńberinde jyl saıynǵy óńirlik semınar ótti. Álemniń 70 elinde 1 myńǵa jýyq taqyryptyq zertteýlerdi qamtıtyn bul baǵdarlamany 2004 jyly Koreıa Respýblıkasynyń Ekonomıka jáne qarjy mınıstrligi daıyndaǵan. Atalǵan joba Koreıanyń tájirıbesi negizinde áriptes elderge áleýmettik-ekonomıkalyq qoldaý kórsetetin strategııalyq zertteýler men konsýltasııa­lar keshenin ázirleýdi kózdeıdi. Osy maqsatta Qazaqstanmen áriptestik 2009 jyly bastalǵan edi.  

Jıynda sóz alǵan Koreıa Respýb­lıkasy Ekonomıka jáne qarjy mınıstrliginiń ókili Sý Kıýsık osy baǵdarlamanyń Eýrazııada, onyń ishinde Qazaq­standa júzege asyrylyp otyr­ǵany úlken mańyzǵa ıe eke­nin jetkizdi. «Bul – dál Eýrazııa aýmaǵynda alǵash uıym­dasty­rylyp otyrǵan aımaqtyq semınar. Elimiz Bilim almasý baǵdar­lamasyn dúnıe júzindegi kóptegen elder arasyndaǵy dostyq jáne áriptestik qarym-qaty­nasymyzdy nyǵaıtý, son­daı-aq ózimizdiń ozyq táji­rı­belerimizben bólisý maq­satynda júrgizip keledi. Biz sharada ınvestısııa, saýda sa­la­syndaǵy kóshbasshylar men jetekshi qyz­metkerlerdiń basyn qosýdy qaladyq. Osy jumys barysynda atalǵan salada jemisti jumys istep júrgen praktık-mamandardyń baıandamasyn tyń­­­­dap, arnaıy josparlanǵan pi­kirtalas alańdarynda talqyǵa salamyz», dedi Sý Kıýsık. Onyń aıtýynsha, pikirtalasqa Bilim almasý baǵdarlamasyn júrgizý, tıimdiligi men artyqshylyqtary arqaý bolady. Osy aımaqtyq semınar atalǵan baǵdarlamanyń Eýrazııadaǵy bolashaq áleýetin aıqyndaýǵa, boljam jasaýǵa jaqsy múmkindik beredi.

Al is-sharany uıymdas­tyrǵan elimizdiń Ulttyq ekonomıka mınıstr­liginiń depar­tament basshysy Bıbigúl Ma­ser­baeva aldymen Bilim alma­sý baǵdarlamasyn iske asy­rý arqyly ekijaqty yn­ty­maq­tas­tyqty arttyrýǵa atsalys­qa­ny úshin eki el mamandaryna alǵys aıtty. «Qazaqstan – ha­lyq­aralyq uıymdarmen ózara is-qımyl jáne Ortalyq Azııa elderi arasynda mańyzdy jobalardy iske asyrý  boıyn­sha kósh bastap turǵan el. 2010 jyldan bastap Koreıa  Res­pýb­lıkasynyń Ekonomıka jáne qarjy mınıstrligi men Qazaqstan Respýblıkasynyń Ult­tyq ekonomıka mınıstrligi ara­synda ózara túsinistik týraly negizdemelik memorandým jasaldy. О́tken jyldary shaǵyn jáne orta bıznesti da­mytý, nesıege kepildik be­rý salasyndaǵy zertteýler, sondaı-aq ındýstrııalyq-ın­nova­sııalyq damýdy qoldaý, ınstıtýsıonaldyq memleket-jekemenshik áriptestik tabys­ty iske asyryldy», dedi. B.Ma­ser­­baeva­nyń málimdeýin­she, aımaqtyq semınar jyl saıyn ár elde uıymdastyrylady. Bıyl Qazaqstanda ótken shara­da «Investısııalar jáne ónerkásipti damytý» taqyryby talqyǵa túsip, óńirlik, jahandyq jáne koreı sarapshylary úshin pikir almasý alańyna aınaldy.

Semınarda spıker retinde baıandama jasaǵan «Kazakh Invest» ulttyq kompanııasynyń mened­jeri Danııar Aıtqulov Bilim almasý baǵdarlamasynyń nátıjesinde atqarylǵan jumys­tarǵa toqtaldy. «Ekonomıkanyń basym sektorlaryna sheteldik ınvestısııalardy tartý jáne ınvestısııalyq jobalardy jan-jaqty qoldaý jolymen Qazaqstan Respýblıkasynyń ornyqty áleýmettik-ekono­mıka­lyq damýyna járdemdesý maqsatynda jumys isteıtin ulttyq kompanııa jalpy quny 39 mlrd dollardy quraıtyn 156 jobany ıelenedi. Sonyń ishinde 86 joba elge 21 mlrd dollar ınvestısııa tartty. Al 18 mlrd dollarǵa laıyqtalǵan 71 joba áli júzege asyrylyp jatyr. Osy nátıjege qol jet­kizýde Koreıa elimen árip­testik ornatýymyzdyń aıryqsha úlesi bar», dedi. D.Aıt­qulov­tyń aıtýynsha, Bilim almasý baǵdarlamasy aıasynda ko­reı­lik sarapshylar «Kazakh Invest» ulttyq kompanııasyna ár aımaqtyń ereksheligine qaraı jemisti jumys isteıtin óńirlik mamandar daıyndaýdy usynǵan. Osynyń negizinde qazir ulttyq kompanııanyń elimizdegi bar­lyq oblysyndaǵy arnaıy ma­man­dary óz óńirlerindegi áleýmettik-ekonomıkalyq erek­shelikterin eskerip, kompanııa men ákimdikter arasyndaǵy deldal qyzmetin atqarady. Nátıjesinde kompanııanyń áleýeti artyp, el damýyna qar­qyn­dy eńbek etýine yqpal ete bastady.

Sońǵy jańalyqtar

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Mýzykalyq mádenıet – mektepten

Rýhanııat • Búgin, 06:36

Turǵyndardyń talap-tilegi taldanady

Aımaqtar • Búgin, 06:30

Azııanyń úzdigi atandy

Aýyr atletıka • Búgin, 06:30

Kúnine bir jaqsylyq jasa!

Rýhanııat • Búgin, 06:27

Shákirtteri birinshi oryndy bergen emes

Aımaqtar • Búgin, 06:25

Mýzeı qory tolyqty

Rýhanııat • Búgin, 06:23

О́tinishter partııa nazarynda

Aımaqtar • Búgin, 06:20

Jańa jolda júz aqaý

Qoǵam • Búgin, 06:17

Qurylysty aıaqtaýǵa kepildik bar

Qoǵam • Búgin, 06:17

«Klassıkter» úshinshi oryn aldy

Sport • Búgin, 06:15

Almaty, 1921 jyl, 8 maýsym

Rýhanııat • Búgin, 06:12

Jańa energııa blogy iske qosylady

Ekonomıka • Búgin, 06:00

Qaıran, Qumsaı!..

Rýhanııat • Búgin, 05:31

Soltústik shuǵylasy

Rýhanııat • Búgin, 05:25

Qashqan sarbaz ustaldy

Qazaqstan • Búgin, 05:05

Baqylaý barynsha kúsheıtildi

Saıasat • Búgin, 05:05

Japon ıeni: keshe jáne búgin

Ekonomıka • Búgin, 05:05

Negizsiz tekserý – kásipke kedergi

Aımaqtar • Búgin, 05:05

Joldama úshin judyryqtasady

Kásipqoı boks • Búgin, 05:00

Uqsas jańalyqtar