Ekonomıka • 30 Qyrkúıek, 2019

2020 jyly Qazaqstanda munaı kompanııalarynyń jańartylatyn energııa boıynsha alǵashqy jobalary paıda bolady

51 retkórsetildi

Búgingi tańda Qazaqstanda tolyq qýattylyǵy 930 megavatt bolatyn 81 jańartylatyn energetıka nysany jumys istep tur. Jyl sońyna deıin taǵy 5 JEK nysany iske qosylady. Bul týraly PrimeMinister.kz-ke bergen suhbatynda QR EM Jańartylatyn energııa kózderi departamentiniń dırektory Aınur Sospanova aıtyp berdi.

Onyń aıtýynsha, ınvestorlar men esep-qarjy ortalyǵy arasynda jasalǵan kelisimsharttar 3 myń megavattqa jaqyndady. Qazaqstan úshin bul aıtarlyqtaı kólem. Osy 3 myń megavatt birtindep salynyp, elimizdiń energetıkalyq teńgerimine engiziletin bolady.

Buǵan qosa, A. Sospanova 2019 jyly Qazaqstanda nysandar belsendi túrde paıdalanýǵa berilip jatqanyn atap ótti. 2019 jyldyń qorytyndysy boıynsha elimizde bekitilgen qýattylyǵy 960 megavatty quraıtyn 86 nysan bolady. Aldyn ala baǵalaýlar boıynsha, bul jobalar elimizge $1 mlrd jýyq tartýy tıis.

«Bul ınvestısııalar jumys oryndaryn quryp, salyq tólep, «jasyl» energııany óndirýge múmkindik beredi.  Budan ózge, árıne, bul ınvestısııalardyń tıimdiligi – jańa salanyń qurylýy jáne bizdiń qazaqstandyq mamandardyń oqytylýy. Munda Kegoc júıelik operatory da, jelilik uıymdar da tartylǵan», — dedi A. Sospanova. 

Taıaýda ǵana Qaraǵandy oblysynda qýattylyǵy 50 megavatt bolatyn kún stansııasy paıdalanýǵa berildi. Bul jobaǵa ınvestısııa salǵan nemis ınvestory Qazaqstandaǵy jańartylatyn energetıka jobalaryn burynnan damytyp keledi. 

Sondaı-aq, A. Sospanovanyń aıtýynsha, respýblıkada basqa elderdiń ınvestorlary belsendi jumys isteıdi. Budan ózge, ol qazirgi zamanǵa saı este qalarlyq úrdisti atap ótti, — munaı alyptary jańartylatyn energetıka jobalaryn damyta bastady. 

«Shell, Eni, Total, Iren sııaqty munaı kompanııalary jańartylatyn energııa kózderi boıynsha jobalardy damytýda jáne kelesi jyly Qazaqstanda munaı kompanııalarynyń alǵashqy jobalary jumys isteıtin bolady. Biz úshin bul Qazaqstanda munaı-gaz salasynda 20 jyldyq tájirıbesi bar turaqty ınvestorlardyń jańartylatyn energııa kózderine kelýiniń jaqsy belgisi. Bul óte jaqsy. Biz Qazaqstandy, bizdiń zańnamamyzdy jaqsy biletin osyndaı ınvestorlardyń tizimi Qazaqstan týraly jaqsy bilip keledi jáne jańaratyn energııa kózderine úlesterin qosatyn bolady dep úmittenemiz», — dedi QR Energetıka mınıstrliginiń Jańartylatyn energııa kózderi departamentiniń dırektory Aınur Sospanova.

Sońǵy jańalyqtar

Garrı Kasparov robottardan saq bolýdy eskertti

Tehnologııa • Búgin, 09:11

Áriptestik ornatýǵa kelisti

Tehnologııa • Búgin, 08:16

Investorlardyń alǵysy

Aımaqtar • Búgin, 08:10

Qoǵamdyq keńester qyzmeti jandanady

Parlament • Búgin, 08:08

Áskerde tártip bolmasa...

Qoǵam • Búgin, 07:56

Estaıdyń jańa sýreti tabyldy

Tanym • Búgin, 07:49

«Egemen» – ómirsheń basylym

Rýhanııat • Búgin, 07:45

Adaldyq qundylyqtary dáripteldi

Aımaqtar • Búgin, 07:44

Jańa formattaǵy mamandar daıyndaıdy

Aımaqtar • Búgin, 07:41

Bos jatqan jerlerge baqylaý kúsheıdi

Aımaqtar • Búgin, 07:36

San salaǵa serpin bergen Túrkistan

Aımaqtar • Búgin, 07:31

Álimjettikke qandaı jaza bar?

Tanym • Búgin, 07:29

Parıjdi moıyndatqan qazaq qyzy

Álem • Búgin, 07:26

«Áıteýir aqsaqaldar aıtpady dep...»

Rýhanııat • Búgin, 07:24

Úkilim-aı

Tanym • Búgin, 07:21

Donbass neden dúrlikti?

Álem • Búgin, 07:19

Tasqynǵa – tosqyn

Úkimet • Búgin, 07:12

Uqsas jańalyqtar