Rýhanııat • 02 Qazan, 2019

Ulttyq Iаdrolyq Ortalyqtyń tuńǵysh bas dırektory Ǵadilet Batyrbekovke memorıaldyq taqta ashyldy

104 ret kórsetildi

Kýrchatov qalasynda kórnekti qazaqstandyq ǵalym, tehnıka ǵylymdarynyń doktory, professor, Qazaqstan Respýblıkasy memlekettik syılyǵynyń laýreaty, QR Ulttyq ıadrolyq ortalyǵynyń tuńǵysh bas dırektory Ǵadilet Ándııanuly Batyrbekovke arnalǵan memorıaldyq taqtanyń saltanatty ashylýy ótti. Ashylý Qazaqstan Respýblıkasynyń atom salasy qyzmetkerleriniń kúni qarsańynda uıymdastyryldy.

 - Ǵadilet Ándııanuly Batyrbekov bizdiń memleketimizdiń tarıhynda umytylmas iz qaldyrdy. О́z isiniń naǵyz sheberi búkil ómirin otandyq ǵylymdy damytýǵa, ıadrolyq reaktorlar fızıkasy men atom energetıkasynyń ózekti máselelerin sheshýge arnady. Ǵadilet Ándııanulynyń ómirindegi erekshe kezeń onyń Qazaqstan Respýblıkasy Ulttyq ıadrolyq ortalyǵynyń qalyptasýy men damýyna qosqan úlesi boldy,- dedi QR UIаO qoǵammen baılanys bóliminiń bastyǵy Aınur Ahmetova.

Búginde ákesiniń jolyn qýyp, Elbasynyń bastamasymen qolǵa alynǵan Ulttyq Iаdrolyq Ortalyqty basqaryp otyrǵan Bas dırektor Erlan Batyrbekovtyń aıtýynsha, ákesi Ǵadilet Batyrbekova elimiz táýelsizdik alar tustaǵy 1990-jyldardyń basyndaǵy aýyr saıası jáne ekonomıkalyq jaǵdaılarǵa qaramastan Semeı synaq polıgonynda burynǵy KSRO-nyń áskerı-ónerkásiptik kesheniniń ǵylymı-tehnıkalyq áleýetin saqtap, QR UIаO-nyń jumysqa qabiletti qurylymyn qura alǵan.

Osylaısha, Qazaqstannyń salalyq ǵylymı kásiporyndarynyń ǵylymı-tehnıkalyq áleýetin biriktirý nátıjesinde atom energııasyn beıbit maqsatta paıdalaný salasynda biryńǵaı ǵylymı-tehnıkalyq saıasatty júrgizý úshin qajetti jaǵdaılar jasaldy. Qazaqstan atomdy soǵys quraly emes, beıbit maqsatta paıdalanatyndyǵyn dáleldegen.

Aıta ketý kerek, QR UIаO atom energetıkasy, radıasııalyq ekologııa jáne álemniń qoldanystaǵy polıgondaryndaǵy ıadrolyq qarý synaqtaryn baqylaý salasynda kóptegen eldermen yntymaqtastyq ortalyǵyna aınaldy. Ǵadilet Ándııanulynyń basshylyǵymen alǵashqy «Qazaqstanda atom energetıkasyn damytý» respýblıkalyq nysanaly ǵylymı-tehnıkalyq baǵdarlamasy quryldy, Semeı jáne basqa da ıadrolyq polıgondardyń radıoekologııalyq jaǵdaıyn zerdeleý, energetıkalyq ıadrolyq reaktorlardyń qaýipsizdigin zertteý, álem polıgondaryndaǵy ıadrolyq qarý synaqtaryn baqylaý boıynsha seısmıkalyq stansııalar jelisin qaıta jabdyqtaý jáne damytý boıynsha jumystar júrgizilip, qundy nátıjeler qol jetkizildi jáne basqa da kóptegen jumystar atqaryldy.

Memorıaldyq taqta buryn QR Ulttyq ıadrolyq ortalyǵynyń alǵashqy keńsesi ornalasqan Táýelsizdik kóshesindegi ǵımarattyń qasbetine ornatyldy. Jıynǵa QR Ulttyq Iаdrolyq Ortalyǵynyń barlyq mamandary, ǵalymdary qatysty.

 

Kýrchatov

ShQO

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar