Qoǵam • 30 Qyrkúıek, 2019

Qaraǵandy oblysynyń turǵynynda 65 mln teńgeden asa salyq bereshegi bar

35 retkórsetildi

Atalǵan rekordtyq bereshek somasy jer salyǵyn tólemeý sebebinen paıda bolǵan. Kórsetilgen somanyń negizgi qaryzy 37 mln-nan asady, al eseptelgen ósimpul 27 mln teńgeden kóp. Bul týraly Memlekettik kirister komıtetiniń baspasóz qyzmeti habarlady.

Memlekettik kirister komıteti salyq tóleýden jaltarǵan 100 jeke tulǵanyń tizimin jarııalady. Bul azamattardyń memleket aldyndaǵy jalpy boryshy  286 019 395 teńgeni qurap otyr. Onyń 175 354 401 teńge – negizgi borysh somasy, al qalǵan 110 664 995 teńge – ósimpul bolyp tabylady.

Salyq boıynsha eń kóp bereshegi bar azamat Qaraǵandy oblysynda turady. Asqar Nábıevtiń jer salyǵy boıynsha (BSK 104302) negizgi borysh somasy  37 163 849 teńge, eseptelgen ósimpuly - 28 192 533 teńge. Jalpy qaryzy 65 356 383 teńgeni qurap otyr.

Elde salyǵy boıynsha ósimpul somasy negizgi borysh somasynan asyp ketken azamattar da bar. Mysaly, Nur-Sultan qalasynyń turǵyny Talǵatbek Ilıasovtyń jer salyǵy boıynsha jalpy bereshek somasy  19 050 875 teńge, onyń ishinde negizgi boryshy - 8 685 027 teńge, ósimpuly - 10 365 848 tenge.

Kólik salyǵy (BSK 104402) boıynsha boryshkerler tizimin taǵy da Qaraǵandy oblysy bastap otyr. Fadıs Mýstakımov bul salyq túri boıynsha jalpy 6 081 323 teńge qaryz jınaǵan. Onyń tóleýi tıis negizgi somasy - 4 059 318 teńge, eseptelgen ósimpuly - 2 022 005 teńge.

Keıbir qazaqstandyqtar múlik salyǵy (BSK 104102) boıynsha da qaryz jınap úlgergen. Mysaly, Jambyl oblysynyń turǵyny Erlan Toksanbaevtyń jalpy bereshek somasy 576 191 teńge, onyń ishinde negizgi borysh somasy - 335 811 teńge, ósimpul - 240 380 teńge.

Múlik, jer, kólik salyǵy boıynsha bereshegi bar azamattardyń jalpy tizimi baspasóz habarlamasyna qosa jiberilgen qosymshada kórsetilgen. Aıta keteıik, memlekettik kirister organdary salyq boıynsha bereshegi bar azamattar tizimin jarııalaý úrdisin aldaǵy ýaqytta da jalǵastyrýdy kózdep otyr.

Qazirgi ýaqytta Qazaqstanda salyqtyq raqymshylyq júrýde: aǵymdaǵy jyldyń 31 jeltoqsanyna deıin (qosa alǵanda) negizgi borysh somasyn tólegen azamattardyń ósimpuly esepten shyǵarylatyn bolady.

Salyq tóleýshiler boryshtarynyń bar-joǵyn Memlekettik kirister komıtetiniń saıtynda myna silteme boıynsha http://kgd.gov.kz/ru/app/culs-taxarrear-search-web teksere alady.

Sońǵy jańalyqtar

Garrı Kasparov robottardan saq bolýdy eskertti

Tehnologııa • Búgin, 09:11

Áriptestik ornatýǵa kelisti

Tehnologııa • Búgin, 08:16

Investorlardyń alǵysy

Aımaqtar • Búgin, 08:10

Qoǵamdyq keńester qyzmeti jandanady

Parlament • Búgin, 08:08

Áskerde tártip bolmasa...

Qoǵam • Búgin, 07:56

Estaıdyń jańa sýreti tabyldy

Tanym • Búgin, 07:49

«Egemen» – ómirsheń basylym

Rýhanııat • Búgin, 07:45

Adaldyq qundylyqtary dáripteldi

Aımaqtar • Búgin, 07:44

Jańa formattaǵy mamandar daıyndaıdy

Aımaqtar • Búgin, 07:41

Bos jatqan jerlerge baqylaý kúsheıdi

Aımaqtar • Búgin, 07:36

San salaǵa serpin bergen Túrkistan

Aımaqtar • Búgin, 07:31

Álimjettikke qandaı jaza bar?

Tanym • Búgin, 07:29

Parıjdi moıyndatqan qazaq qyzy

Álem • Búgin, 07:26

«Áıteýir aqsaqaldar aıtpady dep...»

Rýhanııat • Búgin, 07:24

Úkilim-aı

Tanym • Búgin, 07:21

Donbass neden dúrlikti?

Álem • Búgin, 07:19

Tasqynǵa – tosqyn

Úkimet • Búgin, 07:12

Uqsas jańalyqtar