Qazaqstan • 30 Qyrkúıek, 2019

Joldaý shaǵyn bıznesti damytýǵa jańa serpin beredi

110 retkórsetildi

El Prezıdenti Qasym-Jomart Toqaevtyń halyqqa joldaǵan Joldaýynda kásipkerlik, shaǵyn jáne orta bıznes salasy da nazardan tys qalmaǵan. Jalpy oblysymyzda 22798 bıznes ıeleri tirkelgen. Onyń ishinde 126-y iri jáne 500-i orta kásipkerlikti qurasa, qalǵany shaǵyn bıznes ókilderi.

Shaǵyn jáne orta bıznes – qoǵamnyń turaqty damýynyń negizi. Osyǵan oraı Memleket basshysy Úkimetke atalmysh salada salynatyn salyqtan úsh jylǵa bosatý úshin zańnamalyq baza ázirleýdi tapsyrdy. Bul tapsyrmany Memlekettik qyzmet isteri agenttiginiń basshysy Anar Jaıylǵanova taldap, túsindire kele bylaı dedi: «Memlekettik qyzmetshiler, ásirese, baqylaýshy organdarda qyzmet atqaratyn mamandar bıznes-qoǵamdastyqpen qarym-qatynasta etıkalyq normalar men memlekettik qyzmet týraly zańnamanyń qandaı da bir buzýshylyǵyn zańdy kásipkerlik qyzmetke kedergi keltirý nemese bireýdiń múddelerin jaqtaýǵa jasalǵan talpynys retinde baǵalanýy múmkin ekendigin naqty túsinýi qajet». Iаǵnı, «Qazaqstan Respýblıkasynyń Memlekettik qyzmeti týraly» Zańynyń 50-babynda zańdy tulǵanyń quqyqtary men múddelerine kedergi keltirýge jáne kásipkerlik sýbktilerine qatysty talaptardy óreskel buzý memlekettik qyzmetke kir keltiretin tártiptik qylyq bolyp tabylatyndyǵy jazylǵan.

Sondaı-aq Memleket basshysy Qasym-Jomart Kemeluly memlekekettik qyzmet sapasyn arttyrýǵa baılanysty da tapsyrmalar júktedi. Memlekettik qyzmet kórsetýshi organdardyń basty maqsaty – azamattardyń ómir súrýine tıisti jaǵdaı jasaý. Biz óz kezegimizde halyqqa kórsetetin qyzmet sapasyn arttyryp, bılik pen halyq arasyndaǵy altyn kópirge aınalýymyz qajet. Sebebi, memlekettik qyzmet kórsetý – elimizdiń áleýmettik-ekonomıkalyq damýynyń negizgi kórsetkishi.

Halyqqa sapaly qyzmet kórsetýdi qamtamasyz etý – memlekettik organdar jumysynyń asa mańyzdy basymdylyǵy. Osy turǵyda memlekettik apparattyń klıentke baǵdarlyǵy – bizdiń jumystyń túıindi qaǵıdasy. Bizdiń qyzmetimizdiń endigi kezektegi negizgi basymdyǵy – bul Memleket basshysynyń saılaýaldy baǵdarlamasynda aıtylǵan tapsyrmalardy sapaly iske asyrý. Aldymyzǵa qoıylǵan maqsatqa qol jetkizý úshin merıtokratııa qaǵıdatyn qamtamasyz etý jónindegi sharalardy kúsheıtip, memlekettik qyzmetshilerdiń áleýmettik paketin keńeıtýdi josparlap otyrmyz.

Prezıdentimiz atap ótkendeı, «Memlekettik qyzmet – eliń jáne halqyńa qyzmet etý» dep sanalýy tıis. Árqaısymyzdyń moınymyzda minsiz mindet atqarý men abyroıly ar jolynda eńbek etý paryzy tur. Bul rette «100 naqty qadam» Ult josparynyń 12-qadamyn júzege asyrý maqsatynda memlekettik qyzmetshilerdiń jańa Ádep kodeksi jáne etıka máseleleri jónindegi ýákiletti ókil laýazymy, ıaǵnı, Ádep jónindegi ýákildiń ınstıtýty engizildi. Memlekettik qyzmetshi qaı kezde moraldyq-etıkalyq talaptardy saqtaýǵa mindetti. Alaıda, búginde memlekettik qyzmetshilerdiń qyzmet aıasynda túrli kedergiler men ujym arasynda túsinbeýshilikterdiń kórinisi oryn alady. Osyndaı jaǵdaılarǵa jol bermeý Ádep jónindegi ýákildiń negizgi qyzmetiniń biri bolyp tabylady. Búgingi kúni Almaty oblysynda jalpyádep jónindegi 40 ýákil óz qyzmetin atqarýda.

Qorytyndylaı kele, Memleket basshysy júktegen mindetterdi tıisti deńgeıde oryndaý óńirlerde jumysty tıimdi uıymdastyrylǵan jaǵdaıda ǵana júzege asyrylady.

Serikbaı Nurǵısaev,

Memlekettik qyzmet isteri agenttiginiń Almaty oblysy boıynsha departamentiniń basshysy - Ádep jónindegi keńestiń tóraǵasy

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar