Aımaqtar • 01 Qazan, 2019

Aýa raıy qolbaılaý bolyp tur

17 ret kórsetildi

Soltústik Qazaqstan oblysynda astyq bıyl da bitik shyqty. Árıne budan áldeqaıda bitik shyqqan jyldar kóp bolǵan. Biraq bıyl jazdyń ystyǵynan dánniń qamyrlylyǵy artyp, sapasy joǵary bolmaq.

Dál qazir Esil óńiriniń dı­qan­­dary árbir qolaıly kúndi utymdy paıdalanyp qalýǵa tyrysyp, jantalasyp jatyr. Biraq jaryqtyq kún de qabaǵyn ashpaı, kúzdiń kóńilsiz jaýyn-shashyny úzilmeı tur. Keıde tipti nóserletip, bir-eki kún boıy úzil­meı turyp alady. Egis ala­ńyna shyqpaq túgili, jer ezi­lip ket­kende qatynas úzilip qa­lady. Sondyqtan keıbir fermer­ler, pysyq sharýalar kún ja­ýyn-shashynsyz bolǵanda oraqty úz­beı salyp, eki aýysymmen ju­mys isteıdi, kombaındar túni­men toqtamaıdy.

Bıyl oblysta barlyǵy
2 mln 861myń gek­tar jerge – dándi daqyl, 970 myń gektar jerge – maıly daqyl, 34 myń gektar kartop, 6,2 myń gektarǵa – kókónis tuqymdary sińirilgen. As atasy alqapqa egil­gen kólem Aqmola men Qos­tanaı oblysynan keıingi úshinshi orynda.

Sońǵy málimet boıynsha óńir­­degi barlyq dándi daqyldyń 70 paıyzy orylyp, destege túsip, sonyń 63,8 paıyzy bastyryldy. Jınalǵan astyq kólemi 39,4 myń tonna. Gektar berekeliginiń ortasha kórsetkishi – 15 sentner.

Qyzyljar, Mamlıýt, Aq­qaıyń, Ýálıhanov aýdandarynda astyq túsimi budan álde­qaı­da joǵary. Kósh bastaýshy Qy­zyl­jar aýdany orta eseppen gek­tarynan 18,3 sentnerden astyq jınalýda, al keıbir jeke sharýashylyqtarda tipti 25-27 sentnerden aınalýda.

Osy kórsetkish boıynsha Sol­­­tústik Qazaqstan kórshiles as­tyqty oblystardan alda ke­ledi. 26 qyrkúıektegi málimet bo­ıynsha gektaryna ortasha tú­­sim Aqmola oblysynda − 10,3, al Qostanaıda – 6,3 sentnerden eken. Alaıda bul óńirlerde as­tyq bastyrý qarqyny joǵary. Naqty aıtatyn bolsaq, Qostanaı barlyq astyǵynyń 74 paıyzyn, Aqmola 68,4 paıyzyn bastyryp úlgeripti.

Soltústik Qazaqstandaǵy as­­tyqty aýdandardyń ishindegi egis kólemi eń úlkeni – Ǵabıt Mú­sirepov aýdany. Búginde aýdan­­­­­­­nyń dıqandary 490,6 myń gek­­tar alqaptyń 64,4%-yn bas­tyryp úlgerdi. Alaıda gektar berekeligi oblystyń ortasha kór­setkishinen tómendeý – 13,6 sentner ǵana. Astyq bastyrýdan oblys boıynsha alda kele jatqan  – Ýálıhanov aýdany. Aýdandaǵy alqaptardyń 71,4 paıyzy bas­ty­rylǵan. Gektar berekeligi 16,4 sentnerden aınalýda. Al kósh sońynda qalyp, jaýyn-shashynnyń kesirinen qulashyn jaza almaı kele jatqan aýdan – Mamlıýt. Jergilikti dıqandar destege túsken astyqtyń 57,7 paıyzyn ǵana bastyrdy.

Sınoptıkterdiń boljamyna qaraǵanda, aldymyzdaǵy on kún kóleminde aýa raıy jady­rap kete qoımaıdy. Oblys as­pa­nyn ala bult basyp, keı jerlerde jaýyn-shashyn kúsheıýi múmkin. Sondyqtan dıqandar astyq bastyrýdy aldymyzdaǵy onkúndikte de aıaqtaı qoıýy ne­ǵaıbyl.

Aýa raıynyń qolaısyzdyǵy dándi daqyldar ǵana emes, maıly daqyldar men kókónisti de tolyq jınap alýǵa mursat bermeı otyr. Oblys boıynsha pisken maı­­­ly daqyldardyń 55,5%-y orylyp, onyń úshten biri ǵa­na bastyryldy. Barlyǵy 265,7 myń tonna maıly daqyl qam­­­baǵa tústi. О́nimdi jınaýda­ alda kele jatqan – Aıyrtaý aýda­nynyń eńbekkerleri. Olar egistiń 45,4 paıyzyn qambaǵa túsirip úlgerdi. Kósh sońynda qa­lyp kele jatqan Tımırıazev aýdanynyń dıqandary egis kóleminiń tek 22,8%-yn ǵana bastyrdy.

 Oblys boıynsha kartoptyń 95 paıyzy jınaldy. Bul iste Ǵabıt Músirepov aýdanynyń eńbekkerleri alda keledi, olar ózderindegi kartop tuqymy si­ńirilgen aýmaqty tolyq jı­na­ǵan. Alaıda ónimdilik tó­mendeý. Oblystaǵy ortasha kór­setkish 130,7 sentner bolsa, Músirepov aýdanynda gektary­nan tek 111,4 sentnerden jınal­ǵan. Al eń jo­ǵary ónim Qyzyljar aýdanynda, olar gektarynan 150 sentnerden ónim alýda.

Oblys kartoptan basqa kó­kónisterdi jınaýdy da áli tolyq aıaqtaı almaı otyr. Sońǵy derekke qaraǵanda, ónimniń áli segiz paıyzy alqapta jatyr. Bá­­rine kedergi bolyp turǵan aýa ra­ıynyń qolaısyzdyǵy. Bes-al­ty kún shaıdaı ashyq bolsa, qy­zyl­jarlyqtar oraq naýqanyn eń­serip tastar edi. Dıqanshy qa­ýym­nyń bar tilegi de sol.

 

Soltústik Qazaqstan oblysy

 

Sońǵy jańalyqtar

Qazaqstanda dollar qaıta qymbattap jatyr

Ekonomıka • Búgin, 12:23

Báıterekte órt shyqty

Aımaqtar • Búgin, 12:00

Jaýapty kezeńge jan-jaqty daıyndyq

Aımaqtar • Búgin, 11:40

Qazaqstanda epıdemııalyq jaǵdaı turaqtaldy

Koronavırýs • Búgin, 09:41

Alekseı Soı áýe qatynasyn toqtatýdy surady

Koronavırýs • Búgin, 09:25

Búgin úsh óńirde úsik júredi

Aýa raıy • Búgin, 09:20

Qazaqstanda taǵy 75 adam koronavırýs juqtyrdy

Koronavırýs • Búgin, 09:11

Adaldyq pen senim bastaýy – ashyqtyq

Saıasat • Búgin, 08:23

Investısııa tartý boıynsha keńes ótti

Ekonomıka • Búgin, 08:22

QOLDA baǵdarlamasy kómek kórsetti

Qoǵam • Búgin, 07:56

Polısııa qyzmetkerleri qan tapsyrdy

Aımaqtar • Búgin, 07:54

«Barys» muzaıdynǵa qashan oralady?

Hokkeı • Búgin, 07:46

Bekzada óner, batyr Bekzat

Sport • Búgin, 07:45

Shyńdar shaqyrady

Týrızm • Búgin, 07:42

Kemeńger jáne senim keńistigi

Abaı • Búgin, 07:36

Aqyldyń keni

Abaı • Búgin, 07:34

Túrmedegiden túńilmeıik

Qoǵam • Búgin, 07:33

Jastarǵa kerek zamanaýı bilim

Bilim • Búgin, 07:19

Termınologııa tezge túsýge tıis

Rýhanııat • Búgin, 07:07

Sańyraýqulaqty qaldyqsyz óndirýde

Tehnologııa • Búgin, 07:02

Shaǵyn aýyldardyń úlken máselesi ­

Aımaqtar • Búgin, 07:00

Syrqatpen kúreste sergek

Medısına • Búgin, 07:00

Sońǵy salto

Qoǵam • Búgin, 06:55

Internasıonalmen qoshtasatyn kez keldi

Oqıǵa • Búgin, 06:49

Uqsas jańalyqtar