Prezıdent • 02 Qazan, 2019

Eýrazııalyq odaq naryǵy keńeıe túsedi

345 retkórsetildi

Qazaqstan Prezıdenti Qasym-Jomart Toqaev birqatar ekijaqty kezdesýlerden keıin Joǵary Eýrazııalyq ekonomıkalyq keńestiń shaǵyn jáne keńeıtilgen quramdaǵy otyrystaryna qatysty, dep habarlady Prezıdenttiń baspasóz qyzmeti.

Keńestiń keńeıtilgen otyrysyna Belarýs Respýblıkasynyń Prezıdenti Aleksandr Lýkashenko, Qyrǵyz Respýblıkasynyń Prezıdenti Sooronbaı Jeenbekov, Reseı Federasııasynyń Prezıdenti Vladımır Pýtın, Armenııa Premer-Mınıstri Nıkol Pashınıan, Eýrazııalyq ekonomıkalyq komıssııasy alqasynyń tóraǵasy Tıgran Sarkısıan qatysty. Sonymen qatar, sharaǵa Eýrazııalyq ekonomıkalyq odaq janyndaǵy baqylaýshy-memleket basshysy retinde Moldova Respýblıkasynyń Prezıdenti Igor Dodon, qurmetti qonaqtar – Iran Islam Respýblıkasynyń Prezıdenti Hasan Rýhanı jáne Sıngapýr Respýblıkasynyń Premer-Mınıstri Lı Sıan Lýn qatysyp otyrdy.

Qasym-Jomart Toqaev óz sózinde armıan tarapyna jyly qabyldaýyna jáne otyrysqa joǵary deńgeıde daıyndalǵany úshin rızashylyǵyn bildirdi. Memleket basshysy Eýrazııalyq ekonomıkalyq odaqtyń álemdik saýda-sattyqty damytýdyń asa mańyzdy bóligine aınalǵanyna senimdi ekenin aıtty.

Qazaqstan Prezıdenti naryqtyń jyldam ózgerip jatqan konıýktýrasy, derjavalar arasyndaǵy básekelestiktiń artýy, saýda soǵysy, proteksıonızmniń ósýi álem ekonomıkasynyń turaqsyzdyǵyna soqtyrýy múmkin dep atap ótti.

– Ǵalamdyq kúrdeli jaǵdaıda memleketterimizdiń ekonomıkalyq ornyqty damýyn qamtamasyz etý asa mańyzdy. Buǵan shynaıy ári ózara yntymaqtastyq, ıntegrasııa men kooperasııanyń arqasynda ǵana qol jetkizýge bolady. Bizdiń elderimiz ortaq ishki naryqtaǵy kedergilerdi joıý jumystaryn jalǵastyra berýi kerek,– dedi Qasym-Jomart Toqaev.

Memleket basshysy saýda jasaýdaǵy kedergilerdi joıý jónindegi jumysty jandandyrýǵa shaqyrdy.

– Komıssııa ulttyq zańnamalarǵa monıtorıng tetikterin kúsheıte alady jáne solaı isteýge tıis dep oılaımyn. Eýrazııalyq ekonomıkalyq odaq sheńberindegi qoldanystaǵy quqyqtardy túsindirý men aqparattandyrýdyń tıimdi tetikterin ázirleý qajet,– dedi Qazaqstan Prezıdenti.

Qasym-Jomart Toqaev Eýrazııalyq odaq aıasyndaǵy kólik-logıstıkalyq yntymaqtastyqtyń oń nátıjelerin aıta kele, Eýrazııalyq ekonomıkalyq komıssııaǵa jáne el úkimetterine EAEO-nyń birtutas tranzıttik júıesin daıyndaý jumystaryn jedeldetýdi, sonymen qatar ozyq tehnologııalardy damytý úshin qolaıly jaǵdaı jasaýdy usyndy.

– Qytaı – Eýropa – Qytaı baǵytyndaǵy tranzıttik operasııalar men eksport-ımporttyń kólemi turaqty artyp kele jatqanyn baıqaýǵa bolady. Vetnam – Qytaı – Eýropa baǵyty bo­ıynsha iske qosylǵan transkontınentaldi temir jol jelisi Ońtústik-Shyǵys Azııa elderiniń qaýymdastyǵyna kiretin memleketterdiń naryǵyna bizdiń elderdiń ónimderin shyǵarýdyń logıstıkalyq máselesin sheshedi. Atalǵan kólik dálizi teńiz tasymalyna jaqsy balama jáne Ońtústik-Shyǵys Azııadan Eýropaǵa EAEO-ǵa múshe memleketterdiń aýmaǵy arqyly qysqa merzimde júk jetkizýge múmkindik beredi, – dedi Memleket basshysy.

Joǵary Eýrazııalyq ekonomıkalyq keńes otyrysynyń kún tártibindegi bas­ty másele Eýrazııalyq ekonomıkalyq odaqqa múshe memleketter men Sıngapýr Respýblıkasynyń arasyndaǵy erkin saýda aımaǵy týraly kelisimge qol qoıý boldy. Atalǵan kelisim EAEO elderi úshin 600 mıllıon halqy bar Ońtústik-Shyǵys Azııa elderiniń qaýymdastyǵyna múshe memleketterdiń alyp naryǵyna jol ashady. Osyǵan baılanysty Qazaqstan Prezıdenti keńeıip jatqan jańa naryqtar men saýda-ekonomıkalyq baılanystardy damytyp, atalǵan baǵyttaǵy kelissózderdiń joǵary deńgeıin saqtap qalý mańyzdy ekenin aıtty.

– Eýrazııalyq ekonomıkalyq odaq bolashaqta Ońtústik-Shyǵys Azııa elderiniń qaýymdastyǵy, Shanhaı yntymaqtastyq uıymy jáne basqa da iri halyqaralyq uıymdarmen baılanys­tardy arttyrýǵa basymdyq berýi kerek. Búgin Joǵary keńestiń barysynda Sıngapýr Respýblıkasymen erkin saýda aımaǵy týraly kelisimge qol qoıyldy. Osymen EAEO osy baǵytta Vetnamdy qosa aıtqanda ekinshi elmen kelisim jasady. Iran Islam Respýblıkasymen saýda-ekonomıkalyq jáne logıstıkalyq yntymaqtastyqty damytý mańyzdy másele, – dedi Qasym-Jomart Toqaev.

Sondaı-aq joǵary Eýrazııalyq ekonomıkalyq keńes otyrysy aıasynda Qasym-Jomart Toqaev «Eýrazııa kontınentiniń tranzıttik áleýeti» forýmynyń jumysyna qatysty.

Mundaı formattaǵy is-shara EAEO úshin jańalyq boldy. Joǵary Eýrazııalyq ekonomıka keńesiniń sheshimine sáıkes, mundaı forýmdar tóraǵalyq etýshi taraptan ártúrli taqyryptarda ıntegrasııalyq birlestikke múshe memleketterdiń múddelerine saı ótip turatyn bolady.

Erevandaǵy forýmda kólik-logıstıka salasyn damytý, EAEO elderiniń tranzıttik múmkindikterin nyǵaıtý máseleleri talqylandy.
* * *
Joǵary Eýrazııalyq ekonomıkalyq keńes otyrysynyń sońynda Memleket basshysy Qasym-Jomart Toqaev EEK alqasynyń tóraǵasy Tıgran Sarkısıandy II dárejeli «Dostyq» ordenimen marapattady.
Erevanda ótken Joǵary Eýrazııalyq ekonomıkalyq keńes qorytyndysy bo­ıynsha 20 qujat qabyldandy.

Sheshim:
1. Eýrazııalyq ekonomıkalyq forýmy týraly;
2. EEK alqasynyń tóraǵasy týraly;
3. Eýrazııalyq ekonomıkalyq komıssııa alqasynyń jeke quramy men músheleriniń arasyndaǵy mindetterdi bólý týraly;
4. EAEO sotyna sharýashylyq sýbektiler shaǵymdanǵan jaǵdaıda tóleıtin alym kólemin bekitý týraly;
5. 2014 jylǵy 10 qazandaǵy №79 JEEK sheshimine ózgerister engizý týraly;
6. EAEO-nyń 2018 jylǵy bıýdjetiniń oryndalýy jónindegi esep týraly;
7. EAEO-nyń 2020 jylǵy bıýdjeti týraly;
8. EAEO-nyń 2020 jylǵy halyqaralyq qyzmetiniń negizgi baǵyttary týraly;
9. EAEO-nyń jalpy qarjylyq naryǵyn qurý Tujyrymdamasy týraly;
10. EAEO-ǵa múshe memleketterdiń EAEO bıýdjetine jarnalyq qaryzdaryn óteý Tártibin bekitý týraly;
11. EEK alqasyna múshelik ókilettigin merziminen buryn toqtatý týraly;
12. EEK alqasyna múshe taǵaıyndaý týraly;
13. EEK jumys reglamentiniń №1 qosymshasyna ózgeris engizý týraly;
14. EAEO-nyń agroónerkásiptik saıasaty jónindegi Keńesi týraly erejesine ózgeris engizý týraly.

О́kim:
1. Eýrazııalyq ekonomıkalyq odaqqa múshe memleketterdiń bıýdjetteri arasynda kedendik alymdar somasyn bólý normatıvterine baılanysty máseleler týraly;
2. EAEO-ǵa múshe memleketter arasynda gaz tasymaldaý jáne jetkizý salasyndaǵy múshe memleketterdiń zańnamalaryn úılestirý týraly;
3. JEEK-tiń kezekti otyrysyn ótkizý orny men ýaqyty týraly.
Aktiler:

2014 jyldyń 29 mamyryndaǵy EAEO týraly Kelisimniń kedendik alymdar somasyn bólýdiń jańa normatıvterin bekitý bólimine ózgerister engizý týraly Hattamaǵa qol qoıý týraly;

2014 jyldyń 29 mamyryndaǵy EAEO týraly Kelisimniń avanstyq tólemderdi qarjylaı (aqsha) tóleý múmkindikterin taný bólimine ózgerister engizý týraly Hattamaǵa qol qoıý týraly;

2014 jyldyń 29 mamyryndaǵy EAEO týraly Kelisimniń tehnıkalyq, kedendik, kóliktik retteý, sanıtarlyq, fıtosanıtarııalyq sharalar, aqparattyq ózara is-qımyl, makroekonomıka, básekelestik jáne energetıka bólimine ózgerister engizý týraly Hattamaǵa qol qoıý týraly.

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar