Aımaqtar • 30 Qyrkúıek, 2019

Qostanaı oblysy Qamysty aýdanynyń polısııa bóliminde mýzeı ashyldy

36 ret kórsetildi

Bul jerde Qazaqstannyń ishki ister organdarynyń qalyptasýynan syr shertetin biregeı eksponattar jınaqtalǵan. Mýzeıdiń ashylýynda Qamysty aýdanynyń ákimi Ǵazız Bekmuhamedov pen «Altynsarın» JShS dırektory Borıs Knıazev qatysty. Bul týraly Qostanaı oblystyq PD baspasóz qyzmeti habarlady. 

Jeke ekspozısııa Qamysty polıseıleriniń sporttyq jetistikterine arnalǵan. 2015 jyly olar Uzynkól aýdanynda qyzmettik mindetterin atqarý kezinde qaza tapqan Baǵıt Qasymovty eske alýǵa arnalǵan shaǵyn fýtboldan oblystyq týrnırdi jeńip aldy. Bul týrnır jyl saıyn ótkiziledi.

Qamysty orta mektebiniń 11-synyp oqýshylary murajaıdyń alǵashqy kelýshileri boldy. Olar 70-jyldary kezekshi bólimderde qoldanylǵan "Mıg" telefon kommýtatory biregeı eksponatyn qyzyqtady. Sondaı-aq "Zenıt" fotoapparatyn kórdi.

- Men 1957 jyly aýdandaǵy alǵashqy mılısııa bastyǵy podpolkovnık Anatolıı Kornılov bolǵanyn bildim. Osy kezeńde aýdanda birinshi mılısııa bólimi quryldy,onda 15 mılısıoner jumys istepti. Qazirgi ýaqytta munda 40-tan astam polıseı qyzmet atqarady, - dedi 11-synyp oqýshysy Serikbaı Mujyqov.

Arnaıy stendte polısııa bóliminiń 19 basshysynyń fotosýretteri ornalastyrylǵan. Munda 60-jyldardaǵy mılısıonerlerdiń nysandy kıim-keshekteri, olardyń nagradalary saqtalady.

Qostanaı oblystyq Polısııa departamenti bastyǵynyń orynbasary Ardaq Yntyqbaev mýzeıdiń ashylýynda jastarǵa patrıottyq tárbıe berýdiń mańyzdylyǵyn atap ótti. Qazan aıynyń basynda Beıimbet Maılın polısııa bóliminde erlik buryshy men eskertkish ashylady. Qyzmettik boryshyn oryndaý kezinde qaza tapqan qyzmetkerlerge arnalǵan eskertkishter oblystyń bes aýdanynda ashylǵan.

1999 jyly Jitiqara qalasynyń polısııa bólimi Ardagerler keńesiniń tóraǵasy Sandybek Aıtmuhambetov Qamysty aýdanynyń polısııa bóliminiń bastyǵy boldy. Ol dál sol kezde polıseılerge osy murajaı ashylǵan qazirgi ǵımarat bólingenin eske alady.

Qamysty aýdanynyń ákimi Ǵazız Bekmuhambetov óz sózinde jergilikti atqarýshy bılik polısııanyń materıaldyq-tehnıkalyq jabdyqtalýyn qoldaıdy dep atap ótti. 2017 jyly munda tehnıkanyń sońǵy úlgisimen jabdyqtalǵan zamanaýı tır salyndy. Mýzeıdiń ashylýy aýdan turǵyndary úshin mańyzdy oqıǵa boldy.

 

Sońǵy jańalyqtar

Uıysa bilsek, urlyq tyıylady

Aımaqtar • Búgin, 22:11

Jańa mektepter jan súısindiredi

Aımaqtar • Búgin, 20:32

Qaırat Sarybaı qyzmetinen bosatyldy

Qoǵam • Búgin, 17:39

Asqar Jumaǵalıev jańa qyzmetke taǵaıyndaldy

Taǵaıyndaý • Búgin, 17:19

Eýro taǵy qymbattady

Ekonomıka • Búgin, 17:05

Eýroodaq elshileri elordada tal ekti

Qazaqstan • Búgin, 16:24

Shymkentte úı qustaryna ekpe egý jumystary júrgizilýde

Ońtústik Qazaqstan • Búgin, 15:16

Qazaqstanda dollar qaıta qymbattap jatyr

Ekonomıka • Búgin, 12:23

Báıterekte órt shyqty

Aımaqtar • Búgin, 12:00

Jaýapty kezeńge jan-jaqty daıyndyq

Aımaqtar • Búgin, 11:40

Uqsas jańalyqtar