Qoǵam • 30 Qyrkúıek, 2019

«Eńbek joly» konkýrsynyń óńirlik jeńimpazdaryn irikteý aıaqtaldy

30 ret kórsetildi

Qazaqstannyń óńirlerinde «Eńbek joly» konkýrsynyń birinshi kezeńi ótip, onda onlaın-daýys berý jolymen «Úzdik eńbek áýleti», «О́ndiristiń úzdik jas mamany», «Jumys isteıtin jastardyń úzdik tálimgeri» nomınasııalary boıynsha kóshbasshylar irikteldi. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Onlaın-daýys berýdiń nátıjeleri boıynsha eń kóp daýys jınaǵan kóshbasshylardyń úshtigi «Eńbek Joly» konkýrsynyń respýblıkalyq kezeńine qatysady.

Jergilikti atqarýshy organdardyń málimetterine sáıkes konkýrstyń óńirlik kezeńine qatysýǵa 388 ótinim berilgen, onyń ishinde nomınasııalar boıynsha: «Úzdik eńbek áýleti» - 90 ótinim; «О́ndiristiń úzdik jas mamany» - 154 ótinim; «Jumys isteıtin jastardyń úzdik tálimgeri» - 144 ótinim.

Konkýrsqa qatysýǵa úmitkerlerdiń ótinimder sany ótken jylmen salystyrǵanda 58,4 %-ǵa óskeni baıqalady (2018 j. – 245 ótinim).

Konkýrsty ótkizýdiń  negizgi maqsaty eńbek adamdary jóninde jaǵymdy qoǵamdyq pikir qalyptastyrý jáne kásiporyndar men uıymdarda jańa eńbek áýletteriniń qurylýyna jaǵdaılar jasaý bolyp tabylady.

Konkýrs jeńimpazdaryn saltanatty túrde marapattaý rásimi aǵymdaǵy jyldyń qarasha aıynda  Qazaqstanda Eńbek kúnin merekeleýge  arnalǵan «Halyqtyń ál-aýqatyn áleýmettik áriptestik arqyly jaqsartý» respýblıkalyq forýmy aıasynda ótkiziletin bolady.

29 qyrkúıekte Qazaqstanda Eńbek kúni merekesi toılanǵanyn eske salamyz. Merekeniń basty maqsaty eńbek ónimdiligin arttyrýdy  yntalandyrý, jastar arasynda jumysshy mamandyqtaryn nasıhattaý jáne jumysshy áýletteriniń kópjyldyq dástúrin nyǵaıtý bolyp tabylady.

Qazaqstan Respýblıkasynyń Eńbek jáne halyqty áleýmettik qorǵaý mınıstri Birjan Nurymbetov qazaqstandyqtardy merekemen quttyqtady.

«Barsha qazaqstandyqtardy ár qyrkúıektiń sońǵy jeksenbisi toılanatyn «Eńbek joly» merekesimen quttyqtaımyn. Bul mereke halqymyzdyń áleýmettik jáne ekonomıkalyq jetistikterine arnalǵan. Barshamyzdyń  súıikti isimiz ózimizge unaıtyn, áriptesterimizdiń qurmetine ıe bolyp, eńbegimizdiń úzdik nátıjelerimen qanaǵattanatyndaı jumysymyz bolsyn. Elimizdiń barlyq azamattaryna amandyq jáne táýelsiz Qazaqstannyń ıgiligi úshin tabysty eńbek tileımin», - dedi Birjan Nurymbetov.

Elimizdiń barlyq óńirlerinde Qazaqstannyń ekonomıkasyn damytý men nyǵaıtýǵa jeke úlesin qosqan eńbek ardagerlerin, eńbek áýletteriniń ókilderi men kásipqoılaryna qurmet kórsetý boıynsha is-sharalar ótkizildi.

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar