Qoǵam • 01 Qazan, 2019

Azamattyq qoǵamdy damytý tu­jyrymdamasy talqylandy

24 retkórsetildi

Elordada 2025 jylǵa deıingi Azamattyq qoǵamdy damytý tu­jyrymdamasynyń jobasyn talqylaý boıynsha respýb­lı­ka­lyq konferensııa ótti. Aq­parat jáne qoǵamdyq damý vıse-mınıstri Danııar Esınniń basshylyǵymen ótken jıynǵa elimizdegi túrli zańdy tulǵalar bir­lestikteriniń ókilderi, Ult­tyq qoǵamdyq senim keńesiniń músheleri qatysty.

Shara barysynda tujyrymdama jobasy talqylanyp, oǵan engizilgen ózgerister túsindirildi. Aqparat jáne qoǵamdyq damý mı­nıstr­ligi Azamattyq qoǵam isteri komıtetiniń tóraǵasy Álııa Ǵalymova­nyń aıtýynsha, tujyrymdama azamat­tyq qoǵamdy qoldaý jáne nyǵaıtý, áleýmettik máselelerdi sheshý, kóppar­tııalyqty, saıası básekelestikti jáne eldegi pikir alýandyǵyn damytý sharalaryn kózdeıdi.

«Tujyrymdama jobasyn tórt basym­dyq boıynsha iske asyrý josparlanǵan. Birinshi basymdyq boıynsha azamat­tyq qoǵam salasyndaǵy zańnamany je­til­dirý, úkimettik emes uıymdardaǵy qu­­­qyqtyq retteýdi jetildirýge baǵyttalǵan 3 mindet pen 9 bastamany iske asyrý jos­parlanǵan. Osy rette úkimettik emes uıymdarǵa qatysty memlekettik qoldaý tetikterin damytý, volonterlik jáne qaıyrymdylyq, qoǵamdyq keńester qyzmetin jetildirý, saıası partııalarǵa qatysty zańnamalarǵa ózgerister men tolyqtyrýlar engizý, BAQ jáne medıa­sııa ınstıtýtyn jetildirý máseleleri nazarǵa alynǵan. Ekinshi basymdyq aıasynda úkimettik emes uıymdardy kási­bılendirýge, olardyń básekege qabi­let­tigin arttyrýǵa basa nazar aýdaryla­dy. Al úshinshi basymdyq halyqtyń ózekti problemalaryn sheshýde memlekettiń aza­mattyq qoǵam ınstıtýttary­men baı­lanysyn, áriptestigin jetildirý, aza­mat­tardyń memlekettik qujat­tardy ázir­­leýge qatysý múmkindik­t­erin keńeı­týge baǵyttalǵan. Tórtinshi basymdyq negi­zinde qoǵam­dyq-saıası jańǵyrtýda zańnamany lıberalızasııalaý, kóppar­tııa­lyqty, saıası plıýralızmdi damytý jolǵa qoıylǵan», dedi Álııa Ǵalymova.

Atalǵan sharalardy iske asyrý úshin 11 zańǵa ózgeris engizý josparlanǵan. «Ulttyq volonterlik jeli» ZTB tóraǵasy Vera Kımniń aıtýynsha, Eriktiler jyly qarsańynda «Eriktiler týraly» zańǵa ózgeris engiziledi. Sonymen birge jastardan bólek eresekterdi de eriktilikpen aınalysýǵa shaqyrý jumystary júrgizilmek. «Bul elimizde eriktilik mádenıetin qalyptastyrýǵa múmkindik beredi», deıdi Vera Kım.

Eýrazııalyq ıntegrasııa ınstıtý­tynyń dırektory, Ulttyq qoǵamdyq senim keńesiniń múshesi Erlan Saırov saıası júıe ózgeriske, revolıýsııaǵa da­ıyn bolý keregin aıta otyryp, Ulttyq qoǵamdyq senim keńesiniń birinshi otyrysynda usynylǵan ózgeristerdi atap ótti. Onyń aıtýynsha, mıtıng ótkizý, BAQ, saılaý, Parlament, partııa­lar týraly zańdarǵa ózgerister engizilýi qajet. «Qoǵamdyq senim keńesi hat­shy­lyǵy daıyndaǵan 77 bólimnen turatyn is-sharalar jospary ázirlendi. Joǵaryda atalǵan máseleler de sonyń negizgi shara­larynyń qatarynda. Saıası júıeni lıberalızasııalaýda azamattyq qoǵamnyń róli erekshe. Zańnamaǵa óz­gerister engizilse, bizdiń de júıeniń jań­ǵyrýǵa daıyn ekenin kórsetpek», dedi ol.

Al «Qazaqstannyń Azamattyq alıansy» ZTB vıse-prezıdenti Musaǵalı Dýambekov atalǵan qujattyń mańyzy zor ekenin aıtty. «Azamattyq alıans ta óz kezeginde tujyrymdamasyn usynǵan edi. Degenmen alǵashqy jobaǵa kóp óz­geris­ter engizilgen. Alaıda qaı jaǵ­daıda da azamattyq qoǵamnyń damýy úshin konsepsııa qajet. Bul azamattyq qoǵam qurýda baǵyt-baǵdar kórsetetin nusqaýshy bolmaq», dedi ol. Oǵan qosa memlekettik uıymdarǵa júktelgen mindetter úki­met­tik emes uıymdarǵa tapsyrylýy kerek­tigin aıtty.

Sonymen birge «Azamattyq qoǵamdy damytý qaýymdastyǵy» ZTB tóraǵasy Jámıla Asanova, «Qazaqstannyń ekolo­gııalyq uıymdarynyń qaýym­dastyǵy» ZTB tóraǵasy Aıgúl Soloveva, «Talap» qoldanbaly zertteýler ortalyǵy» qoǵamdyq qorynyń tóraǵasy Rahym Oshaqbaev, Ishki ister organdarynyń qyzmeti jónindegi qoǵamdyq keńestiń tóraǵasy Marat Qoǵamov pen «Qazaq­standa parlamentshilikti damytý qory» qoǵamdyq qorynyń tóraǵasy Záýresh Battalova tujyrymdama jobasyn talqylaýǵa qatysyp, óz pikirlerin ortaǵa saldy.

 

Banner
Sońǵy jańalyqtar

Elıtaly kezeńge joldama aldy

Sport • Búgin, 09:58

Eki qola medal enshiledi

Boks • Búgin, 09:57

«Barystyń» qarqyny qatty

Hokkeı • Búgin, 09:52

Kıprdi de jeńe almadyq...

Fýtbol • Búgin, 09:51

Galbadrah bolmasa qaıter edik?!

Sport • Búgin, 09:49

«Qara altyndy» qapysyz aǵyzǵan

Qazaqstan • Búgin, 09:44

Qyz áýlıe

Rýhanııat • Búgin, 09:34

Qaıtalanbas qymyz dámi

Qazaqstan • Búgin, 09:33

Rýhanı jańǵyrǵan aýyl

Rýhanııat • Búgin, 09:28

Ekijaqty kelisimge qol qoıyldy

Qazaqstan • Búgin, 09:26

Tálim men tájirıbe ushtasqan uıa

Qazaqstan • Búgin, 09:10

Jambyldyqtardyń jarqyn jobasy

Aımaqtar • Búgin, 08:36

Joshy ulysynyń joǵalǵan shaharlary

Rýhanııat • Búgin, 08:31

Úılestirý keńesiniń kezekti basqosýy

Qazaqstan • Búgin, 08:27

Túgel túrkini túgendegen

Álem • Búgin, 08:20

Katonqaraǵaıdy qalaı saqtap qalamyz?

Qazaqstan • Búgin, 08:12

«Dostastyq vızasyn» engizýdi usyndy

Prezıdent • Búgin, 08:03

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Uqsas jańalyqtar