Qazaqstan • 01 Qazan, 2019

Mańǵystaýlyq polıseıler Álem chempıony B.Nurdáýletovpen kezdesti

302 ret kórsetildi

Reseıdiń Ekaterınbýrg qalasynda qyrkúıektiń 7-21 aralyǵynda ótken bokstan Álem chempıonatynyń júldegeri Bekzat Nurdáýletovtiń jeńisin búkil qazaq eli zor qýanyshpen qabyldady. Týǵan jeri Mańǵystaý óńirine oralǵan boksshy jigitti jerlesteri qushaq jaıa qarsy alyp, onymen kezdesýler tolastar emes. Jas boksshymen kezekti kezdesý Mańǵystaý oblysy Polısııa departamentinde ótti.

Mańǵystaý oblysy Polısııa departamentiniń bastyǵy Qanat Taımerdenov Álem chempıony Bekzat Nurdaýletovti qarsy aldy.
21 jastaǵy bokstan áýesqoılar arasyndaǵy Álem chempıonatynda altyn medalǵa ıe boldy. Sport jankúıerleri men mamandar 81 kelide sharshy alańǵa túsken jańaózendik bylǵary qolǵap sheberiniń jeńisin chempıonattyń jańalyǵy dep baǵalaýda.

Chempıonat aıasyndaǵy alty kezdesýiniń barlyǵyn jeńispen aıaqtaǵan Bekzattyń Olımpıada chempıony Hýlıo La Krýzdy jeńýi, aqtyq kezeńde ózbekstandyq jalyndy jas boksshy Dılshodbek Rýzmetovten asyp túsýi shyndyǵynda úlken jeńis bolatyn.
Mańǵystaý Polısııa departamentinde jınalǵan jeke quram aldynda chempıon óziniń bapkeriniń arqasynda jeńiske jetkendigin aıtyp, aldaǵy josparymen bólisti. Ol bokstan Olımpıada lısenzııasyn saralaıtyn týrnır, sodan keıin Olımpıadaǵa daıyndalatyn bolady.

Polısııa basshysy Bekzatty jeńisimen quttyqtap, aldaǵy josparlaryna sáttilik tiledi. Sondaı-aq Polısııa basshysy úlgili, el mereıin kótergen ul tárbıelegen sportshynyń ata-anasyna, baptaǵan jattyqtyrýshylaryna alǵysyn bildirip, Bekzatqa shapan japty.

 

Mańǵystaý oblysy

 

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar