Aımaqtar • 02 Qazan, 2019

Japondyq kompanııa Jaıyq jaǵasyn jóndeıdi

116 ret kórsetildi

Jaıyq ózeniniń jaǵalaýyn bekitý jumystaryn japondyq Tokyo Rope kompanııasy qolǵa alady.

Buǵan deıin álemge áıgili kompanııa TMD elderiniń ishinde alǵash ret Almatyda ókildigin ashyp, jumysyn bastaǵan. Endi Atyraýdan keńse ashyp, jańa jobalarǵa qatysýǵa yqylas bildirip otyr.

Tokyo Rope International kompanııasynyń prezıdenti Sato Kadzýnorı: «Atyraý oblysynyń ekonomıkalyq áleýetin saralap qaradyq. Qarqyndy damyp kele jatqan aımaqqa ózimizdiń joǵary tehnologııalarymyzdy tartyp, birneshe jobalardy iske asyrýǵa nıettimiz. Jaǵalaýdy bekitý jumystaryn júrgizý, qaterli dertpen aýyratyndarǵa arnalǵan medısınalyq ortalyq ashý josparda bar»,-deıdi.

Kompanııa ókildigi keńsesiniń ashylý saltanatynda oblys ákimi Nurlan Noǵaev Tokyo Rope basshylyǵyna seriktestikteri úshin rızashylyǵyn aıtyp: «Ǵasyrlyq tarıhy bar kompanııa aldyńǵy qatarly tehnologııalarymen dúnıe júzine belgili. Qazaqstannyń Tuńǵysh Prezıdenti - Elbasy Nursultan Nazarbaev Japonııaǵa jumys sapary kezinde Tokyo Rope kompanııasynyń basshylyǵymen kezdesip, japon bıznesiniń bizdiń elimizge kelýine bastamashy bolǵan edi. Jaqyn bolashaqta óńirimiz úshin asa mańyzdy jobalardy birge bastaýdy josparlap otyrmyz. Joǵaryda atalǵan jobalarmen birge mashınajasaý sektorynda da oıǵa alǵan ister bar»,-dep atap ótti.

Memleket basshysynyń sheteldik ınvestısııa tartý týraly tapsyrmasy munaıly óńirde jan-jaqty oryndalýda dep senimmen aıtýǵa bolady. Qazir oblysta sheteldik qatysy bar bir myńnan astam kompanııa jumys isteıdi. Elimizdiń ekonomıkalyq áleýetin kóterýge múmkindik beretin jarqyn jobalar qatary áli de tolyǵa túspek.

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar