Taǵaıyndaý • 02 Qazan, 2019

Berik Ábdiǵalıuly Ulytaý aýdanynyń ákimi bolyp taǵaıyndaldy

128 ret kórsetildi

Qaraǵandy oblysyndaǵy Ulytaý aýdanynyń ákimi bolyp Berik Ábdiǵalıuly taǵaıyndaldy. 

Berik Ábdiǵalıuly 1971 jyly Qaraǵandy oblysynyń Rýdnık kentinde (qazirgi Jezqazǵan kenti) týǵan. Bilimi joǵary: 1994 jyly ál-Farabı atyndaǵy Qazaq Ulttyq ýnıversıtetin «Tarıh jáne qoǵamtaný oqytýshysy» mamandyǵy boıynsha támamdaǵan.

Eńbek jolyn 1989 jyly Qaraǵandy oblystyq balalar kitaphanasynda kitaphanashy bolyp bastaǵan. Ár jyldary Prezıdent janyndaǵy Qazaqstannyń Strategııalyq zertteýler ınstıtýtynda qyzmet etti. Bólim meńgerýshisiniń orynbasary mindetin atqarǵan jáne basshynyń orynbasary laýazymynda bolǵan. Sondaı-aq Mádenıet, aqparat jáne qoǵamdyq kelisim mınıstrligi Ishki saıasat departamenti dırektorynyń orynbasary qyzmetin atqardy.

1999-2000 jyldary QR Qaýipsizdik Keńesiniń Taldaý ortalyǵy (Astana) meńgerýshisiniń orynbasary boldy. 2001-2002 jyldary Temirtaý qalasy ákiminiń orynbasary laýazymyn atqardy.

2012 jyly Jezqazǵan qalasynyń ákimi bolyp taǵaıyndaldy jáne osy jyly Premer-Mınıstr Keńsesine ótip, birinshi vıse-premerdiń keńesshisi boldy.

2013 jyly Qaraǵandy oblysy ákiminiń orynbasary bolyp qyzmet etken.

Osy taǵaıyndaýǵa deıin Mádenıet jáne sport mınıstriniń shtattan tys keńesshisi boldy, QR Ulttyq muraǵatyndaǵy «Arhıv-2025» ǵylymı-ádistemelik ortalyǵyn basqardy.

Eske salsaq, Berik Ábdiǵalıuly 2010 jyly Ulytaý aýdanynyń ákimi qyzmetin atqarǵan.

 

Qaraǵandy oblysy

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar