Aımaqtar • 02 Qazan, 2019

Qazaqstannyń bıologııalyq qaýipsizdigin qamtamasyz etý ortalyǵyna 70 jyl

62 retkórsetildi

Búgin Almatydaǵy Ulttyq ǵylym akademııasynda Densaýlyq saqtaý mınıstrliginiń Masǵut Aıqymbaev atyndaǵy Qazaq karantındik jáne zoonozdyq ınfeksııalar ǵylymı ortalyǵy» sharýashylyq júrgizý quqyǵyndaǵy respýblıkalyq memlekettik kásiporny «Qaýipti ınfeksııalar: «Jańa syn-tegeýrinder – bolashaqqa kózqaras» atty halyqaralyq ǵylymı konferensııasyn bastady.

2019 jyldyń 1 qańtarynda Masǵut Aıqymbaev atyndaǵy Qazaq karantındik jáne zoonozdyq ınfeksııalar ǵylymı ortalyǵynyń (budan ári – Ortalyq), burynǵy Orta Azııalyq obaǵa qarsy ǵylymı-zertteý ınstıtýtynyń qurylǵanyna 70 jyl toldy. Osy jyldar ishinde Ortalyq bıologııalyq qaýipsizdik jáne ınfeksııalyq aýrýlar máseleleri jónindegi iri ǵylymı-zertteý jáne uıymdastyrý-ádistemelik ortalyǵyna aınaldy. Ǵylymı ortalyqta joǵary bilikti mamandar, ǵalymdar,mıkrobıologtar, epıdemıologtar, bıologtar, vırýsologtar jumys istedi jáne de jumys isteýdi jalǵastyrýda.

Ortalyq – kóp jyldar boıy asa qaýipti ınfeksııalardyń aldyn alý máselelerimen kásibı aınalysatyn jáne bıologııalyq qaýip-qaterlerge den qoıýdyń ulttyq júıesin uıymdastyratyn Qazaqstandaǵy jalǵyz ǵylymı uıym bolyp tabylady. Búginde Ortalyq – ınnovasııalyq dıagnostıkalyq, aqparattyq jáne óndiristik tehnologııalardy paıdalanatyn biregeı mekeme.

Ortalyqtyń qurylymdyq bólimshesi 2017 jyly salynǵan jáne Qazaqstan – AQSh qaýipterin azaıtýdyń halyqaralyq baǵdarlamasy sheńberinde ónerkásiptik paıdalanýǵa engizilgen biregeı Ortalyq referenttik zerthana (ORZ) bolyp tabylady. Ortalyq referenttik zerthananyń dıagnostıkalyq múmkindikteri praktıkalyq turǵyda sheksiz. О́ıtkeni ortalyq mamandarymyzǵa asa qaýipti ınfeksııalardy qozdyrýshy – oba, Ebola, Lassa, Marbýrg bezgekteri, SARS, joǵary patogendi tumaý jáne t.b. jumys isteýge múmkindik beretin bıoqaýipsizdiktiń 2 jáne 3 deńgeıindegi zerthanalyq modýlderge ıe. Asa qaýipti ınfeksııalar salasyndaǵy senimdi jáne sapaly zertteýlerdi júrgizý Ortalyq zerthanalarynyń múmkindikteri, bizdiń mamandardyń biliktiligi men kásipqoılyǵy ISO 9001-2015 Halyqaralyq sapa standartymen komıssııalyq turǵyda rastalǵan. Naqty aıtqanda, bizdiń ortalyq negizinde ótkiziletin josparly, ǵylymı, arbıtrajdy zerthanalyq zertteýler barlyq halyqaralyq uıymdarmen moıyndalady.

Ortalyqta senimdi zamanaýı ǵylymı genetıkalyq zertteýler júrgizýge qajetti SPF-sanatyndaǵy zerthanalyq janýarlardyń genetıkalyq taza jelisin shyǵarýǵa arnalǵan zamanaýı vıvarıı bar. Ortalyqta 1954 jyldan bastap joǵary bilimi (dárigerler, bıologtar) jáne orta bilimi bar (laboranttar) mamandardy oqytatyn akkredıttelgen zamanaýı oqytý halyqaralyq bilim ortalyǵy qyzmet jasap, damyp keledi. Ortalyqta oqytý prosessin zamanaýı deńgeıde júrgizýge arnalǵan barlyq qajetti materıaldyq-tehnıkalyq jáne kadrlyq resýrstar bar.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar