Tehnologııa • 01 Qazan, 2019

Qazaqtelekomda elektrondy SIM-kartaǵa kóshý perspektıvalary týraly aıtyldy

61 ret kórsetildi

Búgin Úkimet úıiniń baspasóz alańynda ótken baspasóz konferensııasynda «Qazaqtelekom» AQ basqarma tóraǵasy Qýanyshbek Esekeev Qazaqstanda 5G engizýdiń artyqshylyqtary týraly aıtyp berdi. Bul týraly Premer-Mınıstrdiń baspasóz qyzmeti habarlady.

Q. Esekeevtiń aıtýynsha, 5G qosqannan keıin kóptegen qyzmetter qoljetimdi bolady. Eń aldymen, beınekonferensııa baılanysy, E-commerce jáne basqa da qyzmetter ashyq bolady.

«5G — bul múldem basqa jyldamdyq. Shamamen 30 ese artyq. Elestetýdiń ózi ońaı emes, osy másele arqyly kóptegen nárselerdi jasaýǵa bolady, máselen: avtokólikti qashyqtan basqarýdan bastap, qashyqtan medısınamen aınalysý. 5G kóptegen ózgerister alyp keledi. Eske túsirip ótsek, 4G qosylǵannan keıin bizdiń ómirimizge Instagram men Feısbýk endi. Sol sekildi 5G qosylǵannan keıin jańa qyzmetter paıda bolmaq», — dep málimdedi «Qazaqtelekom» AQ basqarma tóraǵasy.

Buǵan qosa, Q. Esekeev 5G jelilerin engizgennen keıin qarqyndy túrde damı bastaıtyn salalardy atap ótti.

«Tehnologııalar keledi, sóıtip ónerkásip, elektrondy kommersııa odan ári aıqyn damı bastaıdy. 5G túrli salalarda birneshe revolıýsııalyq ózgerister engizedi dep oılaımyn. Alǵashqy sala – kólik salasy bolady. Sebebi mundaı jyldamdyqtar kólikte óte qolaıly. 5G engizilgennen keıin 2-3 negizgi salanyń túbegeıli ózgergenin baıqaıtyn bolamyz», — dedi Q. Esekeev.  

«Qazaqtelekom» AQ basqarma tóraǵasy búgingi tańda 5G  jelisin engizý birneshe túrli óndirýshide testileýden ótkizilip jatqanyn aıtty.

«Árqaısysy óziniń standartyn, jelisiniń múmkindikterin, óziniń jyldamdyq sıpattamalaryn usynady. Biizdiń bir vendormen shektelgimiz kelmeıtini túsinikti. Bizdiń kompanııanyń strategııasy – vendorlyq táýelsizdik. Biz tikeleı tehnologııalyq táýeldilikte bolmaýy úshin kóptegen san alýan vendorlarymyzdyń bolýyn qarastyratyn bolamyz», — dep túsindirdi Q. Esekeev. 

Sonymen qatar, Q. Esekeev Qazaqstanda jańa eSIM tujyrymdamasynyń jasalýy týraly aıtty. Onyń aıtýynsha, chıp túrindegi SIM-kartanyń kádimgi túri baǵdarlamalyq sheshimge aýystyrylatyn bolady. Bul tujyrymdamany qazir uıaly baılanys operatorlary retteýshimen pysyqtap jatyr.

«Men taıaý arada biz SIM-kartany uıaly telefonǵa chıpti salmastan, baǵdarlamalyq jasaýǵa bolatyn eSIM alǵashqy jobalaryn usynatyn bolamyz dep oılaımyn.  5G paıda bolǵan soń bul tehnologııanyń negizgi bóligi eSIM negizinde engiziletin bolady dep oılaımyn», — dedi «Qazaqtelekom» AQ basqarma tóraǵasy. 

Aýyl turǵyndary úshin «aqyldy aýyl» jáne «bultty» beınebaqylaý tárizdi tehnologııalar qashan qoljetimdi bolady degen suraqqa Q. Esekkev bir jyl ishinde aýyldardy keńjolaqty Internetpen qamtyǵan soń bul múmkin ekenin jetkizdi.

«Biz qalada sońǵy úsh jylda jıyntyqty beınebaqylaýdy belsendi túrde damyttyq.  Aýylǵa joǵary jyldamdyqty ınternet pen Qazaqtelekomnyń kelýimen ol túbegeıli ózgeredi dep oılaımyn. Bul – elektrondy kommersııa salasyndaǵy ózgerister bolmaq. Eń aldymen, sebebi, aýyl turǵyndaryna kommersııalyq resýrstar teń quqyly qoljetimdi bolady. Beınebaqylaý men basqa da servıs túrleri qosylǵannan keıin bir jyl ishinde aýyldarǵa da jetedi dep oılaımyn. Bastysy, jyldamdyq pen qosylǵan abonentterdiń sany», — dedi Q. Esekeev.  

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar