Aımaqtar • 01 Qazan, 2019

Júz mıllıonnan bir kezdesetin egizder

58 ret kórsetildi

Jaqynda Oral qalasynda álemde sırek kezdesetin ǵajap oqıǵa boldy. Batysqazaqstandyq dárigerler anasynyń qos jatyrynda eki bólek bitip, eki bólek damyp jetilgen sharanalardy aman alyp qaldy.

Sýretti túsirgen Dınara KENDIRBAEVA

Tabıǵattyń tylsymy kóp: dúnıede eki jatyry bar analar sırek te bolsa kezdesedi. Medısınada bul qubylys patalogııa, ıaǵnı aýytqý sanalady. Ǵylymı ádebıetterde «qos jatyrlyq – emdelmeıtin dert» degen baǵa berilgen. Ádettegi áıelge qaraǵanda qos jatyry bar áıeldiń bala kóterip, júkti bolýy qıyn. Júkti bolǵan kúnniń ózinde túsik tastaý qaýpi óte joǵary bolady eken.

Oral qalasynda turatyn Lılııa Konovalova óziniń osyndaı erek­she­­ligin 19 jasynda emhanada qaral­ǵan kezinde bilipti. Árıne dáriger­ler bolashaqta kezdesýi múmkin qıyn­dyqtar týraly boıjetkenge eskert­keni anyq. Biraq Lılııanyń ómiri ádettegideı órbidi. Ýaqytynda tur­mys­qa shyqty, 22 jasynda Alına esimdi tuńǵysh qyzyn aman-esen dúnıe­ge ákeldi.

– Biz endi ul qalaǵan edik. Arada jeti jyl salyp kótergen soń dárigerdiń baqylaýynda boldyq. Boıymda egiz náreste bar ekenin, olardyń eki jatyrda ósip kele jatqanyn estigende qatty ýaıymdadym, – deıdi Lılııa.

 

Egizderdiń arasy eki jarym aı

Anasynyń aıtýynsha, 25 apta­ǵa deıin júktilik birqalypty, ádet­tegideı ótken eken. Tek aıaǵy aýyr bolǵanyna alty aıǵa taıanǵanda aıaq astynan tolǵaq qysqan. Biraq osyndaı jaǵdaıdy aldyn ala boljap, daıyn otyrǵan oraldyq dárigerler abyr­jy­ǵan joq.

– Bul – medısına tarıhynda óte sırek kezdesetin oqıǵa. Qos sharana eki jatyrda damyǵanymen, uryq bir mezgilde túsip, qatar damyǵan. Ananyń erte tolǵaǵy bastalyp, alty aılyq qyz bala dúnıege keldi. Biz táýekelge bel baılap, ekinshi náresteni jatyrda saq­taýǵa, júktilikti jalǵastyrýǵa uı­­ǵardyq. Buǵan mamandardyń bilik­tili­gi de, Batys Qazaqstan oblys­tyq perınataldyq ortalyqtyń tehnı­ka­lyq múmkindigi de jetti, – deıdi orta­lyq­tyń bas dárigeriniń orynbasary, akýsher-dáriger Eset Eralın.

24 mamyrda 25 aptalyq bolyp dúnıege kelgen Lııanyń týǵan kezdegi boıy – 42 sm, salmaǵy bar bolǵany 850 gramm bolatyn! Ol birden shala týǵan shaqalaqtardy baǵatyn arnaıy apparatqa – respıratorlyq qoldaý kórsetetin ınkýbatorǵa jalǵandy. Al onyń syńarynyń jaryq dúnıege kelýine áli eki jarym aı bar bolatyn.

Osy eki aıdan asa ýaqyt ishinde jas ana Batys Qazaqstan oblystyq perınataldyq ortalyǵynda, dáriger-mamandardyń tolyq baqylaýynda boldy. Mine, kópten kútken 9 tamyz da jetti. Dárigerler aıy-kúni jetken ul balany kesar tiligi arqyly aman-esen dúnıege ákeldi. Maksım esimin ıelengen batyrdyń salmaǵy – 2900 gramm, boıy 50 sm, ıaǵnı tolyq jetilgen.

– Mundaı jaǵdaı bizdiń oblys­ta birinshi ret kezdesip otyr. Ár bala óz jatyrynda týdy. Arnaıy kútim arqyly shala týǵan qyz bala da tez jetilip, qazir egizdiń damýyn­da, salmaǵy men jetilýinde esh aıyrmashylyq qalmady, – deıdi neonatolog-dáriger Nurgúl Júnisova.

 

Sırek sandar

Mamandar bir aýyzdan mundaı oqıǵa álemde sırek kezdesetinin aıtyp jatyr. Mysaly, sońǵy 60 jylda jer betinde osyndaı oqıǵanyń sany 70-ten aspapty. Jáne bul oqıǵa­lardyń árqaısysy óz aldyna sensa­sııa, qaıtalanbaıtyn erekshe quby­lys­qa aınalǵan.

Ulybrıtanııa turǵyny Hanna Kıor­sı turmysqa shyqqanymen sábı súıe almaı, deneden tys – jasandy uryqtandyrý kómegine júgingen. Sóıtip onyń qos jatyrynyń birine bir qyz, ekinshisine egiz qyz bitipti. Damyǵan medısınanyń kómegimen dúnıege kelgen kezinde óte álsiz bolǵan náresteler búginde aman-esen ósip ketken.

Al amerıkalyq Endjı Kromar­dyń oqıǵasy oraldyq Lılııa Kono­va­lovanyń tarıhyna uqsaıdy. 2010 jyly eki jatyrynan eki sábıdi dúnıe­ge ákelgen Endjıdiń buǵan deıin ár jyl­dary dúnıege kelgen eki balasy bar eken.

Degenmen, dúnıe júzinde mundaı oqıǵa saýsaqpen sanarlyqtaı az ekeni aqıqat. Ananyń qos jatyrymen bir mezgilde sábı kóterýi 15 000 000-nan 1 kezdesedi eken. Al olardyń aman-esen dúnıege kelýi – 100 mıllıonnan 1 márte ǵana kezdesetin jaǵdaı!

Jaqynda ǵana Batys Qazaqstan oblystyq densaýlyq saqtaý basqar­ma­synyń basshysy Nurdanat Berkin­ǵa­lı oblystyq máslıhat depýtattary aldynda baıandama jasap, óńirde «Densaýlyq» memlekettik baǵ­dar­la­ma­synyń oryndalýy jóninde esep berdi.

 Qaı kezde de medısınalyq qyz­met­tiń sapasy, damý dárejesi ana men bala ómiriniń saqtalýymen ólshe­nedi. Qudaıǵa shúkir, Batys Qazaq­stan oblysynda sońǵy jyldary ana ólimi tirkelgen joq. Al Lılııa Kono­va­lo­vanyń oqıǵasy – qos jatyrdan dúnıege kelgen sábılerdiń habary batysqazaqstandyq dárigerlerdiń bilik­tiligi men erligin dúnıege áıgiledi. Jaqyn­da ǵana Reseı Federasııasynyń 1 arnasy – belgili «Jıt zdorovo» telehabarynyń júrgizýshisi Elena Malysheva osy oqıǵaǵa bir habaryn arnady. Bul shynynda da ǵajap oqıǵa! Álemde sırek kezdesetin sátte biliktilik tanytyp, anany da, balalardy da aman alyp qalǵan dárigerlik topty biz memlekettik nagradaǵa usynamyz, – dedi Nurdanat Berkinǵalıuly.

Durys, marapat ıesin tabýy tıis!

 

Batys Qazaqstan oblysy

 

Sońǵy jańalyqtar

Mennıdiń taǵy bir márttigi

Kásipqoı boks • Búgin, 16:32

Nur-Sultanda taǵy bir Arbat salynady

Elorda • Búgin, 15:35

Adamdardyń alǵysyna esh nárse jetpeıdi

Aımaqtar • Búgin, 12:05

Qostanaıda muz arenasy salynyp jatyr

Aımaqtar • Búgin, 10:56

Elimizde jumyssyzdar sany artty

Qoǵam • Búgin, 10:38

29 qyrkúıekke arnalǵan aýa raıy boljamy

Aýa raıy • Búgin, 09:34

Dollardyń búgingi baǵamy belgili boldy

Ekonomıka • Búgin, 09:25

Mektepterde shekteý kúsheıtildi

Bilim • Búgin, 08:43

Indettiń betalysy irkilissiz

Álem • Búgin, 08:41

33 mln teńge aıyppul salyndy

Qoǵam • Búgin, 08:39

Balalarǵa bazarlyq kóbeıdi

Aımaqtar • Búgin, 08:38

Emhanaǵa tirkelý joldary qandaı?

Medısına • Búgin, 08:28

Eski kompıýterler jańartylady

Aımaqtar • Búgin, 08:16

Aımaq mektepteri abattandyryldy

Bilim • Búgin, 08:15

Ashyqtyq – qoǵam damýynyń kepili

Saıasat • Búgin, 08:13

Mal urlyǵy órship tur

Oqıǵa • Búgin, 08:01

Ekologııalyq bilim berýdiń tetikteri

Saıasat • Búgin, 07:58

Basym mindetter – basty nazarda

Aımaqtar • Búgin, 07:56

Salany jańǵyrtý – ýaqyt talaby

Pikir • Búgin, 07:42

Alty aqynnyń alǵysy

Rýhanııat • Búgin, 07:40

Til tutastyǵy – el tutastyǵy

Rýhanııat • Búgin, 07:37

Altyn astyqty aýyldar

Aımaqtar • Búgin, 07:29

Jambylda júzege asqan jarqyn joba

Aımaqtar • Búgin, 07:27

Qazaq tilin tórge shyǵaratyn ýaqyt jetti

Rýhanııat • Búgin, 07:25

Uqsas jańalyqtar