Qazaqstan • 01 Qazan, 2019

2020 jyldyń sońyna deıin 880 aýylda keń jolaqty ınternet jelisi qoljetimdi bolady

51 retkórsetildi

Premer-Mınıstr Asqar Mamınniń tóraǵalyǵymen aýylda ınternetke keń jolaqty qoljetimdilikti qamtamasyz etý jáne 5G-di damytý máseleleri týraly ótken Úkimet otyrysynda Sıfrlyq damý, ınnovasııalar jáne aeroǵarysh ónerkásibi mınıstri Asqar Jumaǵalıev jáne «Qazaqtelekom» AQ basqarma tóraǵasy Qýanyshbek Esekeev baıandama jasady. Bul týraly primeminister.kz habarlady. 

A. Jumaǵalıev aıtqandaı, Elbasynyń tapsyrmasyn jáne «Sıfrlyq Qazaqstan» memlekettik baǵdarlamasyn iske asyrý aıasynda Qazaqstan Respýblıkasynyń eldi mekenderin Internet qyzmetterimen qamtý boıynsha josparly jumystar júrgizilip jatyr.

«Qazirgi tańda elimizde 117 qala men 3 324 aýyldyq eldi mekende keń jolaqty Internet qol jetimdi. Olar túrli tehnologııalarmen qamtamasyz etilgen, olardyń ishinde talshyqty-optıkalyq jeliler, 3G jáne 4G jelileri bar», — dedi mınıstr.

2018 jyly Qazaqstan álemdik reıtıngte uıaly baılanys abonentteri boıynsha 21-orynǵa ıe boldy. 

Qazaqstanda Internet paıdalanýshylar sany 2018 jyly 81,3% qurady jáne álemdik reıtıngte Qazaqstan 45-orynǵa ıe boldy.

Aýyldyq jerlerdi keń jolaqty Internetpen ary qaraı qamtý úshin 2018-2021 jyldarda talshyqty-optıkalyq jáne LTE (4G) jelilerin salý josparlanýda.

Birinshi kezeń — talshyqty-optıkalyq jelilerdi salý. Jobany iske asyrý 1 250 aýyldyq eldi mekende joǵary jyldamdyqty Internet qyzmetterin usynýǵa múmkindik beredi. 2019 jylǵy 1 jarty jyldyq qorytyndysy boıynsha talshyqty-optıkalyq jeliler 83 aýyldyq eldi mekende (onyń ishinde 85 densaýlyq saqtaý nysany men 76 bilim berý nysanynda) iske qosyldy. 2019 jyldyń aıaǵyna deıin 685 aýyl Internet jelisine qosylady, al 2020 jyly taǵy 509 aýyldy qosý josparlanýda.

Ekinshi kezeń — LTE (4G) mobıldi baılanys jelisin damytý arqyly 3 143 aýyldy: 2019 jyly – 574, 2020 jyly – 1 046 jáne 2021 jyly – 1 523 aýyldy Internetpen qamtý josparlanýda.

Osy atalǵan jobalardy iske asyrý aıasynda 2020 jyldyń aıaǵyna deıin turǵyndardyń sany 250–den asatyn 880 aýyldyq eldi meken keń jolaqty Internet jelisimen qamtylatyn bolady.

Sonymen qatar, ary qaraı turǵyndardyń sany 50-den joǵary 885 aýyldyq eldi mekendi Internet jelisine qosý josparlanýda. Atqarylǵan jumystardyń qorytyndysy boıynsha 2022 jyldyń sońyna deıin 5089 aýyldyq eldi meken Internet jelisine qosylady.

Al qalǵan aýyldarǵa jerseriktik baılanys tehnologııasyn qoldaný arqyly Internet jelisin uıymdastyrýdyń tehnıkalyq múmkindigi qamtamasyz etiledi.

Bul oraıda aýyldyq eldi mekenderdi Internet jelisine qosý Ulttyq ekonomıka mınıstrligi jasaǵan perspektıvaly aýyldar tizimine sáıkes oryndalatyn bolady.

Sondaı-aq, baılanys qyzmetin kórsetý sapasyn jaqsartý maqsatynda, mınıstrlik baılanys jelisiniń sapasy tómen jerlerdi anyqtaý jumystaryn júrgizetin bolady. Baılanys sapasy jaqsartý úshin ákimdikter jáne baılanys operatorlarymen osy ýchaskelerde qosymsha bazalyq stansııalardy ornatý máseleleri pysyqtaldy. Mysaly, Shýchınsk – Býrabaı kýrorttyq aımaǵy jáne Nur-Sultan qalasy aýmaǵynda ákimdiktermen birge arnaıy machtalar salý máselesi oń sheshimin tapty. Bul machtalardy jeke kásipkerler salady, al baılanys operatorlary sol jerlerde bazalyq stansııalaryn ornatady. Osyndaı jumystar Almaty qalasynyń jáne Pavlodar oblysynyń ákimdikterimen de júrgizile bastady.

A. Jumaǵalıev sonymen qatar Qazaqstanda jańa tehnologııalardy engizý boıynsha jumystar júrgizilip jatqanyn aıtty.

«Prezıdenttiń tapsyrmasyna sáıkes mınıstrlik Qazaqstanda 5G tehnologııasy boıynsha jelini engizý jumystaryn atqarýda. Osy oraıda, Jol kartasy bekitildi. 5G mobıldi baılanysynyń testtik synaǵy Nur-Sultan jáne Almaty qalalarynda ótkizildi. Sonymen qatar, synaq jumystaryn bıyl qazan aıynda Shymkent qalasynda ótkizý josparlanyp otyr», — dedi mınıstr. 

Synaq qorytyndysy boıynsha tehnologııanyń zattar Internetin, telemedısınany, ónerkásipti sıfrlandyrý jáne «aqyldy» qalalardy damytý úshin paıdalanylý múmkindikteri saraptalatyn bolady .

5G tehnologııasyn engizý úshin qajetti ınvestısııalar kólemi úlken bolǵandyqtan, birinshi kezeńde bul tehnologııany engizýdi respýblıkalyq mańyzy bar qalalarda (Nur-Sultan, Almaty, Shymkent) uıymdastyrý josparlanýda.

2021 jyldyń aıaǵyna deıin Nur-Sultan qalasynda Nazarbaev ýnıversıteti men Ekspoda engizý josparlanýda. Al 2022 jyly áýejaı men vokzalda, iri saýda oryndary men alańdarda 5G tehnologııasy paıda bolady. Odan ári 2023 jyldan bastap elimizdiń barlyq oblys ortalyqtarynda 5G engizý jumystary júrgiziledi.

Osylaısha, atqarylǵan jumystardyń nátıjesinde 2022 jyldyń sońyna deıin Qazaqstan Respýblıkasy turǵyndarynyń 97 %-y keń jolaqty Internet jelisimen qamtylatyn bolady. Turǵyndardyń qalǵan 3%-y úshin jerseriktik tehnologııany qoldaný múmkindigi qamtamasyz etiledi.

«Internet jelisine qoljetimdilikti aýyldyq eldi mekenderde arttyrý, “Sıfrlyq Qazaqstan” memlekettik baǵdarlamasy boıynsha elektrondyq densaýlyq saqtaý, elektrondyq qyzmet kórsetý jáne basqa jobalardy iske asyrýdyń negizgi elementi bolyp tabylady. Bul qala men aýyl arasyndaǵy sıfrlyq alshaqtyqty qysqartýǵa yqpal etedi. Al turǵyndarǵa sıfrlyq tehnologııalardy tolyqqandy qoldanýǵa múmkindik berip, Qazaqstan ekonomıkasynyń damýyna óz yqpalyn tıgizetin bolady», — dep túıindedi A. Jumaǵalıev.

«Qazaqtelekom» AQ «Transtelekom» AQ-men birlesip MJÁ sharty aıasynda «Talshyqty-optıkalyq baılanys jelileri tehnologııasy boıynsha Qazaqstan Respýblıkasynyń aýyldyq eldi mekenderin keń jolaqty ınternetpen qamtamasyz etý» jobasyn iske asyryp jatyr. Atalǵan joba týraly tolyǵyraq «Qazaqtelekom» AQ basqarma tóraǵasy Q. Esekeev aıtyp berdi.

«Biz ótken jyly aýylda talshyqty-optıkalyq baılanys jelilerin salý boıynsha úlken jobany qolǵa aldyq. Munda biz Qazaqtelekom men Transtelekom kompanııalar toby qatysatyn konsorsıým qyzmetin atqaramyz. Aldymyzǵa qoıylǵan mindet – 3 718 bıýdjet mekemesi ornalasqan 1250 aýyldyq eldi mekendi qamtý boldy», — dedi Q. Esekeev. 

Sonymen qatar, mınımaldy jyldamdyq talaby 10 Mbıt/s qurady. Jeke seriktester salýdy josparlaǵan TOBJ jalpy uzyndyǵy aýyl ishilik jelilerdi qosa alǵanda 20 myń km-nan asady, sondaı-aq, jobada derekterdi taratý jabdyǵy men kólik jelisi jabdyǵyn ornalastyrý qarastyrylǵan. «Qazaqtelekom» AQ men «Transtelekom» AQ ınvestısııalarynyń jalpy kólemi 68 mlrd tg quraıdy. Aýyldyq eldi mekender osy eki kompanııa arasynda bólindi: 828-i — «Qazaqtelekom» AQ-da, 422-si — «Transtelekom» AQ-da.

«Biz jeke seriktespiz, kelisimshart 14 jylǵa jasaldy. 3 jyl ishinde biz ınfraqurylym salamyz, onyń qyzmetter 14 jyl ishinde kórsetiledi», — dep túsindirdi «Qazaqtelekom» AQ basqarma tóraǵasy. 

Qazirgi tańda jeke seriktester jobany iske asyrýda 177 memlekettik organdy qosty. («Qazaqtelekom» AQ – 29, «Transtelekom» AQ – 148). Josparǵa sáıkes jyl sońyna deıin 664 memlekettik organdy qosý qajet. 

«Qazaqtelekom» AQ basqarma tóraǵasy 2019 jyldyń sońyna deıin 279 eldi mekendegi 841 memlekettik mekemede keń jolaqty ınternet qoljetimdi bolatynyna senim bildirdi. 

Banner
Sońǵy jańalyqtar

Atyraýlyq sarbazdar áskerge attandy

Aımaqtar • Búgin, 17:27

Almatyda taǵy da jylý qubyry jaryldy

Qoǵam • Búgin, 16:20

Jambylda aǵash kóshetteri otyrǵyzyldy

Aımaqtar • Búgin, 16:02

Taldyqorǵanda tekstıl shyǵarylady

Aımaqtar • Búgin, 15:42

Eń qysqa áńgime. Qanat Ábilqaıyr

Eń qysqa áńgime • Búgin, 11:33

Eń qysqa áńgime. Arman Álmenbet

Eń qysqa áńgime • Búgin, 11:26

Kúlki kerýeni № 2

Rýhanııat • Búgin, 10:27

Qylqalamnyń ushynda – Qaraǵandy

Rýhanııat • Búgin, 09:48

«Qoıanqasqa» tulpar top jardy

Rýhanııat • Búgin, 09:11

Qazan meshitiniń úlgisin tańdapty

Rýhanııat • Búgin, 09:09

Qazaq dastarqanynan dám tatty

Aımaqtar • Búgin, 09:03

Baqyt Bókebaev: Bekzat óner belesteri

Rýhanııat • Búgin, 08:59

Aqyn qalamyndaǵy akademık beınesi

Rýhanııat • Búgin, 08:56

Baıanǵalı týraly baıan

Rýhanııat • Búgin, 08:52

Joldyń jaıy qalaı: Mamandar jetispeıdi

Aımaqtar • Búgin, 08:50

Semizdik túrli syrqatqa sebepshi

Qoǵam • Búgin, 08:39

«Nurly kósh» kúnin belgilesek...

Qoǵam • Búgin, 08:35

Jańa aıaldamaǵa jany qas

Aımaqtar • Búgin, 08:31

Jańaózende jańa joba bastaldy

Aımaqtar • Búgin, 08:24

Taǵzym men taǵylym toǵysqan toı

Rýhanııat • Búgin, 08:19

Bizdiń belsendiligimiz de mańyzdy

Qoǵam • Búgin, 08:16

Ekonomıkada turaqty ósim bar

Ekonomıka • Búgin, 08:06

Kraýdfandıng qazaqqa da jat emes

Qazaqstan • Búgin, 08:00

Elbasy Qyrǵyzstan basshysymen kezdesti

Saıasat • Búgin, 07:56

Uqsas jańalyqtar