Qoǵam • 30 Qyrkúıek, 2019

«Kovcheg» balalar úıi qar barysymen tanysty

163 ret kórsetildi

«Shın-Laın» kompanııasy talǵarlyq «Kovcheg» balalar úıiniń tárbıelenýshileri úshin Qyzyl kitapqa engen, Qazaqstannyń sımvoly sanalatyn barysyn zertteýge mamandanǵan qazaqstandyq ǵalymmen tanymdyq kezdesý uıymdastyrdy. Balalar úshin bul kezdesý kezdeısoq emes. О́ıtkeni, aty ańyzǵa aınalǵan qar barysy Talǵar taýlaryn mekendeıdi.

Kezdesý barysynda QR Bilim jáne ǵylym mınıstrligi Ǵylym komıteti Zoologııa ınstıtýty terıologııa zerthanasynyń aǵa ǵylymı qyzmetkeri Altynbek Janyspaev Qazaqstanda mekendeıtin ilbis týraly qyzyqty málimettermen bólisti.

Balalar kezdesýde qar barysy joıylyp ketýdiń az-aq aldynda turǵan sırek túr ekendigi, onyń Halyqaralyq tabıǵatty qorǵaý odaǵynyń Qyzyl tizimine jáne ol mekendeıtin Qazaqstan, Qyrǵyzstan, О́zbekstan, Tájikstan, Aýǵanstan, Pákistan, Úndistan, Nepal, Býtan, Qytaı, Mońǵolııa jáne Reseı barlyǵy 12 eldiń Ulttyq Qyzyl kitaptaryna engizilgeni týraly kóp maǵlumat aldy. Ilbis tek Qazaqstannyń nyshany ǵana emes, sonymen qatar «Shın-Laın» kompanııasynyń sımvoly, janýar kompanııanyń logotıpinde beınelengen. Bul patshalyq ań bekzattyqty, kúsh pen erlikti sıpattaıdy.

Balalar men jasóspirimder ǵalymnyń áserli áńgimesin qyzyǵa tyńdap, tolassyz suraqtardyń astyna aldy.

«Mundaı kezdesýler balalarǵa jańa dúnıelerdi bilýge ǵana emes, sonymen qatar bolashaq mamandyǵyn tańdaýǵa datúrtki bola alady. Kim biledi, múmkin, jyldar óte osy balalar úıiniń burynǵy tárbıelenýshisi ózge balalarǵa sırek kezdesetin janýarlar týraly dáris oqıtyn shyǵar. Nemese belgili sýretshi atanady», deıdi Altynbek Janyspaev.

Kezdesýden keıin balalar arasynda ótken «Qar barysy − Qazaqstannyń sımvoly» atty sýret baıqaýy qorytyndylandy.  Ár túrli jas tobyndaǵy bes jeńimpaz úshin «Shın-Laın» kompanııasy jıvopıs boıynsha Almatyda ótetin sheberlik-synybyn uıymdastyrdy, oǵan jaqyn ýaqytta balalar barmaq. Kompanııa atap ótkendeı, sheberlik synyby balalarǵa jańa daǵdylar men bilim alýǵa, sondaı-aq óziniń daryndylyǵyn ashýǵa jáne jańa sýretterge shabyttandyrýǵa múmkindik beredi.

«Bizdiń kompanııa «Kovcheg» balalar úıi úshin únemi is-sharalar ótkizedi. Biz úshin bul – álemdi kishkene jaqsartýǵa múmkindik, ata-ana mahabbatynan aıyrylǵan balalarǵa jarqyn bolashaqqa múmkindik syılaý, olarǵa óz-ózine senýge jáne ómirde óz jolyn tańdaýǵa jol ashý», – dep atap ótti «Shın-Laın» kompanııasynyń bas dırektory Vladımır Pak.

«Kovcheg» balalar úıiniń dırektory Marına Sýgakova tárbıelenýshiler úshin osyndaı kezdesýler óte mańyzdy ekenin tilge tıek etti. О́ıtkeni, olar balalarǵa qorshaǵan ortany jete tanýǵa, ony súıip, qamqorlyq jasaýǵa, jańa adamdarmen jáne olardyń áýestikterimen tanysýǵa, óziniń bolashaq mamandyǵyn sanaly túrde tańdaýǵa qadam jasaýǵa kómektesedi.

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar