«True or False» jobasy jastardyń synı oılaýy men aqparattyq saýattylyǵyn damytýǵa baǵyttalǵan. Joba aıasynda «True or False» synı oılaý mektebi ashylady, mekteptiń maqsaty jastardyń synı oılaýyn, kıberkeńistiktegi aqparatty taldaý daǵdylaryn qalyptastyrý bolyp tabylady. «Jastar aqparattyń taratylý jyldamdyǵy jáne tehnologııalardyń qarqyndy damýyna daıyn bolý tıis. Taqyryptyń ózektiligine baılanysty atalmysh joba uıymdastyryldy», – dep atap ótti basqarmada.
Aıta keteıik, atalmysh joba «Rýhanı jańǵyrý» baǵdarlamasy sheńberinde júzege asyrylyp otyr. Jobaǵa sáıkes, qazan aıynan qarasha aıyna deıin elordada 14-29 jas aralyǵyndaǵy 150 qatysýshy úshin trenıng ótkiziledi.
