Sport • 30 Qyrkúıek, 2019

«Traktordan» basym tústi

12 retkórsetildi

Elordanyń «Barys» hokkeı klýby Qurlyqtyq hokkeı lıgasy (QHL) aıasyndaǵy kezekti týr oıynyn Chelıabide ótkizip, jergilikti «Traktor» komandasynan taǵy da basym tústi.

Osydan bir apta buryn eki komanda Almatyda jolyǵyp, «Barys» hokkeıshileri 3:1 esebimen jeńiske jetken-di. Endi mine, Chelıabide ótken kezdesýde jerlesterimiz taǵy da ózderiniń myqtylyǵyn dáleldedi. Matchtyń birinshi kezeńinde muzaıdyn ıeleri Almatyda ketken eseni qaıtarý úshin birinshi mınýttan bas­tap oıyn tizginin óz qoldaryna aldy. Birneshe qaýipti shabýyldan soń «Traktor» oıynshylary óz degeninen jetti. 10-mınýtta Esse Vırtanen esep ashyp, komandasyn alǵa shyǵardy. Biraq jergilikti jankúıerlerdiń qýanyshy uzaqqa sozylmady. Arada eki mınýt ótkende Darren Dıs esepti teńestirip ketti. Oıynnyń birinshi jáne ekinshi kezeńderi teń eseppen aıaqtaldy.

Al úshinshi kezeńniń orta tusynan asqanda, dálirek aıtqanda 52-mınýtta «Barystyń» jańa oıynshysy Korben Naıt mergen­digimen kózge túsip, komandasyna mańyzdy jeńis syılady. Osy­laısha, «Barys» bıylǵy maýsymda «Traktormen» ekinshi ret kez­desip, ekeýinde de basym tústi. Bul jeńisinen keıin jerlesterimiz QHL-diń týrnır kestesinde 14 upaımen 2-orynǵa kóterilip aldy.

«Barys» kelesi kezdesýin búgin «Barys Arenada» «Kýnlýnǵa» qarsy ótkizedi.

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar