Rýhanııat • 30 Qyrkúıek, 2019

Erekshe daýysty ánshini eske túsirmek

24 retkórsetildi

3 qazan kúni «Astana Opera» teatrynyń Kameralyq zalynda tyńdarman nazaryna dúnıeden erte ótip ketken biregeı qazaqstandyq opera ánshisi, eń joǵarǵy erler daýysynyń ıegeri – kontrtenor Erik Qurmanǵalıevti eske alýǵa arnalǵan konsert usynylmaq. «Vokaldyq parallelder» atty mýzykalyq keshke tanymal qazaqstandyq jáne reseılik ártister, sonyń ishinde álemniń jetekshi sahnalarynda onymen birge óner kórsetken dos­tary qatysady.

Ataqty vokalıstiń daýysy orasan zor dıapazondy qamtyǵan ári keremet ıkemdiligi men tehnıkalyq jaǵynan erekshelengen, bul oǵan sopranolyq ta, kontralttik te partııalardy oryndaýǵa múmkindik bergen. Týa bitken tembriniń arqasynda bilikti mamandar ánshini biregeı qubylys dep tanyp, Bostondaǵy mýzyka festıvalinde baspasóz ókilderi Erik Qurmanǵalıevty fenomen dep ataǵan.

Erik Qurmanǵalıev kóptegen gas­trol­dik saparlarǵa shyǵyp, álemniń úzdik sahnalarynda operalyq jáne jeke baǵdarlamalardy oryndaǵan. Onyń keń aýqymdy repertýarynda K.V.Glıýk, K.Monteverdı, G.F.Gendel, I.S.Bah, A.Vıvaldı, Dj.Rossını, G.Pıor­sell, V.A.Mosart, A.Stradella, K.Sen-Sans, I.Gaıdn, V.Bellını, Dj.Pých­chını, Dj.Meıerber, S.Frank, L.Ke­rý­bını, L.Lıýssı, J.Bıze, Dj.Verdı, Dj.Kach­chını, F.Shýbert, I.Shtraýs, M.Glınka, P.Chaıkovskıı, S.Rahmanınov, N.Rımskıı-Korsakov, D.Bortnıanskııdiń vokaldyq týyndylary  men operalarynan basty partııalar bolǵan. Ol alǵashqylardyń biri bolyp A.Shnıtkeniń №2 jáne №4 sımfonııalary men «Dáriger Iogann Faýsttyń oqıǵasy» kantatasyndaǵy kontrtenor partııasyn oryndady. Amerıkalyq dramatýrg D.G.Hvannyń attas pesasy boıynsha rejısser R.Vıktıýktyń «M.Batterflıaı» spektaklinde basty róldi oryndaýy arqa­synda aıtar­lyqtaı tanymaldylyqqa ıe boldy. Beı­neni tamasha jetkize alǵany úshin jyldyń úzdik akteri retinde ta­nylǵan. Áıgili Roza Jamanova, Bıbigúl Tólegenova jáne Araksııa Davtıanmen birge R.Hamdamovtyń «Vokaldyq parallelder» fılmine túsken.

Kesh qonaqtary – elordada alǵash ret óner kórsetetin reseılik ártister, Erik Qurmanǵalıevtyń dostary – Reseıdiń eńbek sińirgen ártisi Larısa Rýdakova (soprano), Rýstam Iаvaev (kontrtenor), Oleg Rıabes (kontrtenor), Aleksandr Kotovshıkov (fortepıano).

Olarmen birge Kameralyq zal sah­nasyna belgili qazaqstandyq voka­lıster: «Astana Opera» jetekshi solısi, Qazaqstannyń eńbek sińirgen qaı­rat­keri Jupar Ǵabdýllına (soprano), Qazaqstannyń Eńbek sińirgen ár­tisi Shahımardan Ábilov (barıton), Batyr­jan Smaqov (kontrtenor), aspapshy m­ý­zykanttar: Qazaqstannyń Eńbek sińir­gen ártisi Maqpal Bekmaǵambetova (skrıpka), Asqar Muqanov (vıolonchel), Gýmır Saıdalın (fleıta), Raýshan Bes­kembırova (fortepıano) shyǵady.

Oryndaýshylar Erik Qurman­ǵalıev­tyń repertýarynan týyndylardy, sonyń ishinde álemdik operalyq jáne vokal­dyq klassıka jaýharlaryn, sondaı-aq otan­dyq avtorlardyń shyǵarmalaryn usynady.

 

«Egemen-aqparat»

Sońǵy jańalyqtar

Garrı Kasparov robottardan saq bolýdy eskertti

Tehnologııa • Búgin, 09:11

Áriptestik ornatýǵa kelisti

Tehnologııa • Búgin, 08:16

Investorlardyń alǵysy

Aımaqtar • Búgin, 08:10

Qoǵamdyq keńester qyzmeti jandanady

Parlament • Búgin, 08:08

Áskerde tártip bolmasa...

Qoǵam • Búgin, 07:56

Estaıdyń jańa sýreti tabyldy

Tanym • Búgin, 07:49

«Egemen» – ómirsheń basylym

Rýhanııat • Búgin, 07:45

Adaldyq qundylyqtary dáripteldi

Aımaqtar • Búgin, 07:44

Jańa formattaǵy mamandar daıyndaıdy

Aımaqtar • Búgin, 07:41

Bos jatqan jerlerge baqylaý kúsheıdi

Aımaqtar • Búgin, 07:36

San salaǵa serpin bergen Túrkistan

Aımaqtar • Búgin, 07:31

Álimjettikke qandaı jaza bar?

Tanym • Búgin, 07:29

Parıjdi moıyndatqan qazaq qyzy

Álem • Búgin, 07:26

«Áıteýir aqsaqaldar aıtpady dep...»

Rýhanııat • Búgin, 07:24

Úkilim-aı

Tanym • Búgin, 07:21

Donbass neden dúrlikti?

Álem • Búgin, 07:19

Tasqynǵa – tosqyn

Úkimet • Búgin, 07:12

Uqsas jańalyqtar