Oǵan ózimizdiń elden basqa О́zbekstan, Qyrǵyzstan, Reseı elderinen jıyrma shaqty tanymal sýretshiler qatysyp, on kún boıy Esildiń «Iman- Burlyq» atalatyn oń saǵasynyń boıyna ornalasqan alǵashqy adamdardyń Botaı qonysyndaǵy qonaqúıge jaıǵasyp, sýretter salǵan edi. Adam balasynyń jylqyny alǵash qolǵa úıretkeni de osy jer ekendigi qazir álemge áıgili. Bul jerden alǵashqy adamdarǵa tıesili 300-den artyq artefaktynyń tabylǵanyn da aıta ketken jón.
Kúzdiń sary altyndaı jaımashýaq kúnderi de sýretshilerdiń shyǵarmashylyǵyna qolaıly jaǵdaı týǵazǵan. Biraq arasynda teristiktiń qara daýyly turyp ketip, olardy ábigerge salǵan kezderi de bolypty. Ne de bolsa júzderi jel qaǵyp, qaraqoshqyldanǵan sýretshilerdiń kóńil-kúıleri jaqsy kórindi.
О́tken juma kúni Soltústik Qazaqstan oblystyq ólketaný mýzeıinde qylqalam sheberleriniń salǵan sýretteriniń kórmesi boldy. Botaıdyń ereksheligi men mańyzyn, tereń tarıhyn óz qoldarymen álemge tanyta túsýdi oılaǵan olardyń eńbekterin Qyzyljardyń zııaly qaýymy qyzyǵýshylyqpen tamashalady.
Kórmeniń ashylý saltanatynda oblys ákiminiń orynbasary Rýslan Álishev sóılep, oblys aýmaǵyndaǵy ataqty eskertkishti halyqaralyq deńgeıde tanystyra berýdiń osyndaı ádisin jasaǵandaryn aıtty jáne bul is oblystyń týrızm salasyn damytýǵa óz úlesin qosatynynan úmitti ekenin jetkizdi. "Bizdiń bul sharamyz búgingi Halyqaralyq týrızm kúnine dál kelip otyr. Osynyń ózi tegin emes. Bálkı bizdiń isimiz óńirimizde týrızmdi damytýǵa yqpalyn tıgizer» dedi ol. Sonymen birge Rýslan Álishev sharaǵa qatysqan sýretshilerdiń bárine oblys ákimi Q.Aqsaqalovtyń quttyqtaýy men Alǵys hatyn tapsyrdy.
Kórmege sharaǵa qatysqan barlyq sýretshilerdiń 80 eńbegi qoıylypty, olardyń jartysy Soltústik Qazaqstan mýzeıine syıǵa tartylady.
Soltústik Qazaqstan oblysy
