Sheteldik tálimgerdi shaqyrý shyǵyndaryn memleket tóleıdi, kásipker tek turatyn orny men tamaǵyn taýyp berse boldy. Oblystyq kásipkerler palatasynyń baspasóz hatshysy Ásel Tuqpaevanyń aıtýynsha, jyl sońyna deıin munaıly óńirge shetelden bes «Aǵa senor» keledi.
– «M-Sıstems Grýpp», «Birinshi mamyr» JShS, «Raýshan», «Jumaǵalıev» JK tarapynan sheteldik tálimgerge suranys tústi. Al «Caspiy Lana Atyrau» mekemesine Túrkııadan Kasym Gıýngor kelip, jumys isteýde, – deıdi oblystyq kásipkerler palatasynyń bólim basshysy Janargúl Jolamanova.
Toqyma fabrıkasynyń ónimderi ótken jyly «Qazaqstannyń úzdik taýary» baıqaýynda «Halyq tutynatyn úzdik taýarlar» atalymyn jeńip aldy. «Atyraýda jasalǵan» jyly kórpeler men jamylǵylar ázirge elimizdiń batys, ońtústik óńirlerine jetkizilip otyr. Endigi maqsat – ótkizý naryǵynyń aıasyn keńeıtip, alys-jaqyn shetelderge shyǵarý. «Aǵa senor» da osy maqsatta shaqyryldy.
ATYRAÝ
